1 Samuel 13:14 - Ṅmãle̱ Kroṅkroṅ Le̱

¹⁴ Ši agbe̱ne̱ le̱ omaṅtše̱yeli le̱ damo̱ṅ ši. Iehowa etao le̱dientše̱ *etšui nā nū ko ehã ehe, ni Iehowa ewole̱ emaṅ le̱ no̱ lumo̱; edšake̱ oyee kitã ni Iehowa woö le̱ no̱. *Bo̱f. 18,22.

ŊMALƐ KRƆŊKRƆŊ LƐ

¹⁴ Shi agbɛnɛ lɛ omaŋtsɛyeli lɛ sɛɛ baafo. Yehowa ŋɔ lɛ diɛŋtsɛ etsui naa gbɔmɔ ni ewo lɛ emaŋ lɛ nɔ lumɔ; mɛni hewɔ lɛ oyayeee kitã ni Yehowa wo bo lɛ nɔ.”

1 Samuel 13:14 ပူးပေါင်းရင်းမြစ်များ

2 Samuel 5:2

Asaṅ nyèse̱ ne̱, beni Saul yeo̱ wo̱no̱ maṅtše̱ le̱, bo noṅṅ dši moni ke̱ Israel yaã ni oke̱ame̱ baã, ni Iehowa kē̱o ake̱: Bo oolè̱ mimaṅ Israel, ni bo ooye Israel no̱ *lumo̱. *1 Sam. 18,11; 25,30.

2 Samuel 6:21

Ši David kē̱ Mikal ake̱: Iehowa ni dše otše̱ ke̱ ewe le̱ fẽ se̱ ni ehalami ewomi Iehowa maṅ Israel no̱ *lumo̱ le̱ hĩe midšò ye̱, hẽ, le̱ ehĩe madšó ye̱! *5,2.

2 Maŋtsɛmɛi 20:5

Kũ ose̱ ni oyakē̱ Hezekia, mimaṅ le̱ no̱ lumo̱ le̱, ake̱: Bo̱ni Iehowa, otše̱ David Nyoṅmo̱ le̱, kē̱ ne̱: Minn ofai-kpamo̱ le̱, ni mina ohĩeyāfónui le̱ hũ. Na, mibatšáo; ni bie̱ gbĩĩ etẽ le̱ oonyie ke̱-ate Iehowa we le̱.

1 Kronika 10:13

Ni Saul gbo ye̱ tõ ni etõ Iehowa no̱ ke̱ Iehowa *wiemo̱ ní ebuu le̱ hewo̱, ni asaṅ eyafe nii †ye̱ sisatšé̱lo̱ ṅõ eke̱bi nii, *1 Sam. 15,11. †1 Sam 28,8.

Lalai 78:70

Ni ehala etšũlo̱ David, ni efãle ke̱-dše̱ tōiatšũiaṅ; 1 Sam. 16,11. 12.

Abe̱i 27:24

Edšake̱ *nii ehĩĩ ši ke̱-yaa nāno̱, alo akekre ko aahĩ ši ke̱-ate yino̱i fẽ? *1 Tim. 6,7.

Yesaia 39:5

Ke̱ke̱ ni Iesaia kē̱ Hezekia ake̱: Bo Iehowa Zebaot wiemo̱ toi!

Bɔfoi 13:22

Ni beni efãle̱ le̱, ewó David no̱ ni ewole̱ ame̱no̱ maṅtše̱, mo he ni eye odase ni ekē̱: “Mina David, Išai bi le̱, nū ní miyo̱ ehe tšui, moni aafe misuomo̱nānii le̱ fẽ.” 1 Sam. 16,12. 18; 13,14.

Bɔfoi 7:46

le̱ ehĩe ba nyam ye̱ Nyoṅmo̱ hĩe, ni ekpa fai ake̱ eefe šihĩle̱he ko ehã Iakob Nyoṅmo̱ le̱. 2 Sam. 7,2. Lal. 132,5.

Hebribii 2:10

Edšake̱ esale̱, mo hewo̱ ní nii fiā yo̱ ke̱ *mo no̱ ní atšṍ ní nii fiā yo̱ le̱, moni ṅõo̱ bii babaō ke̱-baä anumnyam mli le̱, ake̱ ehã ame̱yiwalaheremo̱ tatše̱nukpa le̱ atšṍ amanehũlũi amli ahĩ ke̱-wula ši. *Rom. 11,36.

1 Samuel 15:23

Edšake̱ atũatšemo̱ le̱ etamo̱ klame̱ eša noṅṅ, ni toiwale̱ tamo̱ wo̱ṅdšámo̱ ke̱ amãgãdšámo̱! Gbĩĩabo̱ ni okwa Iehowa wiemo̱ le̱ ne̱, le̱ hũ *ekwao maṅtše̱ le̱ yeli! *16,1.

1 Samuel 15:26

Ši Samuel kē̱ Saul ake̱: Mike̱o ekũũ se̱ ke̱-yaa; edšake̱ okwa Iehowa wiemo̱ le̱, ni Iehowa hū ekwao maṅtše̱yeli ye̱ Israel no̱.

1 Samuel 15:28

Ni Samuel kē̱le̱ ake̱: Iehowa *egbá oke̱ Israel maṅtše̱yeli le̱ teṅ ṅme̱ne̱, ni eṅõ-hã onanyo ko ní hĩ fèo. *28,17.

1 Samuel 16:1

Ni Iehowa kē̱ Samuel ake̱: Mẽ beyino̱ noṅṅ ooye Saul he ṅko̱mo̱ ke̱-yaši, edšake̱ ona ake̱ *mikwale̱ Israel no̱ maṅtše̱ le̱ yeli? Wo okoṅ le̱ mli mũ obo, ni oya; mibatšũo Išai, Betlehemnyo le̱, ṅõ; edšake̱ miná maṅtše̱ ye̱ ebihĩĩ le̱ ateṅ. *16,33. 36.

1 Samuel 16:12

Ni etšũ ni ayaṅõle̱ ke̱-ba. Ši etšuo̱õ ke̱ ehĩṅme̱ii fe̱o, ni kē̱ okwe̱le̱ hũ, ehe ye̱ fe̱o. Ni Iehowa kē̱: Te ši! ni ofo̱le̱ mũ; edšake̱ le̱ pi ne̱!

1 Samuel 2:30

Nohewo̱ le̱ bo̱ni Iehowa, Israel Nyoṅmo̱ le̱, kē̱ ne̱: Eye̱ṅ moṅ ake̱ *mikē̱ ake̱ owe le̱ ke̱ otše̱ we le̱ aanyie mihĩe ke̱-ya nāno̱; ši agbe̱ne̱ bo̱ni Iehowa kē̱ ne̱: Ene̱ akagbalemi fō̃ṅfõ! edšake̱ mei ní woo̱ mihĩe nyam le̱, mawo ame̱hĩe nyam; ši mei ní gbeo̱ mihe guo̱ le̱, abuname̱ ahãṅ nokonoko. *2 Mose 28,1.

1 Samuel 24:20

Edšake̱ ke̱ gbomo ko nine še̱ ehenye̱lo̱ no̱ le̱, aso eehã eke̱ ehe aya ſeſēſe? Nohewo̱ le̱ Iehowa aawoö nyõmo̱ kpakpa ye̱ noni ofe ohãmi ṅme̱ne̱ ne̱ hewo̱.

1 Samuel 25:30

Ni aaba mli ake̱, kē̱ Iehowa ená efe minuṅtšo̱ edšudši fẽ ni ewie ye̱ ohe le̱, ni ewoõ *lumo̱ ye̱ Israel no̱ le̱, 2 Sam. 5,2.

1 Samuel 9:16

Wó̱ aafe bene̱ yino̱ le̱ mibatšũ nū ko ní dše̱ Benyamin šikpoṅ le̱ no̱ ke̱-ba oṅõ, ni ofo̱le̱ mū owo mimaṅ Israel le̱ no̱ lumo̱, koni ehere mimaṅ le̱ yiwala ke̱-dše̱ Filistibii le̱ adeṅ; edšake̱ mikwe̱ mimaṅ le̱, ši ame̱blo̱mo̱ le̱ eše̱ miṅõ.