1 Kronika 21:26 - Ṅmãle̱ Kroṅkroṅ Le̱

²⁶ Ni David mã afo̱lešãlate̱ le̱ ye̱ dše̱i ehã Iehowa, ni ešã šã-afo̱lei ke̱ šidā-afo̱lei; ni beni etšé̱ Iehowa le̱, eke̱ *la dše̱ ṅwei herele̱ no̱ ye̱ šã-afo̱lelate̱ le̱ no̱. *1 Maṅ. 18,24.

ŊMALƐ KRƆŊKRƆŊ LƐ

²⁶ Kɛkɛ ni David ma afɔleshãa latɛ yɛ ŋmãagbeemɔhe lɛ. Be ni ekɛ shãa afɔlei kɛ shidaa afɔlei eba sɛɛ lɛ, esɔle etsɛ Yehowa, ni Yehowa here David nɔ, ni ehã la jɛ ŋwɛi ba, ni ebasɔo afɔlei lɛ anaa la yɛ afɔleshãa latɛ lɛ nɔ.

1 Kronika 21:26 ပူးပေါင်းရင်းမြစ်များ

1 Maŋtsɛmɛi 18:24

ni nyetšé̱a nyenyoṅmo̱ le̱ gbe̱i, ni mi hũ matšé̱ Iehowa gbe̱i: ni aba mli ake̱ Nyoṅmo̱ moni ke̱ la aahere no̱ le̱, le̱ dši Nyoṅmo̱! Ni maṅ le̱ fẽ here no̱ ame̱kē̱: Edša nakai!

1 Maŋtsɛmɛi 18:38

Ke̱ke̱ ni Iehowa *la le̱ bayi ši, ni ebašã šã-afo̱le le̱ ke̱ lai le̱ ke̱ te̱i le̱ ke̱ sũ le̱, ni nu le̱ ni yo̱ bu le̱ mli le̱ tete ele̱mo̱. *3 Mose 9,24.

1 Kronika 21:27

Ke̱ke̱ ni Iehowa fá bo̱fo le̱, ni eṅõ eklante le̱ ewo ehebo le̱ mli.

2 Kronika 3:1

Ke̱ke̱ ni Salomo bõi Iehowa šia le̱ mā̃ ye̱ Ierusalem ye̱ *Moria goṅ le̱ ni atšõ etše̱ David le̱ no̱, heni David esā eto †ye̱ Ornan, Iebusnyo le̱, ṅmā̃gbēmo̱he le̱. *1 Mose 22,2. †1 Kron. 21,18-26.

2 Kronika 7:1

Ni beni Salomo gbe so̱lemo̱ le̱ nā le̱, *la dše̱ ṅwei ba ni ebašã šã-afo̱le le̱ ke̱ afo̱lei krokomei le̱, ní †Iehowa anumnyam le̱ yi šĩa le̱ obõ. *3 Mose 9,24. 1 Maṅ. 18,38. †2 Mose 40,34.

Lalai 51:15

No le̱ matšõ no̱tõlo̱i ogbè̱i le̱, ni ešafelo̱i aakũ ame̱se̱ ke̱-aba oṅõ.

Lalai 91:15

Eetšé̱mi, ni maherele̱ no̱; mike̱le̱ aahĩ ši ye̱ haomo̱ mli: madšiele̱ ni mawo ehĩe nyam.

Lalai 99:9

Nyekafoa Iehowa, wo̱-Nyoṅmo̱ le̱, ni nyedšáa ye̱ egoṅ kroṅkroṅ le̱ he; edšake̱ kroṅkroṅ dši Iehowa, wo̱-Nyoṅmo̱ le̱!

Abe̱i 15:8

Meifõdši afo̱le le̱, Iehowa mīhĩ; ši dšaloi aso̱lemo̱ le̱, enáa he mīše̱. K. 29. Y. 21,27; 28,9. 1 Mose 4,4. 6. Ies. 1,11. 16. Luk. 18,9-11.

Yesaia 65:24

Ni aaba mli ake̱, dãni ame̱atšé̱mi le̱, mihere no̱; ni beni ame̱wieo̱ lolo le̱, mabo toi! 30,19; 58,9.

Yeremia 33:3

Blo̱mo̱ otšé̱mi, ní mahereo no̱, ni madšadše nibii wudši matšõo ke̱ nii ni aṅõ-tē ní olee!

3 Mose 9:24

ni *la dše̱ Iehowa hĩe ni ešã afo̱lešãlate̱ le̱ no̱ šā̃-afo̱le le̱ ke̱ fo̱i le̱. Ni maṅ mū le̱ fẽ na, ni ame̱blo̱ ke̱ mīše̱, ni ame̱ke̱ ame̱hĩeaṅ bumo̱ ši. *2 Kron. 7,1.

Kojolɔi 13:20

Ni eba mli ake̱, beni lalĩle̱i le̱ te ši ke̱-dše̱ afo̱lešãlate̱ le̱ no̱ ke̱-yaã ṅwei le̱, Iehowa bo̱fo le̱ tšṍ afo̱lešãlate̱ le̱ no̱ lalile̱i le̱ mli ekwo̱ ke̱-te ṅwei, ni beni Manoa ke̱ eṅã le̱ na le̱, ame̱ke̱ ame̱hĩe bumo̱ ši ye̱ šikpoṅ.

Kojolɔi 6:21

Ke̱ke̱ ni Iehowa bo̱fo le̱ kpã edẽhĩemo̱tšo ní ehĩe le̱ mli ni eke̱-sa lō le̱ ke̱ akpĩtĩ le̱ he; ni *la dše̱ te̱sā le̱ mli ni ebaye lō le̱ ke̱ akpĩtĩ le̱. Ni Iehowa bo̱fo le̱ lãdše ye̱ ehĩe. *3 Mose 9,24.