1 Samuel 14:18 - Ṅmãle̱ Kroṅkroṅ Le̱

¹⁸ Ni Saul kē̱ Ahia ake̱: Yaṅō *Nyoṅmo̱ adeka le̱ ke̱-ba bie̱! Edšake̱ no mli le̱ Nyoṅmo̱ adeka le̱ ye̱ Israelbii le̱ aṅõ. *4,3.

ŊMALƐ KRƆŊKRƆŊ LƐ

¹⁸ Ni Saul kɛɛ Ahia, osɔfo lɛ, akɛ, “Yaawo Nyɔŋmɔ Kpãŋmɔ Adeka lɛ kɛba biɛ.” Nɛkɛ beiaŋ lɛ he fɛɛ he ni Israelbii lɛ yaa lɛ amɛ kɛ Kpãŋmɔ Adeka lɛ yaa.

1 Samuel 14:18 ပူးပေါင်းရင်းမြစ်များ

2 Samuel 11:11

Ni Uria kē̱ David ake̱: *Adeka le̱ ke̱ Israel ke̱ Iuda fẽ ye̱ asesei amli, ni minuṅtšo̱ Ioab ke̱ minuṅtšo̱ tšũdši le̱ ebo̱ nsra ye̱ ṅãno̱, ni mi le̱ miya miwe ni miyaye nii ni minu ni mike̱ miṅã awo̱ lo? Gbĩĩabo̱ ní ohĩe kã ni osusuma hũ hĩe kã ne̱, miwoṅ ene̱ femo̱. *1 Sam. 4,4.

4 Mose 27:21

Ni ebadamo̱ oso̱fo Eleazar hĩe, koni etšṍ *urim gbale̱ le̱ no̱ ebi nii ehãle̱ ye̱ Iehowa hĩe; ni ewiemo̱ nā ame̱dše kpo ye̱, ni ewiemo̱ nā ame̱ba ye̱, le̱ ke̱ Israelbii le̱ fẽ ke̱ asafo mū le̱ fẽ. *2 Mose 28,30.

Kojolɔi 20:18

Ni ame̱te ši ame̱yĩṅ ke̱-te *Betel, ni ame̱yabi Nyoṅmo̱ ṅāwō; ni Israelbii le̱ kē̱: †Wo̱teṅ namo tšutšu afã ke̱-ya ní eke̱ Benyaminbii le̱ ayawu? Ni Iehowa kē̱: Iuda tšutšu afã. *K. 26. 27; 21,2. †1,1. 2.

Kojolɔi 20:23

Ši Israelbii le̱ yiṅ ke̱-te, ni ame̱yafó ye̱ Iehowa hĩe ke̱-yaši gbe̱ke̱, ni ame̱bi Iehowa ake̱: Ani mitši mibe̱ṅke̱ ekoṅ ni mĩke̱ minyemi Benyaminbii le̱ ayawu? Ni Iehowa kē̱: Fã ni eyanĩnale̱!

1 Samuel 14:17

Ke̱ke̱ ni Saul kē̱ mei ni fata ehe le̱ ake̱: Nyekanea mei le̱ ni nyekwe̱a moni edše wo̱teṅ! Ni ame̱kane, ni na, Ionatan ke̱ etawūniihĩelo̱ le̱ be̱.

1 Samuel 14:36

Ni Saul kē̱: Nyehãa wo̱kplekea ši ke̱-nyiea Filistibii le̱ ase̱ nyōṅ, ni wo̱-haame̱ ke̱-yaši dšetše̱remo̱ we̱le̱ṅṅ, ni wo̱kašĩ ame̱teṅ mokomoko! Ni ame̱kē̱: Nofẽno ni hĩ ye̱ ohĩe le̱, femo̱! Ke̱ke̱ ni oso̱ſo le̱ kē̱: Nyehãa wo̱tšia wo̱be̱ṅke̱a bie̱ ke̱-yaä Nyoṅmo̱ ṅō!

1 Samuel 23:9

Ni beni David ná le ake̱ Saul eto ehe yiṅ fõṅ le̱, ekē̱ oso̱fo Abiatar ake̱: *Oke̱ efod le̱ aba bie̱! *30,7.

1 Samuel 5:2

Ni Filistibii le̱ wó Nyoṅmo̱ adeka le̱ ke̱-te Dagon we le̱, ni ame̱ke̱-yamã *Dagon mase̱i. *Kodš. 16,23.

1 Samuel 7:1

Ni Kiriat-Iearimbii le̱ ba ni ame̱ba-wó Iehowa adeka le̱, ni ame̱ke̱-te Abinadab we le̱ ye̱ goṅkpo̱ le̱ no̱, ni ame̱wo ebi Eleazar oso̱fo, koni eba Iehowa adeka le̱ he.