1 Samuel 14:6 - Ṅmãle̱ Kroṅkroṅ Le̱

⁶ Ni Ionatan kē̱ oblanyo ni hĩe etawūnii le̱ ake̱: Ba ní wo̱te ne̱ke̱ fōlo̱i ne̱ asrafoi le̱ aṅõ! Ekole̱ Iehowa aatšu nii ahãwo̱; edšake̱ nokonoko etšĩĩ *Iehowa nā ake̱ eke̱ mei pī lo mei fiõ aahere yiwala! *Kodš. 7,7. 2 Kron. 14,10.

ŊMALƐ KRƆŊKRƆŊ LƐ

⁶ Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”

1 Samuel 14:6 ပူးပေါင်းရင်းမြစ်များ

2 Samuel 1:20

*Nyekayagbaä ye̱ Gat, nyekayatšĩa tã ye̱ Aškelon blohũi le̱aṅ, koni Filistibii le̱ abiyei le̱ akanyã́ ní †fōlo̱i le̱ abiyei le̱ mītũmo̱! Mika 1,10. †1 Sam. 18,6.

2 Samuel 16:12

Ekole̱ Iehowa aakwe̱ mimanehũlũ ne̱, ni eke̱ ekpakpa aatomi lōmo̱ ni elomoo̱mi ṅme̱ne̱ ne̱ nãdšiaṅ.

2 Maŋtsɛmɛi 19:4

Ekole̱ Iehowa, o-Nyoṅmo̱ le̱, enu Rabšake moni enuṅtšo̱, Ašur maṅtše̱ le̱, tšũ le̱ ni *ebasopa Nyoṅmo̱ hĩekalo̱ le̱ wiemo̱i le̱ fẽ, ni ebakã ehĩe ye̱ wiemo̱i ní Iehowa, o-Nyoṅmo̱ le̱, enu le̱ ahewo̱: nohewo̱ le̱ wó ofaikpamo̱ le̱ ne̱ ohã mei ní eſe̱ ní yo le̱. *18,35.

2 Kronika 14:10

[11.] Ni Asa blo̱ tšé̱ Iehowa, e-Nyoṅmo̱ le̱, ni ekē̱: Iehowa! *moni he wa ke̱ moni he waa teṅ le̱ moko be̱ ní aanyẽ aye abua mo ake̱ dša bo. Ye obuawo̱, Iehowa, wo̱-Nyoṅmo̱! Edšake̱ bo noṅṅ ono̱ wo̱hĩe kã, ni ogbe̱i ano̱ wo̱-baä wo̱ke̱ asafo babaō no̱ abakpe ne̱. Iehowa, bo dši wo̱-Nyoṅmo̱; kāhã ádesã nine mĩtšṍ ono̱! *1 Sam. 14,6.

2 Kronika 14:11

[12.] Ke̱ke̱ ni Iehowa tſia Kušbii le̱ anii ye̱ Asa ke̱ Iuda hĩe, ni Kušbii le̱ dšo foi.

Lalai 135:6

Nofẽno ní sa Iehowa hĩe le̱, no efeo ye̱ ṅwei ke̱ šikpoṅ le̱ no̱, ye̱ ṅšo̱i ke̱ bui ní kwō̱lo̱ le̱ fẽ mli.

Yeremia 9:23

Bo̱ni Iehowa kē̱ ne̱: Nilelo̱ akaſã mīfõ enilē no̱, hewalo̱ hũ akaſã mīfõ ehewale̱ no̱, ni niiatše̱ akaſã mīfõ enii ano̱;,

Yeremia 9:25

Na, gbĩĩ mība, Iehowa kē̱, ní mibawo ketiafolo̱i ke̱ fōlo̱i fẽ nyõmo̱:

Yeremia 9:26

Mizraim ke̱ Iuda ke̱ Edom ke̱ Amonbii le̱ hũ ke̱ Moab fẽ ke̱ mei ní *eše̱šē̱ ame̱yi afãfãi ni hĩo̱ ṅã le̱ no̱ le̱ fẽ: edšake̱ dšeṅmãdši le̱ fẽ le̱, fōlo̱i ni, ni Israel we le̱ fẽ le̱, †tšuiṅ fōloi ni, *3 Mose 19,27. †Ier. 4,4. 4 Mose 30,6.

Amos 5:15

Nyenye̱a *nõfõṅ, ni nyesumo̱a nõkpakpa, ni nyehãa dšale̱ saneyeli adamo̱a ši ye̱ koi ši; ake̱ aleenõ Iehowa, Zebaot Nyoṅmo̱ le̱, aadro Iosef ſē̱nō le̱ lo! *Lal. 55,15. Rom. 12,3.

Zefania 2:3

Nyetaoa Iehowa se̱gbe̱, nye šikpoṅ le̱ no̱ hešibalo̱i fẽ ni nyeyeo̱ emla le̱ no̱ le̱! Nyetaoa dšale̱ se̱gbe̱, nyetaoa hešibā se̱gbe̱: ekole̱ aaṅõnye atẽ ye̱ Iehowa mlifũ gbĩ le̱ no̱!

Zakaria 4:6

Ke̱ke̱ ni ehere no̱ ni ekē̱mi ake̱: Ene̱ dši Iehowa wiemo̱ ní ba Zerubabel ṅõ ake̱: Dšee nyẽmo̱ nā le̱, dšee hewale̱ nā, ši Mimumo̱ le̱ nā! Iehowa Zebaot kē̱.

4 Mose 10:32

Ni aaba mli ake̱, ké̱ oke̱wo̱ nyie le̱, edšŭrõ ni Iehowa aafewo̱ le̱, no noṅṅ wo̱ hũ wo̱ke̱-afeo!

4 Mose 31:4

Israel akutšei le̱ fẽ mli le̱ nyefãmo̱a mei akpe ye̱ akutšo-fẽ-akutšo mli ní ame̱ya ta le̱.

Mateo 19:26

Ši Iesu kwe̱ame̱ ke̱-kpe, ni ekē̱ame̱ ake̱: Gbomei agbe̱fãṅ le̱ anyẽṅ ene̱ afe; Ši Nyoṅmo̱ gbe̱fãṅ le̱ aanyẽ nii fẽ afe.

Romabii 8:31

Bĕle̱ té wo̱o̱kē̱ tēṅ ye̱ nii ne̱ ahewo̱ṅ? Ké̱ Nyoṅmo̱ ye̱ wo̱se̱ le̱, namo aate ši awowo̱? Lal. 118,6.

5 Mose 32:30

Kũle̱ té aye tẽṅ ní mokome ſieo̱ mei akpeṅ, ní mei enyo̱ woo̱ mei akpei-nyoṅma foiṅ, ké̱ dšee hō̃mo̱ ame̱te̱sā le̱ ehõame̱, ni Iehowa eṅõame̱ ehã le̱? 3 Mose 26,8. 36. 37.

Filipibii 3:3

Edšake̱ wo̱ mei ni wo̱dšáa Nyoṅmo̱ ye̱ mumo̱ nā, ni wo̱ke̱ wo̱hĩe efõõ helo no̱, ši Kristo Iesu no̱ moṅ wo̱ſãa wo̱fõo̱ le̱, wo̱ moṅ dši ketiafolo̱i le̱; Rom. 2,29.

Yoshua 14:12

Nohewo̱ le̱ agbe̱ne̱, ṅõ ne̱ke̱ goṅ ne̱ ní Iehowa wie he ye̱ nakai gbĩ le̱ no̱ le̱ ohãmi; edšake̱ nakai gbĩ le̱ bodientše̱ onu; edšake̱ Anakbii ye̱ dše̱i ke̱ mãdši wudši ní atſa gbogboi awo he; ekole̱ Iehowa aafata mihe, ní maſieame̱, take̱ bo̱ni Iehowa wie le̱. 11,21.

Kojolɔi 15:18

Ni kũmai yele̱ naakpa, ni eblo̱ etšē̱ Iehowa ni ekē̱: Otšṍ otšũlo̱ nine no̱ otšu yiwalaheremo̱ nitšumo̱ kpeteṅkple ne̱, ni kpāko moṅ ni magbo ke̱ kũmai, ni ma-gbē fõlo̱i le̱ adeṅ!

1 Samuel 14:5

Ekome le̱ nā mã kōyigbe̱ ye̱ Mikmaš ṅe̱le̱no̱, ni ekome hũ nā mã wuoyigbe̱ ye̱ Geba ṅe̱le̱no̱.

1 Samuel 14:7

Ni etawūniihĩelo̱ le̱ kē̱le̱ ake̱: Femo̱ nofẽno ni yo̱ otšui mli; tšṍ ohe; na, mifata ohe bo̱ni osumoo̱.

1 Samuel 17:26

Ke̱ke̱ ni David kē̱ hĩĩ le̱ ní eke̱-damo̱ ši le̱ ake̱: Meni aafe ahã moni aagbe Filistinyo ne̱, níi eedšie ahorabō̱ ne̱ ye̱ Israel no̱ le̱? Edšake̱ namo po dši ne̱ke̱ Filistinyo fõlo̱ ne̱, ni ebo̱ö̱ Nyoṅmo̱ hĩekãlo̱ le̱ tai le̱ ahora ne̱?

1 Samuel 17:36

Dšata ke̱ ošĩšĩbriši po le̱ otšũlo̱ egbe, ni ne̱ke̱ Filistinyo fõlo̱ ne̱ aatšṍ tamo̱ ame̱teṅ mokome, ake̱ nõ kẽ ní ebo̱ö̱ Nyoṅmo̱ hĩekãlo̱ le̱ tai le̱ ahora ne̱!

1 Samuel 17:46

Ṅme̱ne̱ gbĩ ne̱ Iehowa aadšieo awo mideṅ, ní magbeo, ni mafo oyi, ni maṅõ Filistibii ata le̱ mli gbohĩĩ le̱ mahã ṅwei lofõdši ke̱ šikpoṅ le̱ no̱ koloi awuyelo̱i ṅme̱ne̱, koni šikpoṅ mū le̱ fẽ aana ale ake̱ Nyoṅmo̱ ko ye̱ Israel,

1 Samuel 17:47

ni asafo ní ekpe ne̱ fẽ aaná ale ake̱ dšee klante lo akplo̱ Iehowa ke̱-hereo̱ mo yiwala; edšake̱ Iehowa nõ dši ta le̱, ni eeṅõnye ewo wo̱deṅ!

1 Samuel 31:4

Ke̱ke̱ ni Saul kē̱ etawūniihĩelo̱ le̱ ake̱: Gblamo̱ *oklante ní oke̱-dũmi, ko-ni ne̱ke̱ fõlo̱i ne̱ akaba ame̱badũmi, ní ame̱femĩ niseniianii. Ši etawūniihĩelo̱ le̱ ekplẽẽ; edšake̱ ēše gbeyei naakpa dientše̱. Nohewo̱ le̱ Saul ko̱ eklante ni eho egbē no̱. *Kodš. 9,54.