2 Kronika 12:7 - Ṅmãle̱ Kroṅkroṅ Le̱

⁷ Ši beni Iehowa na ake̱ ame̱ba ame̱he ši le̱, Iehowa wiemo̱ ba Šemaia ṅõ ake̱: Ame̱ba ame̱he ši, nohewo̱ le̱ mikpãtãṅ ame̱hĩe, ši mahereame̱ fiō ko, koni mimlila le̱ akatšṍ Šišak nine no̱ mītue mīſie Ierusalem no̱.

ŊMALƐ KRƆŊKRƆŊ LƐ

⁷ Be ni Yehowa na akɛ maŋtsɛ lɛ kɛ enukpai lɛ eje amɛhe sɛɛ lɛ, ekɛɛ Gbalɔ Shemaia akɛ, “Amɛje amɛhe sɛɛ, ni no hewɔ lɛ, mikpataŋ amɛhiɛ, shi mibahere amɛ fioo ko kɛji Shishak batua maŋ lɛ koni Shishak akafee Yerusalɛm butuu yɛ mimlifu lɛ naa.

2 Kronika 12:7 ပူးပေါင်းရင်းမြစ်များ

2 Maŋtsɛmɛi 13:23

Ši kẽle̱ Iehowa droame̱ nĩ emũsũṅ tšõle̱ ye̱ ame̱hewo̱ ni etšẽ ehĩe ehãame̱, ye̱ *ekpãṅmo̱ ní eke̱ Abraham ke̱ Isak ke̱ Iakob ekpãṅ le̱ hewo̱, ni esumo̱o̱ ake̱ ekpãtã ame̱hĩe, ni eše̱re̱koame̱ eſieko ke̱dšeko eble ke̱-baši bene̱. *3 Mose 26,42.

2 Kronika 12:12

Ni ake̱-ni eba ehe ši hewo̱ le̱, Iehowa mlifũ le̱ dše eno̱ ni ekpatãã ehĩe kwrakwra; ni asaṅ ana nii kpakpai komei ye̱ Iuda he.

2 Kronika 32:26

Ši kẽle̱ Hezekia ha ehe ši ye̱ etšuiṅ hewō le̱ hewo̱, le̱ ke̱ Ierusalembii le̱ fẽ; ni Iehowa mlifũ le̱ baa ame̱no̱ ye̱ Hezekia gbĩĩ le̱ amli.

2 Kronika 33:12

Ši beni efĩle̱ le̱, ekpa Iehowa, e-Nyoṅmo̱ le̱, fai, ni eba ehe ši babaō ye̱ etše̱mei a-Nyoṅmo̱ le̱ hĩe.

2 Kronika 33:13

Ni beni ekpale̱ fai le̱, ebole̱ toi, ni enu eso̱lemo̱ le̱, ni eṅõle̱ ke̱-ba Ierusalem ye̱ emaṅtše̱yeli le̱ mli ekoṅ. Ke̱-ke̱ ni Manase ná le ake̱ *Iehowa le̱, le̱ dši Nyoṅmo̱. *1 Maṅ. 18,39.

2 Kronika 34:21

Nyeyaä ní nyeyabia Iehowa nii nyehãa mi ke̱ mei ni eſe̱ ye̱ Israel ke̱ Iuda le̱, ye̱ wolo ní ana le̱ mli wiemo̱i le̱ ahewo̱; ši Iehowa mlifũ ni afo̱se aſie wo̱no̱ le̱ da, edšake̱ wo̱tše̱mei le̱ yee Iehowa wiemo̱ le̱ no̱ ni ame̱fe nibii fẽ ní aṅmã ye̱ wolo ne̱ mli le̱.

2 Kronika 34:25

Ake̱-ni ame̱šĩmi, ni ame̱yašã tšofã-ke̱-ṅma ame̱hã nyoṅmo̱i krokomei, koni ame̱ke̱ ame̱nine nā nitšumo̱i le̱ fẽ awo mimli la, hewo̱ le̱ afo̱se mimlila le̱ aſie bie̱ no̱, ni agbeṅ!

2 Kronika 34:27

ake̱-ni otšui he edšo̱ bo̱dē̱ ni *oba ohe ši ye̱ Nyoṅmo̱ hĩe, beni onu ewie-mo̱i ní ewie ye̱ bie̱ ne̱ ke̱ bie̱bii le̱ ahewo̱ le̱, ni oba ohe ši ye̱ mihĩe, ni ogbla otadei, ni ofó ye̱ mihĩe hewo̱ le̱, mi hũ minu, Iehowa kē̱. *33,12.

Lalai 78:38

Ši le̱ le̱, emũsũṅ tšōo̱le̱ kẽ eke̱ ame̱nõša le̱ faame̱, ni efiteeame̱, ni bei pī etšĩo̱ emlifũ le̱ nā, ni etēē emlila le̱ fiã ši,

Lalai 79:6

Fo̱semo̱ omlila le̱ oſíe dšeṅmãdši ní leeo le̱ ke̱ maṅtše̱yelii hũ ni tšé̱é̱ ogbe̱i le̱ ano̱; Ier. 10.25.

Yesaia 42:25

Nohewo̱ le̱ efo̱se mlifũ ní nā wa ke̱ ta ní mli wa hũ eſie ame̱no̱; ni eše̱re la ewo ame̱he ke̱-kpe, ši ame̱lee; ešãame̱, ši ame̱ke̱-woo ame̱tšui mli.

Yeremia 3:13

Ná onišaianii le̱ ole ke̱ke̱, ake̱ otõ Iehowa, o-Nyoṅmo̱ le̱, no̱, ni oyakpa ši ye̱ ogbè̱i le̱ ano̱ ke̱-nyie meikpõdši ase̱, ye̱ tšo-fẽ-tšo ní ebu kusū šiši, ni nyeboko migbē toi! Iehowa kē̱.

Yeremia 7:20

Nohewo̱ le̱, bo̱ni Nuṅtšo̱ Iehowa kē̱ ne̱: Na, aafo̱se mimlifũ ke̱ mimlila aſie ne̱ke̱ šihĩle̱he ne̱ no̱, gbomei ke̱ koloi ano̱, ṅãno̱ tšei ke̱ šikpoṅ le̱ no̱ nibānii le̱ ano̱, ni eetšo ní anyẽṅ agbe.

Kpojiemɔ 14:10

le̱ hũ eenu Nyoṅmo̱ *mlifũ dā̃ ní afutu le̱ kro̱ṅṅ awo emlifũ kpulu le̱ mli le̱ eko, ni †aapĩle̱ ye̱ la ke̱ swō̱ mli ye̱ bo̱foi kroṅkroṅi le̱ ahĩe ke̱ tōbi le̱ hĩe. *16,19. Ier. 25,15. †19,20.