1 Kronika 15:12 - Ṅmãle̱ Kroṅkroṅ Le̱

¹² ni ekē̱ame̱ ake̱: Nye ni nyedši tše̱mei awei le̱ ano̱ onukpai ye̱ Levibii le̱ ateṅ le̱, nyeke̱ nyenyemimei le̱ afea nyehe kroṅkroṅ, ní nyeyawó Iehowa, Israel Nyoṅmo̱ le̱, adeka le̱ ke̱-ba heni misā mitole̱ le̱.

ŊMALƐ KRƆŊKRƆŊ LƐ

¹² ni ekɛɛ amɛ akɛ, “Nyɛ nyɛ ji Levibii lɛ atsɛmɛi lɛ ashĩai lɛ amli onukpai, no hewɔ lɛ, nyɛ kɛ nyɛnyɛmimɛi Levibii lɛ fɛɛ, nyɛtsuua nyɛhe nyɛfea nyɛhe krɔŋkrɔŋ koni nyɛyawo Yehowa, Israel Nyɔŋmɔ lɛ, Kpãŋmɔ Adeka lɛ kɛba he ni misaa mito lɛ lɛ.

1 Kronika 15:12 ပူးပေါင်းရင်းမြစ်များ

1 Kronika 15:1

Ni David mămo̱ tšũi ehã ehe ye̱ David mã le̱ṅ, ni esā he ko ehã Nyoṅmo̱ adeka le̱, ni eši bū ehãle̱.

1 Kronika 15:14

Ke̱ke̱ ni oso̱foi le̱ ke̱ Levibii le̱ fe ame̱be kroṅkroṅ, koni ame̱yawó Iehowa, Israel Nyoṅmo̱ le̱, adeka le̱.

1 Kronika 15:3

Ke̱ke̱ ni David baa Israel mū le̱ fẽ nā ke̱-ba Ierusalem, koni ayawó Iehowa adeka le̱ ke̱-ba egbe̱he ní esă etole̱ le̱.

1 Kronika 16:1

Ni ame̱ke̱ Nyoṅmo̱ adeka le̱ ba ni ame̱ke̱-bamă bū le̱ ni David eši ehãle̱ le̱ teṅ, ni ame̱šã šã-afo̱lei ke̱ šidā-afo̱lei ye̱ Nyoṅmo̱ hĩe.

1 Kronika 24:31

Ni mene̱mei hũ fõ ošiki tamo̱ ame̱nyemimei, Aaron bihĩĩ le̱, noṅṅ, ye̱ maṅ-tše̱ David ke̱ Zadok ke̱ Ahimelek ke̱ oso̱foi ke̱ Levibii le̱ atše̱mei awei le̱ ano̱ onukpai le̱ ahĩe, tše̱mei le̱ ateṅ *onukpa tamo̱ enyemi gbekẽ noṅṅ. *26,8.

1 Kronika 9:34

Mene̱mei dši Levibii le̱ atše̱mei awei le̱ ano̱ onukpai ye̱ ame̱fo̱mo̱i le̱ anā. Mene̱mei hĩ Ierusalem.

2 Kronika 1:2

Ni Salomo ke̱ Israel mū le̱ fẽ wie, mei akpekpei ke̱ mei ohahai ano̱ asafoiatše̱mei le̱ ke̱ kodšolo̱i le̱ ke̱ Israel fẽ no̱ lume̱i le̱ ni dši tše̱mei awei le̱ ano̱ onukpai le̱ fẽ,

2 Kronika 1:4

Ši Nyoṅmo̱ adeka le̱, David eyawó ke̱-dše̱ Kiriat-Iearim ke̱-ba heni David sā etole̱ le̱; edšake̱ eši bū ehãle̱ ye̱ Ierusalem. 1 Kron. 13,6; 15,3. 28; 16,1.

2 Kronika 30:15

Ke̱ke̱ ni ame̱gbe Hehō tōbi le̱ ye̱ *nyõṅ ní dši enyo̱ le̱ no̱ gbĩ ni dši gbĩ nyoṅma ke̱ edſe̱ le̱ no̱; oso̱foi le̱ ke̱ Levibii le̱ ahĩe gboi, ni ame̱fe ame̱he kroṅkroṅ, ni ame̱ke̱ šā̃-afo̱lei ba Iehowa we le̱. *4 Mose 9,11.

2 Kronika 35:6

ni nyegbea Hehō tōbi le̱, ni nyefea nyehe kroṅkroṅ, ni nyesāa nyehãa nyenyemimei le̱, ni nyefe take̱ bo̱ni Iehowa tšṍ Mose no̱ ewie le̱.

2 Kronika 5:11

Ni eba mli ake̱, beni oso̱foi le̱ dše kpo ke̱-dše̱ hekroṅkroṅ le̱, (edšake̱ oso̱foi fẽ ni yo̱ dše̱i le̱ efe amehe kroṅkroṅ, ame̱fee ye̱ asafokui le̱ anā ke̱ke̱,

2 Kronika 5:2

Ke̱ke̱ ni Salomo bua Israel onukpai le̱ ke̱ akutšei le̱ atše̱mei le̱ ke̱ Israelbii le̱ atše̱mei awei le̱ ano̱ lume̱i le̱ anā ke̱-bakpe ye̱ Ierusalem, koni ayaṅõ Iehowa kpãṅmo̱ adeka le̱ ke̱-dše̱ David maṅ ni dši Zion le̱ mli ke̱-ba.

Nehemia 13:22

Ke̱ke̱ ni mifá Levibii le̱ ake̱ ame̱tšũ ame̱he, ni ame̱ba ame̱babu agbói le̱ anã, ni aye hedšō̱mo̱gbĩ le̱ kroṅkroṅ. Mi-Nyoṅmo̱, *kaimo̱mi ye̱ ene̱ hũ hewo̱ ni obā miyi ye̱ omo̱bo̱nale̱ fále̱ le̱ nā! *K. 14.

Yesaia 52:11

Nyetšia nyehe, nyetšia nyehe! nyedšea kpo ke̱-dše̱a dše̱i! Nyekataä noko ní he tšee he! Nyedšea kpo ke̱-dše̱a emli! Nye mei ní nyetĕreo̱ Iehowa nibii le̱, nyetšūa nyehe! 48,20. 2 Kor. 6,17.

Ezekiel 48:11

Oso̱foi ní afeame̱ kroṅkroṅ ní dše̱ Zadok bihĩĩ le̱ ateṅ, ní *ame̱tšuo̱ minitšumo̱ le̱, ní beni Israelbii le̱ dũ gbe̱ ní ame̱ le̱ ame̱dũũ gbe̱ tamo̱ bo̱ni Levibii le̱ dũ gbe̱ le̱, ame̱nõ ni. *44,15.

Yohane 17:17

Femo̱ame̱ kroṅkroṅ ye̱ ono̱kwale le̱ mli; owiemo̱ le̱ ano̱kwaleṅ. 6,63.