1 Mose 37:35 - Ṅmãle̱ Kroṅkroṅ Le̱

³⁵ Ni ebihĩĩ le̱ ke̱ ebiyei le̱ fẽ te ši, koni ame̱baše̱dše emī, ši ekplẽẽ mīše̱dšemo̱, ni ekē̱: Nko̱mo̱yeli mike-akpleke ši ke̱yanina mibi le ye gbohīĩadše. Ni etše̱ fóle̱.

ŊMALƐ KRƆŊKRƆŊ LƐ

³⁵ Ebihii kɛ ebiyei lɛ fɛɛ te shi koni amɛbashɛje emii, shi ekpɛlɛɛɛ miishɛjemɔ, ni ekɛɛ, “Ŋkɔmɔyeli mikɛaaya ayanina mibi lɛ yɛ gbohiiaje.” Nɛkɛ gbɛ nɔ Yosef tsɛ tsɔ efo lɛ.

1 Mose 37:35 ပူးပေါင်းရင်းမြစ်များ

1 Mose 25:8

Ni Abraham gbo̱ kotokoto ni egbo ye̱ gbo̱le̱ kpakpa mli, nūmoṅ ni eye afii pī, ni abua enā afata emei le̱ ahe. 15,15. Hiob 6,26.

1 Mose 31:43

Ni Laban here no̱ ni ekē̱ Iakob akē̱: Biyei nē̱ mibiyei ni, ni bii ne̱ hũ mibii ni, tōi ne̱ hũ mitōi ni, ni nibii ní onaä ne̱ fē le̱ minii ni; ši meni mawo mibiyei ne̱ ke̱ ame̱bii ni ame̱fo̱fo̱i le̱ afemo̱ ṅme̱ne̱?

1 Mose 35:29

Ni Isak *gbo̱ kotokoto, ni egbo ni ahna enā afata emei le̱ ahe, beni etšṍ nūmo ni eye gbĩĩ pī le̱. Ni Esau ke̱ Iakob, ebii le̱, bafũle̱. *25,8.

1 Mose 42:31

Ni wo̱kē̱le̱ ake̱: Ano̱kwafoi dšiwo̱, wo̱dšee sralo̱i;

1 Mose 42:38

Ni ekē̱: Mibi le̱ ke̱nye eyaa; edšake̱ enyemi le̱ egbo, ni le̱ ekome eſe̱; ke̱dši ošrã ko yašrãle̱ ye̱ gbe̱ ni nyeyanyie le̱ no̱ le̱, no le̱ nyebaṅõ miwadši le̱ ke̱-ya gbohïĩadše ke̱ aw̌ere̱hō.

1 Mose 45:28

Ni Israel kē̱: Efá; mibi Iosef ye̱ dšeṅ lolo! Mate mayakwe̱ ehĩe däni magbo. 46,30.

1 Mose 48:11

Ni Israel kē̱ Iosef ake̱: *Misusuko ake̱ mana ohĩe ekoṅ; ni na, Nyoṅmo̱ ehã †mina oseši hũ. *37,33. 35; 45,26. †Lal. 128,6.

2 Samuel 12:17

Ni ewe le̱ onukpai le̱ te ši ni ame̱te eṅõ ní ameyawó eno̱ ke̱-dše̱ šikpoṅ; ši ekplẽẽ, ni asaṅ eke̱ame̱ yee nii.

2 Samuel 12:23

Ši agbe̱ne̱ ená egbo; kole̱ mẽba misā mihĩo̱ ṅmā̃? Ani manyẽ makpalele̱ ke̱-ba ekoṅ? Mi moṅ mibaye eṅõ, ši le̱ le̱ ekpaleṅ ebaṅ miṅõ doṅṅ.

2 Samuel 19:1

[Y. 18,33.] Ni maṅtše̱ le̱ dšidšā, ni ekwo̱ ke̱-te pia ni yo̱ agbó le̱ yiteṅ le̱ mli ni efó; ni beni eyaä le̱, ne̱ke̱ ekē̱: Mibi Absalom, mibi! Mibi Absalom! miná ni kũle̱ mi moṅ migbo ye̱ onãdšiaṅ, Absalom, mibi, mibi!

1 Kronika 7:22

Ni ame̱tše̱ Efraim ye ame̱he ṅko̱mo̱ gbĩĩ pī, ni enyemimei le̱ ba ame̱baše̱dše emī.

Hiob 2:11

Agbe̱ne̱ beni Hiob nanemei etẽ le̱ nu amanehũlũ ni eba eno̱ ne̱ fẽ he-le̱, ame̱teṅ mofẽmo dše̱ heni eyo̱ eba, Elifaz, *Temannyo le̱, ke̱ Bildad, †Šuhinyo le̱, ke̱ Zofar, **Naamanyo le̱, ni ame̱nä fe ekome ake̱ ame̱ate ame̱yayele̱ ṅko̱mo̱ ni ame̱še̱dše emī. *1 Mose 36,16. Ier. 49,7. †1 Mose 25,2. Ios. 16,41.

Lalai 77:2

Mawó migbē no̱ mablo̱ matšé̱ Nyoṅmo̱, mawó migbē no̱ matšé̱ Nyoṅmo̱, ni eebomi toi.

Lalai 77:3

Mihaomo̱ gbĩ le̱ no̱ le̱ mitao Nuṅtšo̱ le̱: mikpãa minine mli nyōṅnyōṅ fẽ ni misuu; misusuma ekplẽẽ mīše̱dšemo̱.

Jajelɔ 9:10

Nofẽno tšumo̱ ní onine aaše̱ no̱ le̱, oke̱ ohewale̱ atšu; edšake̱ nitšumo̱ lo yiṅſíemo̱ lo nilē lo ṅā ko be̱ gbohĩĩadše heni oyaä le̱.

Yeremia 31:15

Bo̱ni Iehowa kē̱ ne̱: *Anu gbē ko ye̱ Rama, yărawō ke̱ yāfó ni mli wa; Rahel mīfó ebihĩĩ le̱, ni ekplẽẽ mīše̱dše-mo̱ ye ebihĩĩ le̱ ahewo̱, edšake̱ ame̱be̱! *Mat. 2,18.