1 Mose 41:15 - Ṅmãle̱ Kroṅkroṅ Le̱

¹⁵ Ni Farao kē̱ Iosef ake̱: Mila lamõ ko, ni mokomoko be̱ ni nyẽ šiši tšõ; ni minu ni akē̱ ye̱ ohe ake̱ ke̱dši onu lamõ ko le̱, onyẽo̱ šiši otšõo̱.

ŊMALƐ KRƆŊKRƆŊ LƐ

¹⁵ Farao kɛɛ Yosef akɛ, “Mila lamɔ ko, ni mɔ ko mɔ ko nyɛɛɛ mi shishi atsɔ̃ɔ. Minu ni akɛɛ yɛ ohe akɛ kɛji onu lamɔ ko lɛ, onyɛɔ shishi otsɔ̃ɔ.”

1 Mose 41:15 ပူးပေါင်းရင်းမြစ်များ

1 Mose 40:8

Ni ame̱kē̱le̱ ake̱: Wo̱la lamõ ko, ni moko be̱ ni aatšõ šiši. Ni Iosef kē̱-ame̱ ake̱: Ani *šišitšõmo̱ le̱ dšee Nyoṅmo̱ nõṅ? mīkpanye fai, nyegbaämi! *41,16. Dan. 2,27. 28.

1 Mose 41:8

Ni eba mli ake̱ lebi le̱ etšui bõi yeli ye̱ emli, ni etšũ ayatšē̱ Mizraim woloṅlelo̱i ke̱ nilelo̱i fẽ kē̱-ba, ni Farao badšadše elamõ lē̱ etšõame̱; ši mokomoko be̱ ni nyẽ tšõ Farao šiši. Dan. 2,2.

2 Kronika 26:5

Ni gbĩĩabo̱ ní Zakaria ní tšõo̱le̱ Nyoṅmo̱ ninãi le̱ amli le̱ yo̱ le̱, edio̱ Nyoṅmo̱ se̱; ni gbĩĩabo̱ ni edio̱ Iehowa se̱ le̱, Nyoṅmo̱ hãa eſereo̱.

Lalai 25:14

Iehowa dšĩeo̱ *eyitšoṅsane etšõo̱ mei ni šeo̱le̱ le̱, ni ekpãṅmo̱ le̱ hũ ehãa ame̱leo̱. *Hiob 29,4.

Daniel 2:3

Ni maṅtše̱ le̱ kē̱ame̱ ake̱: Mila lamõ ko, ni mitšui mīye ye̱ mimli ake̱ male lamõ le̱.

Daniel 4:18

Ne̱ke̱ lamõ ne̱ mi, maṅtše̱ Nebukadnezar, mina; ni agbe̱ne̱ bo Beltešazar, tšõmo̱ šiši, edšake̱ mimaṅtše̱yeli le̱ mli nilelo̱i le̱ fẽ nyẽẽ atšõmi šiši; ši bo le̱ oonyẽ, edšake̱ nyoṅmo̱i kroṅkroṅi le̱ amumo̱ ye̱ omli!

Daniel 4:9

Beltešezar, woloṅlelo̱i le̱ anukpa, ake̱-ní mile ake̱ nyoṅmo̱i kroṅkroṅi le̱ amumo̱ ye̱ omli ni *tēmo̱sane ko tēmo̱sane ko waa hãão hewo̱ le̱, gbami milamõ mli nināi ní mina le̱ ke̱ ešiši. *Ezek. 28,3.

Daniel 5:12

edšake̱ ana mumo̱ ní teke no̱ ke̱ nilẽ ke̱ dſẽṅmo̱ ke̱ lamõi ašišitšõmo̱ ke̱ wiemo̱i ní wa anātšõmo̱ ke̱ kpo̱i afẽnemo̱ ye̱ Daniel ni maṅtše̱ le̱ wole̱ Beltešazar le̱ mli. Nohewo̱ le̱ hã ayatšé̱ Daniel ke̱-ba, ni ebatšõ šiši. Ezek. 28,8.

Daniel 5:14

Ši minu ohe ake̱ nyoṅmo̱i le̱ amumo̱ ye̱ omli, ni anaä hĩetē̃ ke̱ dſẽṅmo̱ ke̱ nilē ní teke no̱ ye̱ omli.

Daniel 5:16

Ni minu ohe, ake̱ onyẽo̱ nibii ašiši otšõo̱, ni ofẽneo̱ kpoi hũ; agbe̱ne̱ ke̱dši oonyẽ ṅmãle̱ le̱ okane, ni otšõmi šiši le̱, aawoö atade afaseo, ni aawo okue̱ šika kõšõṅkõšõ, ni ootšṍ no̱yelo̱ moni ši etẽ ye̱ maṅtše̱yeli le̱ mli!