1 Kronika 20:1 - Ṅmãle̱ Kroṅkroṅ Le̱

¹ Ni eba mli ake̱ no se̱ afi, ye̱ be mli beni maṅtše̱mei fãa ta le̱, Ioab ṅõ ta mũ le̱ fẽ ni eyakpãtã Amonbii le̱ ašikpoṅ le̱ hĩe, ni ebo̱ nsra ewo Raba he. Ši David le̱ ehĩ ši ye̱ Ierusalem. Ni Ioab tſia Raba nii ni ebutule̱.

ŊMALƐ KRƆŊKRƆŊ LƐ

¹ Sane nɛɛ sɛɛ afi, be mli ni maŋtsɛmɛi fãa ta lɛ, Yoab ŋɔ Israel ta lɛ ni efã ta ewo Amonbii lɛ, ni ekpãtã amɛshikpɔŋ lɛ hiɛ. Shi Maŋtsɛ David hi shi yɛ sɛɛ yɛ Yerusalɛm. Yoab yagba ta kɛbɔle Raba maŋ lɛ, kɛkɛ ni etua maŋ lɛ, ni eye maŋ lɛ nɔ kunim.

1 Kronika 20:1 ပူးပေါင်းရင်းမြစ်များ

2 Samuel 11:1

Ni eba mli ake̱ no se̱ afi, ye̱ be mli ni maṅtše̱mei fã ta le̱, David tšũ Ioab ke̱ etšũdši le̱ ke̱ Israel mū le̱ fẽ ni ame̱-yakpãtã Amonbii le̱ ahĩe, ni ame̱bo̱ nsra ame̱wo Raba he. Ši David le̱ ehĩ ši ye̱ Ierusalem. 1 Kron. 20,1.

2 Samuel 17:27

Ni eba mli ake̱, beni David še̱ Mahanaim le̱, Šobi ní dši Nahaš ní dše̱ Amonbii amaṅ Raba le̱ bi le̱, ke̱ *Makir, Amiel ni dše̱ Lo-Debar le̱ bi le̱, ke̱ †Barzilai, Gileadnyo ni dše̱ Rogelim le̱, *9,4. †1 Maṅ. 2,7.

1 Maŋtsɛmɛi 20:22

Ni *gbalo̱ le̱ ba Israel maṅtše̱ le̱ ṅõ ni ebakē̱le̱ ake̱: Ya ni oyasā ohe oto, ni odſẽṅ he ni okwe̱ noni oofe; edšake̱ wō̱se̱ afi bene̱ mli le̱ Aram maṅtše̱ le̱ bafã abatuao. *K. 13.

1 Maŋtsɛmɛi 20:26

Ni eba mli-ake̱, beni šé̱ afi nākplo̱ le̱, Ben-Hadad bua Arambii le̱ anā, ni efã ke̱-ba Afek, koni eke̱ Israel abawu.

2 Maŋtsɛmɛi 13:20

Ni beni Eliša gbo ni ame̱fũle̱ le̱, ke̱ke̱ ni Moab odšoyeli tai le̱ batua šikpoṅ le̱ ye̱ nakai afi le̱ mli.

1 Kronika 19:19

Ni heni Hadarezer tšũdši le̱ na ake̱ Israel eye ame̱no̱ le̱, ame̱ke̱ David bakpãtã ni ame̱súmo̱le̱. Ni Arambii le̱ sumo̱o̱ ake̱ ame̱ye ame̱bua Amonbii le̱ doṅṅ.

Yesaia 54:16

Na, mi mibo̱ sõlo̱ ni hūo̱ ṅãi-ke̱-la, ni esõo̱ tawūnii ye̱ enitšumo̱ le̱ mli le̱; ni mi noṅṅ mibo̱ fitelo̱ hũ, koni ekpãtã hĩe.

Yesaia 6:11

Ni mikē̱: Nuṅtšo̱, ke̱-yaši mẽ beyino? Ni ekē̱: Ke̱-yaši beyino ní mãdši le̱ aatšṍmo̱ amaṅfõ, ní mokomoko be̱ mli, ni šĩai le̱ hũ mokomoko be̱ mli, ni šikpoṅ le̱ aatšṍ amaṅfõ kwrā,

Ezekiel 21:20

[15.] Beni afe ní ame̱tšui afã ni mei ní enyōnyõi le̱ afá pī hewo̱ le̱ mitšõ klante le̱ nā mihã ame̱gbói le̱ fẽ. Ao, ahã ekpe̱ tamo̱ srawa, adšo̱ nā ahã mogbē!

Ezekiel 25:5

Ni maṅõ Raba mafe yomai atšũ, ni maṅõ Amonbíi le̱ mafe heni tōikui bumoo̱ ši ye̱; ni nyeaná nyele ake̱ midsi Iehowa le̱.

Amos 1:14

Ši maše̱re la mawo Raba gbogbo le̱ he, ni eešã emli mõdši fe̱fe̱dši le̱, ke̱ ošebō̱ ye̱ ta gbĩ le̱ no̱, ke̱ ahum ye̱ lasũogbĕle gbĩ le̱ no̱.

5 Mose 3:11

(Edšake̱ Bašan maṅtše̱ Og le̱ pe̱ dši oblãṅi le̱ ní ſe̱ le̱ ateṅ moni eſe̱; na, esātšo ní dši dadesātšo le̱, ani dšee Amonbii le̱ a-Rabat le̱ eyo̱? ni eke̱le̱ hĩe ninetalo̱i ne̱hũ ke̱ elē̱mo̱ hũ ninetalo̱i edſe̱ ye̱ gbomo ninetalo̱ nā.)