2 Kronika 23:18 - Ṅmãle̱ Kroṅkroṅ Le̱

¹⁸ Nĩ Iehoiada to Iehowa we le̱ nitšumo̱i le̱ gbe̱dšiano̱ ewo oso̱foi ke̱ Levibii le̱ ní David edša ame̱mlĩ eto Iehowa we le̱ adeṅ, koni ame̱šā Iehowa šã-afo̱lei le̱, tamo̱ bo̱ni aṅmã ye̱ Mose mla le̱ mli le̱, ni ame̱fe ke̱ nyã́mo̱ ke̱ *lala, tamo̱ bo̱ni David to le̱. *29,30.

ŊMALƐ KRƆŊKRƆŊ LƐ

¹⁸ Kɛkɛ ni Osɔfo Yehoiada tu Yehowa Sɔlemɔtsu lɛ mli nitsumɔi lɛ anɔkwɛmɔ hegbɛjianɔtoi lɛ ewo Levibii osɔfoi lɛ adɛŋ. Ni yɛ Levibii krokomɛi lɛ agbɛfaŋ lɛ, bɔ ni David jara amɛmli koni amɛsɔmɔ yɛ Yehowa Sɔlemɔtsu lɛ mli lɛ, asaŋ akɛ amɛ amɛshã Yehowa shãa afɔlei lɛ bɔ ni yɔɔ Mose Mla lɛ mli lɛ, Osɔfo Yehoiada saa ekɛhã amɛ bɔ pɛ ni David eja ehã amɛ eto lɛ. Nakai nɔŋŋ efee kui ni amɛgbɛnaa ji akɛ amɛla lɛ.

2 Kronika 23:18 ပူးပေါင်းရင်းမြစ်များ

1 Kronika 23:25

Edšake̱ David kē̱: Iehowa, Israel Nyoṅmo̱ le̱, ehã emaṅ le̱ he edšo̱le̱ ni *eehĩ Ierusalem ke̱-ate nāno̱. *Ioel 4,21.

2 Kronika 29:25

Ni ehã Levibii le̱ yadamo̱ Iehowa we le̱ ke̱ ṅoṅoi ke̱ be̱dši ke̱ saṅkũi le̱ ye̱ *David ke̱ Gad, maṅtše̱ ninalo̱ le̱, ke̱ Natan, gbalo̱ le̱, kitã le̱ nā; edšake̱ Iehowa kitã ni etšṍ gbalo̱i le̱ ano̱ ewo ni. *1 Kron. 26,1.

2 Kronika 29:27

Ni Hezekia fã́ ake̱ ašã šã-afo̱le ye̱ afo̱lešãlate̱ le̱ no̱; ni beni abõi šã-afo̱le le̱ ši le̱, keke̱ ni abõi Iehowa lalai le̱ alamo̱ ke̱ te̱tre̱mantre̱i le̱ akpãmo̱ ye̱ Israel maṅtše̱ David lala nibii le̱ anā.

2 Kronika 29:30

Ni maṅtše̱ Hezekia ke̱ onukpai le̱ fã Levibii le̱ ake̱ ame̱ke̱ *David ke̱ Asaf, ninalo̱ le̱, wiemo̱i le̱ ala adšie Iehowa yi. Ni ame̱dšie eyi ke̱ nyámo̱ āhũ, ni ame̱mãmo̱ ame̱yi ši ni ame̱so̱le. *23,18.

2 Kronika 30:27

Ke̱ke̱ ni oso̱foi Levibii le̱ te ši ni ame̱dšō̱ maṅ le̱, ni anu ame̱gbē, ni ame̱so̱lemo̱ le̱ yaše̱ ešihĩle̱he kroṅkroṅ le̱ ye̱ ṅwei.

2 Kronika 35:2

Ni eke̱ oso̱foi le̱ yadamo̱ amenitšumo̱i le̱ anā, ni ewoame̱ hewale̱, koni ame̱súmo̱ ye̱ Iehowa we le̱.

2 Kronika 5:5

ni ame̱hole adeka le̱ ke̱ kpē-bū le̱ ke̱ nibii kroṅkroṅi le̱ fẽ ni yo̱ kpē-bū le̱ mli le̱ ke̱-ba, oso̱foi ke̱ Levibii le̱ dši mei ní hole ke̱-ba.

2 Kronika 7:6

Ni oso̱foi le̱ damo̱ ame̱gbe̱hei le̱, ni Levibii le̱ hũ hĩe Iehowa lala he saṅkũi le̱ ní maṅtše̱ David fe ní aṅõ-da Iehowa ši, edšake̱ nāno̱ emo̱bo̱nale̱ hĩo̱ ši ke̱-yaä, beni David tšṍo̱ amenine no̱ dšieo̱ eyi le̱; ni oso̱foi le̱ kpã te̱tre̱mantre̱i ye̱ ame̱hĩe, ni Israel mū le̱ fẽ damo̱ ši.

Ezra 6:22

ni ame̱ye akpĩtī gbĩdšũrõ gbĩĩ kpănyo̱ ke̱ nyámo̱; edšake̱ Iehowa ehã ame̱-mli efliame̱, ni ehã Ašur maṅtše̱ le̱ tšui emõame̱, koni ewo ame̱nidšiaṅ ye̱ Nyoṅmo̱ ní dši Israel Nyoṅmo̱ le̱ we le̱ he nitšumo̱ le̱ mli.