1 Mose 24:42 - Ṅmãle̱ Kroṅkroṅ Le̱

⁴² Ni ṅme̱ne̱ miba nubu le̱ he, ni mikē̱: Iehowa, minuṅtšo̱ Abraham Nyoṅmo̱! ke̱dši oobã migbe̱ ni minyie ne̱ adša le̱,

ŊMALƐ KRƆŊKRƆŊ LƐ

⁴² “Be ni mibashɛ nubu lɛ he ŋmɛnɛ lɛ, misɔle mikɛɛ, ‘Yehowa, minuŋtsɔ Abraham Nyɔŋmɔ, kɛji ooohã migbɛ ni minyiɛ nɛɛ afee omanye lɛ,

1 Mose 24:42 ပူးပေါင်းရင်းမြစ်များ

1 Mose 24:11

Ni ehã yomai le̱ bumo̱ ši ye̱ maṅ le̱ ṅmaṅmaša le̱, ye̱ nubu ko he gbe̱ke̱nãši, be mli ní yei dšeo̱ kpo baä nuyē̱ le̱.

1 Mose 24:27

ni ekē̱: Aadšie Iehowa, minuṅtšo̱ Abraham Nyoṅmo̱ le̱, yi ake̱ ehãko emlihĩle̱ ke̱ eno̱kwayeli se̱ afo ye̱ minuṅtšo̱ no̱; ni mi hũ, Iehowa ebatšõmi minuṅtšo̱ nyemimei awe gbe̱!

1 Mose 24:31

Ni eke̱: Ba šĩa, bo moni Iehowa edšō̱o! mẽhewo̱ odamo̱ ṅmaṅmaša? Ši midientše̱ misā šĩa le̱ ke̱ gbe̱ hũ mihã yomai le̱.

1 Mose 39:3

Ni enuṅtšo̱ le̱ na ake̱ Iehowa ke̱le̱ ye̱, ni Iehowa hãa nofẽno ni efeo̱ le̱ ſereo̱ ye̱ edeṅ.

Ezra 8:21

Ke̱ke̱ ni mišie̱ ṅmā̃hĩle̱ ye̱ dše̱i, ye̱ Ahawa fā le̱ nā, koni wo̱ba wohe ši ye̱ wo̱-Nyoṅmo̱ le̱ hĩe, ni wo̱kpale̱ fai ni ehã wo̱gbe̱ le̱ adša ahãwo̱ ke̱ wo̱bii bibii ke̱ wo̱nibii fẽ.

Nehemia 1:11

Ō Nuṅtšo̱, mīkpao fai ni oka otoi oha otšũle̱ faikpamo̱ le̱ ke̱ otšũdši ní sumoo̱ ogbe̱i gbeyeišemo̱ le̱ afaikpamo̱ le̱; ni mīkpao fai, hã otšũlo̱ aye omanye ṅme̱ne̱ gbĩ ne̱, ni odrole̱ mo̱bo̱nale̱ ye̱ ne̱ke̱ nū ne̱ hĩe! Ši maṅtše̱ le̱ dā̃wolo̱ dšimi.

Lalai 37:5

Gbe̱ ní onyie no̱ le̱, ṅõfõ Iehowa no̱, ni oṅõ ohĩe hũ ofõ eno̱, ni eefe. 1 Pet. 5,7.

Lalai 90:17

Ni Iehowa, wo̱-Nyoṅmo̱ le̱, mlihĩle̱ le̱ ahĩ wo̱no̱, ni wo̱nidši ana nitšumo̱ le̱ hã aſere ahãwo̱; ni wo̱nidši anā nitšumo̱ le̱ hã aſere!

Bɔfoi 10:22

Ni ame̱kē̱: Asafoatše̱ Kornelio̱, ní dši nū dšalo̱ ke̱ Nyoṅmo̱ gbeyeišelo̱ ní Iudafoi amaṅ mū le̱ fẽ wieo̱ ehe ekpakpa le̱, le̱ ṅweibo̱fo kroṅkroṅ ko kē̱le̱ ake̱ etšũ ni abakpēo ke̱-ba ewe le̱, koni ebo onā toi.

Romabii 1:10

ni mikpaä fai dā ye̱ miso̱lemo̱i amli, ake̱ aleenõ Nyoṅmo̱ suomo̱ nā le̱ wó̱se̱ ko le̱ gbe̱ aadša ahāmi ni maba nyeṅõ lo. Bo̱f. 19,21. Rom. 15,23. 32.

1 Samuel 1:13

Edšake̱ Hana le̱, etšui mli ewieo̱ ye̱, enābui ke̱ke̱ tšṍmoo̱, ši anua egbē; nohewo̱ le̱ Eli susu ake̱ eto̱ dā̃.

1 Samuel 9:6

Ni ekē̱le̱ ake̱: Na, Nyoṅmo̱ gbomo ko ye̱ ne̱ke̱ mã ne̱ṅ, ni edši nū ko ni hĩe yo̱ nyam; nofẽno ní ekē̱o̱ le̱, ebaă mli pe̱. Nohewo̱ le̱ hã wo̱te dše̱i; ekole̱ eetšõwo̱ gbe̱ ko ní wo̱tšṍ no̱.