1 Timoteo 3:8 - Ṅmãle̱ Kroṅkroṅ Le̱

⁸ Asafo mli *súolo̱i le̱ hũ esa ake̱ amefe gbomei ní hĩe tšī, dšee lile̱i-nta-tše̱mei, dšee dā̃to̱lo̱i, dšee hĩedšōloi, Fil. 1,1. Bo̱f. 6,3.

ŊMALƐ KRƆŊKRƆŊ LƐ

⁸ Asafo mli sɔ̃ɔlɔi lɛ hu esa akɛ amɛfee gbɔmɛi ni hiɛ tsii, jeee lilɛintatsɛmɛi, jeee mɛi ni sumɔɔ dãa, jeee hiɛjoolɔi,

1 Timoteo 3:8 ပူးပေါင်းရင်းမြစ်များ

Lalai 12:2

Buamo̱wo̱, Iehowa! edšake̱ hetšelo̱i mītã, edšake̱ ano̱kwafoi ase̱ mīfo ye̱ gbomei abii ateṅ.

Lalai 5:9

Iehowa, wami ye̱ odšale̱ le̱ mli ye̱ mei ni he tšẽo̱mi le̱ ahewo̱; dšadšemo̱ ogbe le̱ ye̱ mihĩe!

Lalai 50:19

Oṅmēo̱ onābu gbe̱ ke̱-yaä efõṅ mli, ni olile̱i foo̱ apasa tāa.

Lalai 52:2

beni Doeg, Edomnyo le̱ ba ni ebatſa Saul adafi ake̱ David eba Ahimelek we le̱. 1 Sam. 22,9-19.

Ezekiel 44:21

Ni wein hũ *oso̱fo ko oso̱fo ko akanu, ké̱ ame̱mīya mligbe̱ kpo le̱ no̱ le̱. *3 Mose 10,9.

3 Mose 10:9

Nyekanua wein alo dā̃ ní wa ko, bo ke̱ obihĩĩ le̱ fẽ, be mli ní nyeya kpē-bū le̱ṅ le̱, koni nyekagboi! Nāno̱ akpo̱ dši no hã nyeyino̱i le̱ fẽ, Ezek. 44,21. 1 Tim. 3,3. Tit. 1,7.

Romabii 3:13

*Gbonyobu ni agble nā dši ame̱sẽ le̱; ame̱ke̱ ame̱lile̱ii šišiuo̱ mo, †šikpãi anã ebō̱ ye̱ ame̱nãbu, *Lal. 5,10. †Lal. 140,4.

Filipibii 1:1

Paulo ke̱ Timoteo, Iesu Kristo tšũdši le, ṅmã yahã *meikroṅkroṅi ni yo̱ Iesu Kristo mli ye̱ Filipi ke̱ †ame̱no̱kwe̱lo̱i ke̱ sũole̱i le̱ fẽ: *1 Kor. 1,2 †1 Tim. 3,1. 8.

1 Timoteo 3:12

Asafo mli súolo̱i le̱ amefe *ṅã komekome tše̱mei, mei ní yeo̱ ame̱bii ke̱ ame̱dientše̱ ame̱mei ano̱ dšogbāṅ. *K. 2.

1 Timoteo 3:2

Ši esa ake̱ no̱kwe̱lo̱ le̱ ahĩ ši boni anáṅ ehe sane ko atã, moni yo̱ ṅã kome, hĩešikãlo̱, moni dſẽṅmo̱ mli tše, moni baä edšeṅ dšogbāṅ, gbo̱felo̱, moni le nitšõmo̱, Tit. 1,6. 7.

1 Timoteo 3:3

dšee dā̃nulo̱, dšee ninekpokpōkpotše̱, ši moṅ moni he dšo̱, moni béé, moni hĩe ekõõ šika no̱,

1 Timoteo 5:23

Kānu nu so̱ṅṅ, ši nu wein fio ye̱ omũsũ ke̱ ohelai ní yeo̱o kpitiokpitio le̱ ahewo̱.

Tito 1:7

Edšake̱ esa ake̱ no̱kwe̱lo̱ le̱ kpa ko akahī ehe, ake̱-ni *Nyoṅmo̱ we no̱ tšũlo̱nukpa dšile̱ hewo̱ le̱; dšee moni feo̱ le̱dientše̱ etšui nā nii, dšee mlifũtše̱, dšee dā̃nulo̱, dšee ninekpokpõkpotše̱, dšee kpe̱kpē̱lo̱, *1 Kor. 4,1. 2 Tim. 2,24.

Tito 2:3

Yeimedši hũ nakai noṅṅ, ake̱ ame̱ba ame̱dšeṅ bo̱ni sa meikroṅkroṅi le; ame̱ka-wiewie mei ahe, ame̱katšōmo̱ dā̃to̱lo̱i, ame̱fe mei ni tšõo̱ nii kpakpai, 1 Tim, 3,11.

Yakobo 3:10

Dã kome le̱ noṅṅ mli dšō̱mo̱ ke̱ lōmo̱ dše̱o̱. Minyemimei, ene̱mei ne̱, esaa ake̱ ebale̱ ne̱ke̱.

1 Petro 5:2

Nyelè̱a Nyoṅmo̱ asafoku ní yo̱ nye-teṅ le̱, nyekwe̱a no̱, dšee no̱nyẽ nā, ši moṅ ye̱ suomo̱ nā; asaṅ diiee se̱námo̱ ní yo̱ hĩegbĕle hewo, ši moṅ tšuidšŭrõ nā; Ioh. 21,16. Bo̱f. 20,28. 1 Tim 3,2-7.