1 Mose 13:11 - Ṅmãle̱ Kroṅkroṅ Le̱

¹¹ Ke̱ke̱ ni Lot ko̱ Iordan niiaṅ kutū le̱ fẽ, ni Lot fã ke̱-te bokãgbe̱; ni ame̱gbla ame̱mli, mo ke̱-dše enyemi he;

ŊMALƐ KRƆŊKRƆŊ LƐ

¹¹ Kɛkɛ ni Lot kɔ Yordan jɔɔ lɛ fɛɛ, ni efã kɛtee bokãgbɛ. Bɔ ni fee ni amɛyi enyɔ lɛ amɛgbala mli nɛ.

1 Mose 13:11 ပူးပေါင်းရင်းမြစ်များ

1 Mose 13:10

Ni Lot hole ehĩṅme̱ii ano̱ ni ekwe̱ Iordan niiaṅ kutū le̱ fẽ, ni hefẽhe ye̱ frõfrõ; dãni Iehowa kpãtã Sodom ke̱ Gomora hĩe le̱, etamo̱ Iehowa trom le̱ ke̱ Mizraim šikpoṅ le̱, āhũ ke̱-yaši Zoar tō̃.

1 Mose 13:12

Abram hĩ Kanaan šikpoṅ le̱ no̱, ni Lot hĩ Iordan niiaṅ mãdši le̱ amlí ni ešišī ebū le̱ ke̱-yaše̱ Sodom.

1 Mose 13:14

Ni beni Lot ke̱ Abram egbla mli se̱ le̱, Iehowa ké̱ Abram ake̱: Agbe̱ne̱ holemo̱ ohĩṅme̱ii ano̱, ni odše̱ heni oyo̱ le̱ okwe̱ kōyigbe̱ ke̱ wuoyigbe̱ ke̱ bokãgbe̱ ke̱ anaigbe̱;

1 Mose 13:9

Ani dšee šikpoṅ mū le̱ fẽ kã ohĩe ne̱? Mīkpao fai, tše ohe ke̱-dše mihe; ke̱dši oko̱ abe̱kugbe̱ le̱, no le̱ mako̱ ninedšũrõgbe̱, ni ke̱dši oko̱ ninedšũrõgbe̱ le̱, no le̱ mako̱ abe̱kugbe̱.

1 Mose 19:17

Ni eba mli ake̱, beni ame̱ke̱ame̱ edše kpo le̱, ekē̱: Dšo foi ni ohere osusuma yiwala, kākwe̱ ose̱ ni kāwa ye̱ bie̱ niiaṅ hekoheko; dšo foi ke̱-ya goṅ le̱ ne̱, koni akalōo aſie! Mat. 24,16.

Lalai 119:63

Mei ni šeo̱o gbeyei le̱ fẽ ke̱ mei ní yeo̱ okpo̱i le̱ ano̱ le̱ ananyo dšimi.

Lalai 16:3

Ni mikē̱ hetšelo̱i ní yo̱ šikpoṅ le̱ no̱ le̱ ake̱: Ame̱dši anumnyam gbomei, ni miyo amehe tšui.

Abe̱i 27:10

Kākwa bodientše̱ onanyo ke̱ otše̱ nanyo, ni ofĩmo̱ gbĩ no̱ le̱ *kāya onyemi we; ohegbomo ní be̱ṅke̱o le̱ ehĩ āhũ fè onyemi ní yo̱ šoṅṅ. *14,20.

Ezekiel 47:18

Ni bokãgbe̱ hũsũ le̱ adše̱ Hauran ke̱ Damasko teṅ ke̱ Gilead ke̱ Israel šikpoṅ le̱ teṅ ye̱ Iordan fā le̱ he, ni nyesusu ke̱-dše̱ nakai hũsũ le̱ ne̱ ke̱-yaši bokãgbe̱ ṅšo̱ le̱ nā; ni ene̱ dši bokãgbe̱ hũsũ le̱.

Hebribii 10:25

ni wo̱kakwa wo̱he nābuamo̱, take̱ bo̱ni meikomei fo̱ö̱ femo̱ le̱, ši moṅ *wo̱-wowō wo̱he ṅā, ni titri le̱ ake̱-ní †nyenaä ake̱ gbĩ le̱ mībe̱ṅke̱ ne̱. *3,13. †10,37.

1 Petro 2:17

*Nyewoa mei fẽ; nyesumo̱a nyenyemimei; †nyešea Nyoṅmo̱ gbeyei; nyewoa maṅtše̱. *Rom. 12,10. †Abe̱i 24,21. Mat. 22.21.