1 Samuel 26:20 - Ṅmãle̱ Kroṅkroṅ Le̱

²⁰ Nohewo̱ le̱ agbe̱ne̱ kāhã mila mīſie šikpoṅ ye̱ Iehowa hĩe; edšake̱ Israel maṅtše̱ efã kpo eba lo̱po kome taomo̱, take̱ bo̱ni moko yagbo̱bio̱ afi ye̱ gõdši ano̱ le̱!

ŊMALƐ KRƆŊKRƆŊ LƐ

²⁰ Kɛji magbo po lɛ, kaahã migbo yɛ he ko ni jeee Yehowa shikpɔŋ nɔ, ejaakɛ naa Israel maŋtsɛ eba mi oflikiti taomɔ tamɔ agbɔbiɔ afi yɛ gɔji anɔ lɛ.”

1 Samuel 26:20 ပူးပေါင်းရင်းမြစ်များ

Yeremia 16:16

Na, matšũ wole̱i pī ke̱-ba, Iehowa kē̱, ní ame̱bahe̱ame̱; ni no se̱ le̱ matšũ gbo̱bilo̱i pī ke̱-ba ní ame̱bagbo̱biame̱ ye̱ goṅ-fẽ-goṅ no̱ ke̱ goṅkpo̱-fẽ-goṅkpo̱ no̱ ke̱ te̱sā-fo̱dši amli.

Yāfó 3:52

Mei ní nye̱o̱mi yakatſā le̱ mīgbo̱bimi tamo̱ loflõ;

Mateo 26:47

Ni beni ewieo lolo le̱, na, Iuda, mei nyoṅma ke̱ enyo̱ le̱ ateṅ mokome le̱, ba, ni asafo pī, ní dše̱ oso̱fonukpai le̱ ke̱ maṅ onukpai le̱ aṅõ, ke̱le̱ nyie ke̱ klantei ke̱ tšei.

Mateo 26:55

No ṅmle̱tſā le̱ no̱ noṅṅ le̱ Iesu kē̱ asafoi le̱ ake̱: Mimõmo̱ nyeba tamo̱ amõo̱ odšotſalo̱ ko, ke̱ klante ke̱ tšei ne̱. Mitáa so̱lemo̱we le̱ dā mitšõo̱ nii, ni nyemõõmi.

1 Samuel 2:9

Emei kroṅkroṅi le̱, eebā ame̱nãdši ayi, ši meifōdši le̱, eehã ame̱to̱ mú ye̱ duṅ mli; edšake̱ gbomo ko gbomo ko *yeṅ kūnim ye̱ ehewale̱ nā. *Lal. 33,16.

1 Samuel 24:11

Na, ṅme̱ne̱ gbĩ ne̱ ona ke̱ ohĩṅme̱ii, bo̱ni Iehowa dšieo ewo mideṅ ṅme̱ne̱ ye̱ te̱kplo le̱ mli; ni meikomei kē̱mi ake̱ migbeo, ši kẽle̱ migbeeo, ni mikē̱: Mikpãṅ minine mli ye̱ minuṅtšo̱ no̱; edšake̱ moni Iehowa efo̱le̱ mũ dšile̱!

1 Samuel 24:14

Take̱ bo̱ni blema abe̱ le̱ kē̱o̱ le̱: Meifõdši adeṅ nõfõṅ dše̱o̱; ši mi le̱ minine esaṅ ohe.

1 Samuel 24:15

Namo se̱ po Israel maṅtše̱ efã kpo ke̱-nyie ne̱? namo po otiuo̱ ne̱? Gbé gbonyo ni, lo̱po ni!

1 Samuel 25:29

Ni ke̱dši gbomo ádesà aate ši ni eenyie ose̱ ake̱ etao bo egbe le̱, no le̱ aafī minuṅtšo̱ susuma afata mei ni yo̱ wala le̱ ahe ato Iehowa, o-Nyoṅmo̱ le̱, ṅō; ši ohenye̱lo̱i le̱ asusuma le̱, le̱ le̱ eefõle̱ ye̱ akromia mli.