1 Kronika 22:13 - Ṅmãle̱ Kroṅkroṅ Le̱

¹³ Ke̱dši odſẽṅ no̱ ni oye akpo̱i ke̱ mlai ni Iehowa wo Mose ye̱ Israel hewo̱ le̱ ano̱ le̱, no le̱ ooſere; ohe awa ni ofe ekã; kāše gbeyei ni otšui akafã hũ! 1 Maṅ. 2,2. 3

ŊMALƐ KRƆŊKRƆŊ LƐ

¹³ Kɛji ojwɛŋ nɔ ni oye akpɔi kɛ mlai ni Yehowa tsɔ̃ Mose nɔ ewo Israel lɛ anɔ lɛ, no lɛ oooshwere. Ohe awa, ni ofee ekãa. Okashe gbeyei, ni otsui akafã hu.

1 Kronika 22:13 ပူးပေါင်းရင်းမြစ်များ

1 Maŋtsɛmɛi 2:2

Mi le̱ miya dšeṅdšeṅ fẽ gbe̱ le̱: nohewo̱ le̱ ohe awa, ni ofe onii ake̱ nū;

1 Maŋtsɛmɛi 2:3

ni oye Iehowa, o-Nyoṅmo̱ le̱, gbe̱nānii le̱ ano̱, ní onyie egbē̱i le̱ ano̱, ni oye ekpo̱i le̱ ke̱ ekitãi le̱ ke̱ emlai le̱ ke̱ edasei le̱ ano̱, take̱ bo̱ni *aṅmã ye̱ Mose mla le̱ mli le̱, koni nofẽno ni ofeo̱ ke̱ hefẽhe ní oyaã le̱ oſere; *5 Mose 17,14-20; Ios. 1,7. 23,6.

1 Kronika 28:10

Kwe̱mo̱ ohe ní ahĩ! Edšake̱ Iehowa ehalao, ní omã šĩa ni ake̱-fe hekroṅkroṅ; wadšemo̱ ohe ni ofe!

1 Kronika 28:20

Ni David kē̱ ebi Salomo ake̱: *Wadšemo̱ ohe ni ofe eka; kāše gbeyei ni otšui akafã! edšake̱ Iehowa Nyoṅmo̱, ni dši mi-Nyoṅmo̱ le̱, ke̱o ye̱; ekwaṅo ni esā ešĩṅo ke̱-yaši beyino̱ ní oogbe Iehowa we le̱ súomo̱ le̱ he nitšumo̱ le̱ fẽ nā. *22,13. 5 Mose 31,5.

1 Kronika 28:7

Ni mahã emaṅtše̱yeli le̱ ama ši šiṅṅ ke̱-ya nāno̱, ke̱dši ekã he eye mikitãi ke̱ mimlai ano̱ tamo̱ bo̱ni yo̱ ṅme̱ne̱ gbĩ ne̱ le̱.

2 Kronika 14:6

[7.] Nohewo le̱ ekē̱ Iuda ake̱: Nyehãa wo̱toa ne̱ke̱ mãdši ne̱, ni wo̱tſa gbogboi wo̱wo he ke̱ mõdši ke̱ agbói ke̱ ame̱se̱ adabãṅi; šikpoṅ le̱ kã ši hãwo̱, edšake̱ wo̱tao Iehowa, wo̱-Nyoṅmo̱ le̱, se̱gbe̱; wo̱taole̱, ni ehã wo̱he edšo̱wo̱ ye̱ hefẽhe ke̱-kpe. Ni ame̱totoi ni ame̱-te no̱ dšogbāṅ.

2 Kronika 20:20

Ke̱ke̱ ni ame̱te ši lebi mãṅkpa ni ame̱fã ke̱-te Tekoa ṅã le̱ no̱; ni beni ame̱fã le̱, Iehošafat wa damo̱ ši ni ekē̱: Nyeboami toi, Iuda ke̱ Ierusalembii! *Nyehea Iehowa, nye-Nyoṅmo̱ le̱, nyeyea, ni nyeanyẽ ši nyedamo̱; ni nyehea egbalo̱i le̱ nyeyea, ni nyeaye omanye! *Ies. 28,14.

2 Kronika 26:5

Ni gbĩĩabo̱ ní Zakaria ní tšõo̱le̱ Nyoṅmo̱ ninãi le̱ amli le̱ yo̱ le̱, edio̱ Nyoṅmo̱ se̱; ni gbĩĩabo̱ ni edio̱ Iehowa se̱ le̱, Nyoṅmo̱ hãa eſereo̱.

2 Kronika 32:7

Nyewadšea nyehe ni nyefea ekā! Nyekašea gbeyei ni nyetšui akafãa ye̱ Ašur maṅtše̱ le̱ ke̱ asafo babaō ní ke̱le̱ nyie le̱ hewo̱! Ši moni ke̱wo̱ yo̱ le̱ *da fè moni ke̱le̱ yo̱ le̱: *2 Maṅ. 6,16.

Lalai 1:3

*Etamo̱ tšo ni ate̱o ye̱ fāi atoi, ní woo̱ eyibii ye̱ ebe le̱ mli, ní eyibāi kpōṅ; ni nofẽno ní efeo̱ le ſereo̱. *Lal. 92,13-15. Ier. 17,8.

Lalai 119:6

Ké̱ mihĩe kã okitãi le̱ fẽ he le̱, mihĩe gboṅ.

Lalai 72:1

Salomo lala. Nyoṅmo̱, oke̱ okodšomo̱i le̱ ahã maṅtše̱ le̱, ni oke̱ odšale̱ le̱ ahã maṅtše̱ bi le̱.

Hagai 2:4

Ši kẽle̱ agbe̱ne̱, wadšemo̱ ohe ko, Zerubabel! Iehowa kē̱, ni wadšemo̱ ohe, Iošua, Iehozadak bi, ni odši oso̱fonukpa! ni wadšemo̱ ohe, bo šikpoṅ le̱ no̱ maṅ le̱ fẽ! — Iehowa kē̱, ni nyetšua nii; edšake̱ mike̱nye ye̱, Iehowa Zebaot kē̱.

Zakaria 8:9

Bo̱ni Iehowa Zebaot kē̱ ne̱: *Nyewadšea nynidšiaṅ, nye mei ni ne̱ke̱ gbĩī ne̱ amli ní nyenuo̱ ne̱ke̱ wiemo̱i ne̱ ye̱ gbalo̱i, ní yo̱ gbĩ ní ato Iehowa Zebaot we ke̱ ní dši so̱lemo̱we ke̱ šiši, koni amã le̱, anā ke̱! *Ies. 35,3.

Mateo 3:15

Ši Iesu here no̱ ekē̱le̱ ake̱: Kplẽmo̱ ke̱ke̱, ši ne̱ke̱ sa ake̱ wo̱gbeo̱ dšale̱ fẽ nā. Ke̱ke̱ ni ekplẽle̱.

Bɔfoi 13:22

Ni beni efãle̱ le̱, ewó David no̱ ni ewole̱ ame̱no̱ maṅtše̱, mo he ni eye odase ni ekē̱: “Mina David, Išai bi le̱, nū ní miyo̱ ehe tšui, moni aafe misuomo̱nānii le̱ fẽ.” 1 Sam. 16,12. 18; 13,14.

1 Korintobii 16:13

Nyebua, nyedamo̱a ši šiṅṅ ye̱ hemo̱-ke̱-yeli le̱ mli, nyefea hĩĩ, ni *nyehe awaä! *Ef. 6,10.

Galatabii 6:2

Nyedšatšui le̱ nyekpẽkpẽa nyehe nyetĕrea, ni nakai nyeaye Kristo mla le̱ no̱.

Efesobii 6:10

Noni eſe̱ le̱, minyemimei, nye-he awaä ye̱ Nuṅtšo̱ le̱ ke̱ ehewale̱ nyẽmo̱ le̱ mli. 1 Kor. 16,13. 1 Ioh. 2,14.

2 Timoteo 2:1

Agbe̱ne̱ bo le̱, mibi, ohe awa ye̱ dromo̱ ni ye̱ Kristo Iesu mli le̱ mli;

Yakobo 2:8

Nohewo̱ le̱ ke̱dši nyeye kitã ni dši mla le̱ mli otu ni *kē̱o̱ ake̱: “Suomo̱ onanyo take̱ bo̱ni osumoo̱ bodientše̱ ohe le̱” no̱ ye̱ ṅmãle̱ le̱ nā le̱, no le̱ nyemīfe dšogbāṅ. *3 Mose 19,18

Yoshua 1:18

*Mofẽmo ni aatše owiemo̱ hĩe atũa ní eboṅ ogbē toi ye̱ nofẽno ni oowowo̱ he kitã mli le̱, aagbele̱; *wadšemo̱ ohe ni ofe ekã dšogbāṅ ke̱ke̱! *K. 3.