1 Samuel 17:50 - Ṅmãle̱ Kroṅkroṅ Le̱

⁵⁰ Ni David ke̱ akromia ke̱ te̱ le̱ ye Filistinyo le̱ no̱ kũnim, ni etſa Filistinyo le̱ nõ ni egbele̱, tše̱ David ehĩee klante ko.

ŊMALƐ KRƆŊKRƆŊ LƐ

⁵⁰ Belɛ David kɛ akromia kɛ tɛ ye Goliat nɔ, ni egbe lɛ tsɛbelɛ ehiɛɛɛ klante po.

1 Samuel 17:50 ပူးပေါင်းရင်းမြစ်များ

Kojolɔi 15:15

Ni ena tedši kadā ṅmõṅ ko, ni ekpã enine mli ni eko̱ ni eke̱-gbe hĩĩ akpe.

Kojolɔi 3:31

Ni Šamgar, Anat bi le̱, baye ese̱, ni eke̱ tšina kplamo̱tšo gbe Filistibii le̱ ateṅ mei ohai-ekpa. Ni le̱ hũ ehere Israel yiwala.

1 Samuel 13:22

Ni eba mli ake̱ tawū gbĩ le̱ no̱ le anaa klante lo akplo̱ ko ye̱ mei ní fata Saul ke̱ Ionatan he le̱ ateṅ mokomoko deṅ; ši Saul ke̱ ebi Ionatan deṅ pe̱ ana eko ye̱.

1 Samuel 17:39

Ni David ṅmõ eklante le̱ ye̱ etade le̱ no̱, ni eka nyiemo̱; edšake̱ ekako ekwe̱ko dã. Ni David kē̱ Saul ake̱: Minyẽṅ mike̱ ene̱mei aya, edšake̱ mikako mikwe̱ko dã! Ni David dšie ye̱ ehe.

1 Samuel 17:49

Ni David ke̱ enine wo ekotoku le̱ mli ni eko̱ te̱ ye̱ mli, ni efõ akromia le̱, ni etſa Filistinyo le̱ hĩenā, ni te̱ le̱ bote ehĩeṅtšoṅ, ni egbē ši ni ehĩe yabu ši.

1 Samuel 17:51

Ke̱ke̱ ni David ša foi, ni eyaho edamo̱ Filistinyo le̱ no̱, ni emõ eklante le̱ egbla ke̱-dše̱ ehebo le̱ mli, ni egbele̱, ni eṅõ-fo eyi. Ni beni Filistibii le̱ na ake̱ ame̱tatše̱lo̱ le̱ egbo le̱, ame̱dšo foi.

1 Samuel 19:5

Ni eṅõ ewala ehīe edeṅ, ni *eyagbe Filistinyo le̱, ni Iehowa tšu yiwalaheremo̱ nitšumo̱ kpeteṅkple ehã Israel fẽ. Ona ni onyã́ he; mẽhewo̱ mo̱ ni oofe eša oši lá ni eye bem le̱, ni ogbe David yakatſā? *17,50.

1 Samuel 21:9

[8.] Ni David kē̱ Ahimelek ake̱: Ni kole̱ akplo̱ lo klante ko be̱ odeṅ ye̱ bie̱ ne̱? Edšake̱ miklante ke̱ minii tete mikō̱lo̱o̱ mihīee mideṅ ke̱-baa; edšake̱ ãye maṅtše̱ sane le̱ he oyái!

1 Samuel 23:21

Ni Saul kē̱: Iehowa adšō̱nye ake̱ nyenami mo̱bo̱!