1 Samuel 17:32 - Ṅmãle̱ Kroṅkroṅ Le̱

³² Ni David kē̱ Saul ake̱: Mokomoko tšuĩ akafã ye̱ ehewo̱: otšũlo̱ aate eke̱ ne̱ke̱ Filistinyo ne̱ ayawu.

ŊMALƐ KRƆŊKRƆŊ LƐ

³² David kɛɛ Saul akɛ, “Mɔ ko mɔ ko tsui akafã yɛ nuu nɛɛ hewɔ. Otsulɔ aaatee ekɛ nɛkɛ Filistinyo nɛɛ ayakpe.”

1 Samuel 17:32 ပူးပေါင်းရင်းမြစ်များ

Lalai 3:6

Mikã ši miwo̱, ni mihĩe tšẽ; edšake̱ Iehowa hĩe mimli. Lal. 4,9. Abe̱i 3,24.

Yesaia 35:4

Mei ní tšui fãa le̱, nyekē̱ame̱ ake̱: Nyewadšea nyehe, nyekašea gbeyei! Na, nye Nyoṅmo̱ le̱ miba ke̱ oweletō̱ ke̱ Nyoṅmo̱ nãdšiaṅtō, ni eehere nyeyiwala hũ. Lal. 94,1.

Yesaia 7:4

ni okē̱le̱ ake̱: Kwe̱ ohe ní ahĩ ní *ofe diō; kāše gbeyei ni otšui akafã ye̱ ne̱ke̱ latšei kukudši enyo̱ ni dšeo̱ lasũ ne̱ ahewo̱, ye̱ Rezin ke̱ Aram ke̱ Remalia bi le̱ mlila le̱ hewo̱! *30,15.

4 Mose 13:30

Ni *Kaleb †ninẽ maṅ le̱ ehã Mose ni ekē̱: Nyehãa wo̱yaä kẽ ni wo̱yaṅõ šikpoṅ le̱; edšake̱ wo̱o̱nyẽ no̱ wo̱ye āhũ. *K. 6. †14,6.

4 Mose 14:9

Iehowa hĩe atua ke̱ke̱ nyekatšea, ni asaṅ nyekašea šikpoṅ le̱ no̱ bii le̱ agbeyei, edšake̱ ame̱ le̱ wo̱koyemãi ni; ame̱klo̱ edše ame̱no̱, ši wo̱ le̱ Iehowa ke̱wo̱ ye̱; nyekašeaame̱ gbeyei!

Hebribii 12:12

Hewo̱ le̱ nyewadšea nidsi ní mli edše wui ke̱ nākutšei ní egbo̱dšo̱ le̱, Ies. 35,3.

Yoshua 14:12

Nohewo̱ le̱ agbe̱ne̱, ṅõ ne̱ke̱ goṅ ne̱ ní Iehowa wie he ye̱ nakai gbĩ le̱ no̱ le̱ ohãmi; edšake̱ nakai gbĩ le̱ bodientše̱ onu; edšake̱ Anakbii ye̱ dše̱i ke̱ mãdši wudši ní atſa gbogboi awo he; ekole̱ Iehowa aafata mihe, ní maſieame̱, take̱ bo̱ni Iehowa wie le̱. 11,21.

1 Samuel 14:6

Ni Ionatan kē̱ oblanyo ni hĩe etawūnii le̱ ake̱: Ba ní wo̱te ne̱ke̱ fōlo̱i ne̱ asrafoi le̱ aṅõ! Ekole̱ Iehowa aatšu nii ahãwo̱; edšake̱ nokonoko etšĩĩ *Iehowa nā ake̱ eke̱ mei pī lo mei fiõ aahere yiwala! *Kodš. 7,7. 2 Kron. 14,10.

1 Samuel 16:18

Ni oblahĩī le̱ ateṅ mokome here no̱ ni ekē̱: Na, mina Išai, Betlehemnyo le̱, binū ko ni le saṅkũtſā dšogbāṅ, ni nū kãkãlo̱ ke̱ tawulo̱ dšile̱, ele nii ni ehe hũ ye̱ fe̱o, ni Iehowa ke̱le̱ ye̱.

1 Samuel 17:31

Ni beni anu David wiemo̱i ni ewie le̱, ayatšĩ tã atšõ Saul, ni etšũ ayaṅõle̱.