1 Timoteo 2:1 - Ṅmãle̱ Kroṅkroṅ Le̱

¹ Agbe̱ne̱ nõ kleṅkleṅ ní miwoo̱ he ṅā dši ake̱ ahĩe *faikpamo̱i, so̱lemo̱i, mli-dãmoi, šidāi amli, ahã gbomei fẽ, *Fil. 4,6.

ŊMALƐ KRƆŊKRƆŊ LƐ

¹ Agbɛnɛ nɔ klɛŋklɛŋ ni miwoɔ he ŋaa ji akɛ ahiɛ faikpamɔi, sɔlemɔi, mlidaamɔi, shidai amli, ahã gbɔmɛi fɛɛ,

1 Timoteo 2:1 ပူးပေါင်းရင်းမြစ်များ

Ezra 6:10

koni ame̱sã afo̱lei ní dšeo̱ ṅma ame̱hã ṅwei Nyoṅmo̱ le̱, ni ame̱kpa fai ni maṅtše̱ ke̱ ebii le̱ ayi aná wala.

Lalai 72:19

ni aadšie enumnyam gbe̱i le̱ yi ke̱-ate nāno̱, ni šikpoṅ mū le̱ fẽ aayi to̱ ke̱ enumnyam le̱! Amen, Amen. Lal. 41,14. Ies 6,3.

Yeremia 29:7

Ni nyetaoa hedšo̱le̱ nyehãa maṅ le̱ ní mihã aṅõnye nom ke̱-te mli le̱, ni nyekpaä Iehowa fai nyehãale̱; edšake̱ kē̱ ehe dšo̱le̱ le̱, no nye hũ nyehe aadšo̱nye!

Bɔfoi 17:30

Nohewo̱ le̱, *bei ní alee le̱ Nyoṅmo̱ ekũ ehĩe efõ no̱, ši agbe̱ne̱ le̱ †ēwo gbomei fẽ ní yo̱ hefẽhe le̱ kitã ake̱ ame̱tšake ame̱tšai, *14,16. †Luk. 24,47.

Romabii 1:8

Kleṅkleṅ le̱ mītšṍ Iesu Kristo no̱ mīda mi-Nyoṅmo̱ le̱ ši ye̱ nyefẽ nyehewo̱, ake̱ *agbaä nyehemo̱-ke̱-yeli le̱ he sane ye̱ dše le̱ṅ fẽ. *16,19. 1 Tes. 1,8.

Romabii 6:17

Ši šidã ahã Nyoṅmo̱, ake̱ kũle̱ sa le̱ eša tšũdši dšinye, ši agbe̱ne̱ nyedše̱ nyetšuii fiā mli nyebo ne̱ke̱ tšõmo̱ ní aṅõnye awo mli le̱ toi.

1 Korintobii 15:3

Edšake̱ kleṅkleṅ sãdši ní mike̱-hãnye le̱ ateṅ eko dši noni mi hũ ake̱-hãmi, ake̱ Kristo gbo ye̱ wo̱he ešai le̱ ahewo̱ ye̱ *ṅmãle̱i le̱ anā, *Ies. 53.8. 9.

2 Korintobii 8:6

no hã wo̱kpa Tito fai, koni bo̱ni ebõi momo sá le̱, nakai noṅṅ egbe ne̱ke̱ dromo̱ ne̱ nā hū ye̱ nyeteù.

Efesobii 3:13

Nohewo̱ le̱ mīkpa fai, koni nyetšui akafã ye̱ mimanehũlũi ni minaā ye̱ *nyehewo̱ le̱ ahewo̱, edšake̱ nyenum-nyam ni. *Kol. 1,24.

Efesobii 5:20

nyedaä Nyoṅmo̱ ke̱ tše̱ le̱ ši dā ye̱ nii fiã hewo̱ ye̱ wo̱-Nuṅtšo̱ Iesu Kristo gbe̱i amli,

Efesobii 6:18

ni nyeke̱ so̱lemo̱ ke̱ faikpamo̱ fẽ aso̱lea dā ye̱ mumo̱ mli, ni ene̱ noṅṅ hewo̱ le̱ nyesraä, ni nyekãa be dā nye-kpaä fai nyehãa kroṅkroṅbii le̱ fĕ Mat. 26,41.

Filipibii 1:3

Midaä mi-Nyoṅmo̱ le̱ ši befẽbe ni mikaio̱nye, Rom. 1,8. 1 Kor, 1,4.

Filipibii 4:6

*Nyekahaoa ye̱ nokonoko he, ši moṅ nofẽno mli le̱ †nyeke̱ so̱lemo̱ ke̱ faikpamo̱ ke̱ šidã atšĩa nyetuto̱mo̱i le̱ atā ye̱ Nyoṅmo̱ hĩe; *Mat. 6,25-34. 1 Pet. 5,7. †Lal. 145,18.

1 Tesalonikabii 3:12

Ši nye le̱, Nuṅtšo̱ le̱ awonye obõ-bõ, ni ehã nyeteke no̱ ke̱ suomo̱ ni nyeke̱-sumoo̱ nyehe ke̱ mei fẽ, take̱ bo̱ni wo̱ hũ wo̱sumoo̱nye le̱;

2 Tesalonikabii 1:3

Esawo̱ ake̱ wo̱daä Nyoṅmo̱ ši dā ye̱ nyehewo̱ bo̱ni sa, anyemimei, edšake̱ nyehemo̱-ke̱-yeli le̱ mĩda naakpa, ni nyefẽ nyeteṅ mofẽmo suomo̱ ni eke̱-su-moo̱ enanemei le̱ mĩfá ke̱-mĩya no̱ hũ, 2,13. 1 Tes 1,2. 3.

1 Timoteo 2:4

moni sumoo̱ ake̱ ehere gbomei fẽ yiwala, koni ame̱še̱ ano̱kwale le̱ lē mli. Ezek. 18,23. 2 Pet. 3,9.

1 Timoteo 5:5

Ši moni dši yō okũlafo le̱le̱ṅ ní eſe̱ ekometō le̱ ṅõo̱ ehĩe efõo̱ Nyoṅmo̱ no̱ ni *ehĩeo̱ faikpamo̱i ke̱ so̱lemo̱i amli nyōṅ ke̱ ſane. *Luk 2.37.

2 Timoteo 2:24

ši Nuṅtšo̱ le̱ tšũlo̱ le̱, esaa ake̱ ebéo̱, ši moṅ emli adšo̱ ahã mei fē, moni le nitšōmo, moni too̱ etšui ši ehãa efõṅ, Tit. 1,7.

Tito 2:11

Edšake̱ Nyoṅmo̱ dromo̱ ni ake̱hereo̱ gbomei fẽ yiwala le̱ epue,

Tito 3:2

ame̱kawie moko he efõṅ, ame̱kabé; ši moṅ ame̱fe kpō, ni ame̱ke̱ ame̱he atšõ mofẽmo ake̱ ame̱he dšo̱. Fil. 4,5.

Hebribii 6:11

Ši wo̱mītao ake̱ nyeteṅ mofẽmo atšõ ne̱ke̱ mo̱deṅbō̱ ne̱ noṅṅ, koni *amã no̱hĩekãmo̱ le̱ no̱ mĩ ke̱-yaši nāgbē, 3,14. Fil. 1,6.

Yakobo 5:16

Nyedšadšea nyeno̱tõmo̱i nyetšõa nyehe, ni nyeso̱lea nyehãa nyehe, ni nyehe atã, Dšalo̱ so̱lemo̱ ni mli wa le̱ nyẽo̱ nii babaō etšuo̱.