1 Samuel 5:4 - Ṅmãle̱ Kroṅkroṅ Le̱

⁴ Ni dšetše̱reno̱ lebi mā̃ṅkpa, beni ame̱te ši ekoṅ le̱, na, Dagon ekpa egbe ši ekoṅ, ni ehĩe bu ši ye̱ Iehowa adeka le̱ hĩe, ni Dagon yitšo ke̱ enidši enyo̱ le̱ fẽ dſere kpoku le̱ no̱; Dagon kuku le̱ ke̱ke̱ eſe̱.

ŊMALƐ KRƆŊKRƆŊ LƐ

⁴ Shi enɔ jetsɛremɔ leebi maaŋkpa be ni Ashdodbii lɛ te shi ekoŋŋ lɛ, naa, Dagon ekpa egbee shi ekoŋŋ, ni ehiɛ bu shikpɔŋ yɛ Yehowa Kpãŋmɔ Adeka lɛ hiɛ. Eyitso kɛ eniji enyɔ lɛ fɛɛ hu etserɛ yɛ ehe, ni amɛjwere kpoku lɛ nɔ. Dagon amãgã kuku lɛ kɛkɛ eshwɛ.

1 Samuel 5:4 ပူးပေါင်းရင်းမြစ်များ

Yesaia 27:9

Nohewo̱ le̱ ene̱ ake̱-tšumo̱ Iakob nõša le, ni yibii fẽ ní ehe eša le̱ dšiemo̱ le̱ wo ne̱, beni efe efo̱lešãlate̱ le̱ be te̱i le̱ fẽ tamo̱ kālote̱i ní efuflu le̱, ni *wo̱ṅkōi le̱ ke̱ †hũlũ amãgãi le̱ mãmo̱ṅ ši doṅṅ. *31,7. †3 Mose 26,30.

Yesaia 40:20

Moni be̱ nakai kēnii le̱ eko le̱, ehalaä tšo ko ní kpo̱to̱o̱; etaoo ṅālo̱ ko ni le ṅā ehãa ehe, ni egbo̱ö̱ amãgã ní hosoo!

Yeremia 10:11

Bo̱ni nyekē̱ame̱ ne̱: Nyoṅmo̱i ní dšee ame̱ ame̱fe ṅwei ke̱ šikpoṅ le̱, ame̱hĩe aakpãtã ke̱-adše̱ šikpoṅ le̱ no̱ ke̱ ṅwei šiši ne̱!

Yeremia 10:14

Koloi dši gbomei fẽ, ni ame̱lee nii; šikaṅālo̱-fẽ-šikaṅālo̱ hĩe egbo ye̱ emãgã hewo̱; edšake̱ emãgã ni eſie le̱, apasa ni, ni mumo̱ ni amũo̱ be̱ ame̱mli.

Yeremia 10:15

Yakayakanii ni, hefe̱oyeli nitšumo̱ ni; ame̱sramo̱-be le̱ṅ le̱ ame̱hĩe aakpãtã.

Yeremia 50:2

Nyedšadšea ye̱ dšeṅmãdši le̱ ateṅ, nyešie̱a, ni nyešia aflaṅã! Nyešie̱a, ni nyekašiua no̱! Nyekē̱a ake̱: Aṅõ Babel; ahã Bel hĩe eſie ši, adſăra Merodak hũ; ahã emãgãi le̱ ahĩe eſie ši, adſăra ewo̱dšĩ le̱! Ies. 46,1.

Daniel 11:8

Ni eeṅõ ame̱nyoṅmo̱i le̱ ke̱ ame̱mãgãi le̱ ke̱ ame̱dſie̱te̱i ke̱ šĩka nibii ni yo̱ fe̱o le̱ anom ke̱-ate Mizraim; ni eedamo̱ kōyigbe̱ maṅtše̱ le̱ hĩe afii komei.

Mika 1:7

Ni aadſăra emãgãi le̱ fẽ, aašã *enikēnii le̱ fẽ ye̱ la mli, ni mafe ewo̱dši le̱ fẽ amaṅfõ; edšake̱ adſamaṅ nyōmo̱wo mli ebua nā ke̱-dše̱, ni adſamaṅ nyõmo̱wo noṅṅ ame̱atšṍ ekoṅ! *Hos. 3,7. 14.

1 Samuel 6:5

Nohewo̱ le̱ nyefea nyegbuṅtuii le̱ ano̱ ke̱ nyekwakwei ní fiteo̱ šikpoṅ le̱ hũ ano̱, ni nyeke̱ anumnyam aha Israel Nyoṅmo̱ le̱; ekole̱ eebagbo̱dšo̱ enine mli ye̱ nye ke̱ nyenyoṅmo̱i le̱ ke̱ nyešikpoṅ le̱ no̱.