2 Kronika 14:7 - Ṅmãle̱ Kroṅkroṅ Le̱

⁷ [8.] Ni Asa ye̱ tabiloi, ní hĩeo̱ tše̱ṅi wudši ke̱ akploi, akpei-ohai-etẽ ye̱ Iuda, ke̱ mei ni hĩeo̱ tše̱ṅi bibii ni ame̱-tšẽrẽo̱ gãii hũ akpei-ohai-enyo̱ ke̱ nyoṅmai-kpānyo̱ ye̱ Benyamin, mene̱mei fẽ le̱ hĩĩ kãkãlo̱i so̱ṅṅ ni.

ŊMALƐ KRƆŊKRƆŊ LƐ

⁷ Ekɛɛ Yudabii lɛ akɛ, “Nyɛhãa wɔtswaa gbogboi wɔwoa maji nɛɛ ahe, ni wɔmamɔa mɔji hu wɔwoa amɛmli; asaŋ wɔtara amɛnaa agboi, ni wɔwo amɛsɛɛ adabaŋi koni wɔkɛwaje amɛ be mli ni shikpɔŋ lɛ nɔ ejɔ ni ekã shi ehã wɔ nɛɛ, ejaakɛ wɔfee nɔ ni Nyɔŋmɔ taoɔ lɛ. Wɔfee esuɔmɔnaanii, no hewɔ lɛ, ehã wɔhe ejɔ wɔ yɛ wɔhe fɛɛ he.” No hewɔ lɛ, Yudabii lɛ wajewajee maji lɛ, ni shikpɔŋ lɛ shwere jogbaŋŋ.

2 Kronika 14:7 ပူးပေါင်းရင်းမြစ်များ

1 Maŋtsɛmɛi 15:23

Agbe̱ne̱ Asa he sãdši fẽ ni eſe̱ ke̱ eka fẽ ní efe ke̱ nii fẽ ní efe ke̱ *mãdši ní etotoi le̱, ani aṅmãko ye̱ Iuda maṅtše̱mei le̱ ayino̱sãdši awolo le̱ mli? Ši egbe̱le̱ be le̱ mli le̱ eye hela ko ye̱ enãdši ahe. *2 Kron. 14,5.

1 Kronika 28:9

Ni bo, mibi Salomo, le otše̱ Nyoṅmo̱ le̱, ni osúmo̱le̱ ke̱ otšui mū le̱ fẽ ke̱ osusuma suomo̱ nā! Edšake̱ *Iehowa taoo tšuii fẽ amli, ni ele yitšeiaṅ dſẽṅmo̱i fẽ. Ke̱dši ōtaole̱ le̱, eehã onale̱; ši ke̱dši okwale̱ le̱, eeše̱o efo ke̱-ya nāno̱. *Lal. 7,10.

2 Kronika 14:4

[5.] Ni edšie hei groṅṅi le̱ ke̱ hũlũ amãgãi le̱ ye̱ Iuda mãdši le̱ fẽ amli. Ni maṅtše̱yeli le̱ no̱ dšo̱ ye̱ ehĩe.

2 Kronika 14:6

[7.] Nohewo le̱ ekē̱ Iuda ake̱: Nyehãa wo̱toa ne̱ke̱ mãdši ne̱, ni wo̱tſa gbogboi wo̱wo he ke̱ mõdši ke̱ agbói ke̱ ame̱se̱ adabãṅi; šikpoṅ le̱ kã ši hãwo̱, edšake̱ wo̱tao Iehowa, wo̱-Nyoṅmo̱ le̱, se̱gbe̱; wo̱taole̱, ni ehã wo̱he edšo̱wo̱ ye̱ hefẽhe ke̱-kpe. Ni ame̱totoi ni ame̱-te no̱ dšogbāṅ.

2 Kronika 15:15

Ni Iuda mū le̱ fẽ nyá ye̱ kitãkãmo̱ le̱ he; edšake̱ ame̱ke̱ ame̱tšui mū le̱ fē kãmo̱, ni ame̱tao ese̱gbe̱ ke̱ ame̱suomo̱ fẽ; ni ehã ame̱nale̱, ni *Iehowa hã ame̱he dšo̱ame̱ ye̱ hefẽhe ke̱kpe. *14,5. 6; 20,30.

2 Kronika 17:13

ni eye̱ niyenii babaō ye̱ Iuda mãdši le̱ amli, ke̱ tabiloi kākãlo̱i ye̱ Ierusalem.

2 Kronika 17:17

Ni Benyaminbii ateṅ le̱: Eliada, nū kãkãlo̱ le̱, ni mei ní hĩeo̱ gãi ke̱ tše̱ṅ akpei-ohai-enyo̱ fata ehe;

2 Kronika 20:30

Nĩ Iehošafat maṅtše̱yeli le̱ no̱ dšo̱, edšake̱ *e-Nyoṅmo̱ le̱ ehã ehe edšo̱le̱ ye̱ hefẽhe ke̱-kpe. *15,15.

2 Kronika 25:5

Asaṅ Amazia bua Iudabii le̱ anã ke̱-kpe, ni etoame̱ gbe̱dšiano̱ ye̱ ame̱tše̱mei awei le̱ anā ye̱ mei akpekpei ke̱ mei ohahai ano̱ asafoiatše̱mei le̱ ašiši ye̱ Iuda ke̱ Benyamin fẽ, ni ekaneame̱ ke̱-dše̱ mei ni eye afii nyoṅmai-enyo̱ no̱ ke̱-yaä le̱, ni ena ake̱ amenā šio̱ mei ní ahala akpei-ohai-etẽ, mei ni nyẽo̱ ta yaã ní ame̱le akplo̱ ke̱ tše̱ṅ hĩemo̱.

2 Kronika 26:13

Ni tabilo̱i ni atšõame̱ tawũ, akpei-ohai-etẽ-ke̱-kpawo ke̱ ohai-enumo̱ ye̱ ame̱-šiši, ni ame̱wuo̱ ta ke̱ hewale̱, koni ame̱-ke̱-bua maṅtše̱ le̱ ye̱ ehenye̱lo̱i le̱ ahewo̱.

2 Kronika 32:5

Ni ená ekã, ni esā gbogboi ní *ekũmo̱ le̱ fẽ, ni ehã kwo̱ ke̱-se̱ mõdši ni kwŏ̱lo̱ le̱ ahe, ni etſa gbogbo kroko, hũ ewo maṅ le̱ he, ni ewadše Milo ye̱ David mã le̱ṅ, ni efe tawūnii ke̱ tše̱ṅi babaō. *25,23.

2 Kronika 8:5

Ni esā eto Bet-Horon ni yo̱ yiteṅ-gbe̱ le̱ ke̱ Bet-Horon ní ye̱ šišigbe̱ le̱, ni dši mãdši ní atſa gbogboi awo he ke̱ amenā agboi ke̱ ame̱se̱ adabãṅi le̱;

Yohane 9:4

Wo̱ le̱, ni dše etše̱re ne̱, dša wo̱tšu moni tšũwo̱ le̱ nitšumo̱i le̱; dše bana, beni moko nyẽṅ nii atšu. 5,17.

Bɔfoi 9:31

Agbe̱ne̱ le̱ asafo le̱ ná hedšo̱le̱ ye̱ Iudea ke̱ Galilea ke̱ Samaria ſẽ, ni enane mõ ši, ni enyieo̱ ye̱ Nuṅtšo̱ le̱ gbeyeišemo̱ mli, ni eke̱ Mumo̱ kroṅkroṅ mīše̱dšemo̱ le̱ ſereo̱.

Yoshua 23:1

Ni eba mli ake̱ be kplaṅṅ se̱, beni Iehowa ehã Israel *hedšō̱mo̱ ke̱-dše̱ ame̱henye̱lo̱i fẽ ní bo̱leame̱ ke̱-kpe le̱ adeṅ, ni Iošua egbo ní eye gbĩĩ pī le̱, *21,44.

1 Petro 3:12

Edšake̱ Nuṅtšo̱ le̱ hĩṅme̱ii kã dšalo̱i ahe, ni eboo̱ ame̱faikpamo̱ toi; ši mei ní feo̱ niſõdšianii le̱, Nuṅtšo̱ le̱ edšie ehĩe ekaame̱.