1 Korintobii 8:12 - Ṅmãle̱ Kroṅkroṅ Le̱

¹² Ši ke̱dši nyefeo̱ nyemimei le̱ eša ne̱ke̱ ni nyeke̱-pilaä ame̱henilẽ ní waa le̱, no le̱ Kristo nyefeo̱ eša nyešio̱.

ŊMALƐ KRƆŊKRƆŊ LƐ

¹² Shi kɛji nyɛfee nyɛmimɛi lɛ esha nɛkɛ ni nyɛkɛpila amɛhenilee ni waaa lɛ, no lɛ Kristo nyɛfeɔ esha nyɛshiɔ lɛ.

1 Korintobii 8:12 ပူးပေါင်းရင်းမြစ်များ

1 Mose 20:9

Ke̱ke̱ ni Abimelek tšé̱ Abraham, ni eké̱le̱ ake̱: Meni ofewo̱ ne̱? Ni meni eša mifeo, ni oke̱ eša kpeteṅkple ebami ke̱ mimaṅtše̱yeli le̱ no̱ ne̱? Noni afee ofemi ne̱!

1 Mose 42:22

Ni Ruben hereame̱ no̱ ake̱: Ani mikē̱ē̱nye ake̱: Nyekafea gbekẽ le̱ eša ko, ni nyeboo toi? Agbe̱ne̱ na, elá ši abio ne̱! 37,21. 22.

2 Mose 16:8

Ni Mose sā kē̱ ake̱: Gbe̱ke̱ le̱ Iehowa hahãnye lō ní nyeye, ni lebi le̱ ebahãnye abolo ní nyeye nyetŏ̱ro̱, edšake̱ Iehowa enu nyehũhū̃hũwiemo̱i le̱ ní nyewieo̱ nyešio̱le̱ le̱; we̱ le̱, namei dšiwo̱? Dšeewo̱ nyewie hũhū̃hũ nyeši le̱, ši Iehowa ni.

2 Mose 32:21

Ni Mose kē̱ Aaron ake̱: Meni po maṅ ne̱ feo, ni oke̱ eša kpeteṅkple ní tamo̱ ne̱ke̱ eba ame̱no̱ ne̱?

Mateo 18:10

Nyekwe̱a dšogbāṅ koni nyekagbe meibibii ne̱ ateṅ mokome he guo̱; edšake̱ mīkē̱nye ake̱, *ame̱bo̱foi ní yo̱ ṅwei le̱ kwe̱o̱ mitše̱ ní yo̱ ṅwei le̱ hĩe dā. *Heb. 1,14.

Mateo 18:21

Ke̱ke̱ ni Petro ba eṅõ ni ebakē̱: Nuṅtšo̱, šii enyie minyemi atõ mino̱ ní miṅõ-fale̱? ke̱-yaši šii kpawo lo?

Mateo 18:6

Ši moni tõtõo̱ bibii ne̱ ateṅ mokome ní heo̱ mino̱ yeo̱ le̱ nane le̱, fãṅ noni ake̱ tedši-w̌ie̱ ṅmõ ekue̱ ni aṅõle̱ awo ṅšo̱ṅ. Luk. 17,1. 2.

Mateo 25:40

Ni maṅtše̱ le̱ aahere no̱ ekē̱ame̱ ake: Le̱le̱ṅ, mīkē̱nye ake̱: Gbĩĩabo̱ kẽ ní nyefe nyehã minyemimei ne̱ ateṅ bibiō kome le̱, mi noṅṅ nyefe nyehã le̱. Abe̱i 19,17. Heb. 2,11.

Mateo 25:45

Ke̱ke̱ le̱ eehereame̱ no̱ eekē̱ ake̱: Le̱le̱ṅ, mīkē̱nye ake̱: Gbĩĩabo̱ kẽ ní nyefee nyehãã mei bibii kwrā ne̱ ateṅ mokome le̱, nyefee nyehããmi hũ!

Marko 9:42

Ni moni aatõtõ mei bibii ne̱ ní heo̱ mino̱ yeo̱ le̱ ateṅ mokome nane le̱, fãṅ noni aṅõ w̌ie̱ aṅmõ ekue̱, ní ayašé̱le̱ afõ ṅšo̱ṅ.

Luka 17:2

Fãṅ noni ake̱ tedši-w̌ie̱ ṅmõ ekue̱ ni ayašé̱le̱ afõ ṅšo̱ṅ fè noni eetõtõ bibii ne̱ ateṅ mokome nane le̱. Mat. 18,6. 7.

Romabii 14:20

Kāfite Nyoṅmo̱ nitšumo̱ le̱ ye̱ niyenii ko hewo̱. *Nibii fẽ he tše moṅ ne̱, ši kẽle̱ edši efõṅ hã gbomo ní yeo̱ eke̱-too̱ pãmpi le̱. *K. 14.

1 Korintobii 12:12

Ši take̱ bo̱ni gbomotšo le̱ ekome ni, ši ehĩe henii pī, ni gbomotšo le̱ he-nii pī le̱ fẽ dši gbomotšo kome le̱: nakai noṅṅ kẽ dši Kristo. K. 27; 10,17.

1 Samuel 2:25

Ke̱dši moko fe enanyo gbomo eša le̱, Nyoṅmo̱ kodšoo̱le̱; ši ké̱ moko fe Iehowa eša le̱, namo po aakpa fai ahãle̱? Ši ame̱boo ame̱tše̱ gbē toi, edšake̱ Iehowa bagbeame̱.

1 Samuel 24:11

Na, ṅme̱ne̱ gbĩ ne̱ ona ke̱ ohĩṅme̱ii, bo̱ni Iehowa dšieo ewo mideṅ ṅme̱ne̱ ye̱ te̱kplo le̱ mli; ni meikomei kē̱mi ake̱ migbeo, ši kẽle̱ migbeeo, ni mikē̱: Mikpãṅ minine mli ye̱ minuṅtšo̱ no̱; edšake̱ moni Iehowa efo̱le̱ mũ dšile̱!