1 Korintobii 1:6 - Ṅmãle̱ Kroṅkroṅ Le̱

⁶ take̱ bo̱ noṅṅ ní amã Kristo he odase le̱ no̱ mĩ́ ye̱ nyemli,

ŊMALƐ KRƆŊKRƆŊ LƐ

⁶ Tamɔ bɔ ni ama Kristo he odase lɛ nɔ mi yɛ nyɛmli,

1 Korintobii 1:6 ပူးပေါင်းရင်းမြစ်များ

Marko 16:20

Ši ame̱ le̱ ame̱dše kpo ni ame̱yašie̱ ye̱ hefẽhe, ni Nuṅtšo̱ lo̱ ke̱ame̱ *mītšu nii ni ewo wiemo̱ le̱ hewale̱ ke̱ okadii ni nyie ee̱ le̱. *Heb. 2,4.

Bɔfoi 11:17

Agbe̱ne̱ ké̱ Nyoṅmo̱ ehãame̱ nakai nõkēnõ le̱ noṅṅ ní ehã wo̱ ní wo̱heo̱ Nuṅtšo̱ Iesu Kristo le̱ no̱ wo̱yeo̱ le̱ hũ le̱: mi le̱, namo dšimi ní manyẽ Nyoṅmo̱ nā matšĩ?

Bɔfoi 11:21

Ni Nuṅtšo̱ le̱ nine fata ame̱he, ni mei babaō hé ye, ni ame̱tšṍ ame̱he ke̱-ba Nuṅtšo̱ le̱ ṅõ. 2,17.

Bɔfoi 18:5

Ši beni *Sila ke̱ Timoteo dše̱ Makedonia ba le̱, wiemo̱ le̱ ta Paulo mli ni eye odase vevēve etšõ Iudafoi le̱ ake̱ Iesu dši Kristo le̱. *17,14. 15.

Bɔfoi 20:21

ní miye tšuitšakemo̱ ke̱ Nyoṅmo̱ hãmo̱ ke̱ wo̱-Nuṅtšo̱ Iesu Kristo no̱ hemo̱-ke̱-yeli le̱ he odase mitšõ Iudafoi ke̱ Helabii fè le̱.

Bɔfoi 20:24

Ši kẽle̱ mibuu ene̱mei ekomeflo, ni miwala hũ mibuu ake̱ edšra wa ye̱ mihĩe, beni afe ní mike̱ mīše̱ agbe migbe̱nyiemo̱ le̱ ke̱ súomo̱ ní miná ye̱ Nuṅtšo̱ Iesu deṅ ake̱ miye Nyoṅmo̱ dromo̱ sanekpakpa le̱ he odase faṅṅ le̱ nā. 21,13.

Bɔfoi 22:18

ni minale̱ ní ēkē̱mi ake̱: Femo̱ kpa ní odše Ierusalem oyá mli, edšake̱ ame̱ boṅ mihe odase ní oyeo̱ le̱ toi.

Bɔfoi 23:11

Ši eno̱ nyōṅ le̱ Nuṅtšo̱ lo̱ badamo̱ emase̱i ni ekē̱: Paulo, *hã otšui anyõ omli, edšake̱ bo̱ni oye mihe odase ye̱ Ierusalem ne̱, dša oyaye odase nakai noṅṅ ye̱ †Roma hũ. *18,9. †19,21; 28,16. 28.

Bɔfoi 28:23

Ni beni ame̱tole̱ gbĩ le̱, ame̱teṅ mei pī ba eṅõ ye̱ etōhe le̱, ni edšadše Nyoṅmo̱ maṅtše̱yeli le̱ he sane etšõame̱, ni eye he odase faṅṅ, ni edše̱ Mose mla le̱ ke̱ gbalo̱i le̱ amli etao ní ame̱yĩṅ atšṍ ke̱-ba Iesu gbe̱făṅ ke̱-dše̱ lebi ke̱-baši gbe̱ke̱.

Romabii 15:19

ye̱ *okadii ke̱ nākpe̱nii ahewale̱ mli, ye̱ Nyoṅmo̱ Mumo̱ hewale̱ mli; bo̱ni fe ní midše̱ Ierusalem mibo̱le ši āhũ ke̱-yaši Ilirikum ni mišie̱ Kristo sanekpakpa le̱ migbe nā. *Mar. 16,17.

2 Korintobii 12:12

Bo̱fo he okadii le̱ móṅ le̱ afe ye̱ nyeteṅ ye̱ tšuišitō fẽ mli, ye̱ *okadii ke̱ nākpe̱nii ke̱ hewale̱-nitšumo̱i amli. *Rom. 15,12.

Galatabii 3:5

Bĕle̱ moni ke̱ Mumo̱ le̱ keo̱nye ni etšuo̱ hewale̱nii ye̱ nyemli le̱, mla ni-tšumo̱i amli efeo̱ ye̱ alo hemo̱-ke̱-yeli toibõ mli?

2 Tesalonikabii 1:10

beni *eeba ni aawo ehĩe nyam ye̱ emeikroṅkroṅi le̱ amli, ni aana enãkpe̱nii ye̱ eheyelilo̱i le̱ fẽ mli ye̱ nakai gbĩ le̱ no̱ le̱, edšake̱ ahé wo̱dase ni wo̱ye wo̱-tšõnye le̱ aye. *Kol. 3,4.

1 Timoteo 2:6

moni ṅõ ehe ehã ake̱ kpõmo̱nõ ehã mei fẽ, ní dši odase ní ayeo̱ ye̱ be ni sa mli le̱, Gal. 1,4; 2,20. Tit. 2,14.

2 Timoteo 1:8

Nohewo̱ le̱ *ohĩe akagbo ye̱ wo̱-Nuṅtšo̱ le̱ he odaseyeli le̱ he alo ye̱ mi ni midši egbokle̱fonyo le̱ he, ši moṅ oke̱ sanekpakpa le̱ ahĩe amanehũlũ mli ye̱ Nyoṅmo̱ hewale̱ nā; *Rom. 1,16.

Kpojiemɔ 1:2

moni ye *Nyoṅmo̱ wiemo̱ le̱ ke̱ Iesu Kristo odase le̱ he odase, ye̱ nibii fẽ ní ena le̱ hewo̱ le̱. *K. 9; 6,9.

Kpojiemɔ 1:9

Mi Iohane ní dši nyenyemi ke̱ nyenanyo ye̱ Iesu Kristo amanehũlũ le̱ ke̱ emaṅtše̱yeli le̱ ke̱ etsuišiṅmē̃ le̱ mli le̱, miye̱ ṅšo̱kpo̱ ní atšé̱o̱le̱ Patmo le̱ no̱ ye̱ Nyoṅmo̱ wiemo̱ le̱ ke̱ Iesu Kristo he odaseyeli le̱ hewo̱.

Kpojiemɔ 12:11

Ni ame̱ le̱, *tōbi le̱ lá le̱ ke̱ ame̱dientše̱ †ame̱daseyeli wiemo le̱ **ame̱ke̱-ye eno̱ kũnim, ni ame̱do̱o̱ ame̱dientše̱ ame̱wala he ke̱-yaši gbĕle mli tete. *7,14. †12,17. **Rom. 8,37.

Kpojiemɔ 12:17

Ni drako le̱ mli fũ yō le̱, ni eyiṅ ete ní eke̱ yō le̱ sešibii ní eſe̱ ni *yeo̱ Nyoṅmo̱ kitãi le̱ ano̱ ni ame̱hĩe †Iesu Kristo odase le̱ ayawu. *14.12. †19,10. 1 Ioh. 5.10.

Kpojiemɔ 19:10

Ni *miho migbō enãdši anā ni madsále̱. Ni ekē̱mi ake̱: Kākwe̱ ní ofe! onanyotšŭlo̱ ke̱ onyemimei le̱ ni hĩe Iesu †odase le̱ mli le̱ ateṅ moko dšimi; Nyoṅmo̱ moṅ odšá! Edšake̱ Iesu odase le̱ dši gbale̱ mumo̱ lo̱. *22,8. 9. Bo̱f. 10,25. 26. †Kpods. 12,17.

Kpojiemɔ 6:9

Ni beni etše nāso̱omo̱ ní dši enumo̱ le̱, mina mei ní agbe ye̱ Nyoṅmo̱ wiemo̱ le̱ hewo̱ ke̱ odase ní ame̱ye le̱ hewo le asusumai ye *afo̱lesãlate̱ le̱ šiši; *8,5; 14,18; 16,7.