1 Kronika 28:20 - Ṅmãle̱ Kroṅkroṅ Le̱

²⁰ Ni David kē̱ ebi Salomo ake̱: *Wadšemo̱ ohe ni ofe eka; kāše gbeyei ni otšui akafã! edšake̱ Iehowa Nyoṅmo̱, ni dši mi-Nyoṅmo̱ le̱, ke̱o ye̱; ekwaṅo ni esā ešĩṅo ke̱-yaši beyino̱ ní oogbe Iehowa we le̱ súomo̱ le̱ he nitšumo̱ le̱ fẽ nā. *22,13. 5 Mose 31,5.

ŊMALƐ KRƆŊKRƆŊ LƐ

²⁰ Kɛkɛ ni Maŋtsɛ David kɛɛ ebi Solomon akɛ, “Wajemɔ ohe ni ofee ekãa; kaashe gbeyei, ni otsui akafã hu. Ejaakɛ Yehowa Nyɔŋmɔ, ni ji mi, miNyɔŋmɔ lɛ, yɛ osɛɛ; ekwaŋ bo lɛ, eshiŋ bo hu kɛyaashi beyinɔ ni ooogbe Yehowa We lɛ mãa he nitsumɔi lɛ fɛɛ anaa.

1 Kronika 28:20 ပူးပေါင်းရင်းမြစ်များ

1 Maŋtsɛmɛi 6:38

Ni afi noni dši nyoṅma ke̱ ekome le̱ mli, ye̱ Bul nyõṅ ni dši nyõṅ ni dši kpānyo̱ le̱ no̱, agbe šĩa le̱ ke̱ ehewo̱ nibii ſẽ ke̱ bo̱ni amãle̱ ahã le̱ fẽ nā; ni afii kpawo eke̱-mã.

1 Kronika 22:13

Ke̱dši odſẽṅ no̱ ni oye akpo̱i ke̱ mlai ni Iehowa wo Mose ye̱ Israel hewo̱ le̱ ano̱ le̱, no le̱ ooſere; ohe awa ni ofe ekã; kāše gbeyei ni otšui akafã hũ! 1 Maṅ. 2,2. 3

1 Kronika 28:10

Kwe̱mo̱ ohe ní ahĩ! Edšake̱ Iehowa ehalao, ní omã šĩa ni ake̱-fe hekroṅkroṅ; wadšemo̱ ohe ni ofe!

2 Kronika 19:11

Ni na, oso̱fonukpa Amaria le̱ dši nyeno̱ onukpa ye̱ Iehowa sane-fẽ-sane gbe̱fãṅ, ke̱ Išmael bi Zebadia ni dši Iuda we le̱ lumo̱ le̱ hũ, ye̱ maṅtše̱ le̱ sane-fẽ-sane gbe̱fãṅ, ni Levibii le̱ hũ afe no̱kwe̱lo̱i ahãnye. Nyewadšea nyehe ni nyefea, ni Iehowa ke̱ ekpakpafelo̱ aahĩ ši!

Ezra 10:4

Te ši, edšake̱ bo osane ni, ni wo̱ hũ wo̱fĩ ose̱; ná nŭtšui ni ofe!

Yesaia 41:10

Kāše gbeyei, ši mi, mike̱o yo̱! Kākwe̱kwē̱ ohe, ši midsi o-Nyoṅmo̱ le̱! Mawadšeo, ni maye mabuao; ni mahĩe omli ke̱ midšale̱ ninedšŭrõ le̱. 43,1.

Yesaia 41:13

Edšake̱ mi, Iehowa, o-Nyoṅmo̱ le̱, mihĩe oninedšŭrõ mli, ni mīkē̱o ake̱: Kāše gbeyei! maye mabuao!

Hagai 1:13

Ke̱ke̱ ni Hagai, Iehowa *bo̱fo le̱, kē̱ maṅ le̱ ye̱ tšũmo̱ ni Iehowa tšũle̱ le̱ nā ake̱: Mike̱nye ye̱! Iehowa kē̱. *Mal. 2,7.

Hagai 2:4

Ši kẽle̱ agbe̱ne̱, wadšemo̱ ohe ko, Zerubabel! Iehowa kē̱, ni wadšemo̱ ohe, Iošua, Iehozadak bi, ni odši oso̱fonukpa! ni wadšemo̱ ohe, bo šikpoṅ le̱ no̱ maṅ le̱ fẽ! — Iehowa kē̱, ni nyetšua nii; edšake̱ mike̱nye ye̱, Iehowa Zebaot kē̱.

Romabii 8:31

Bĕle̱ té wo̱o̱kē̱ tēṅ ye̱ nii ne̱ ahewo̱ṅ? Ké̱ Nyoṅmo̱ ye̱ wo̱se̱ le̱, namo aate ši awowo̱? Lal. 118,6.

1 Korintobii 16:13

Nyebua, nyedamo̱a ši šiṅṅ ye̱ hemo̱-ke̱-yeli le̱ mli, nyefea hĩĩ, ni *nyehe awaä! *Ef. 6,10.

5 Mose 31:6

Nyehe awaä ni nyefea ekã, nyekašea gbeyei ni nyetšui akafãa ame̱no̱; edšake̱ Iehowa, o-Nyoṅmo le̱, dši moni ke̱o nyie, esĩno ni esa ekwaṅo!

5 Mose 4:31

Edšake̱ Mawu ní mũsũṅ tšõo̱le̱ dši Iehowa, o-Nyoṅmo̱ le̱; ekwaṅo ni asaṅ ekpãtãṅ ohĩe, ni ehĩe kpaṅ otše̱mei le̱ akpãṅmo̱ ní ekã no̱ kitã ehãame̱ le̱ no̱.

Hebribii 13:5

Šikasuomo̱ akaba nyedšeṅba mli, ni *nyemī aše̱a nii ní nyeyo̱ le̱ he; edšake̱ le̱dientše̱ †ekē̱: “Mišĩṅo ni misā mikwaṅo gbĩkogbĩko.” *1 Tim. 6,6. †Ios. 1,5.