Yemesi 5:20 - ZE'ELEGO PAALEGA

²⁰ ya mina ti, se'em woo en tari be'em daana a tuure puan lebe na la, wan faaɛ be'em daana la sia kum puan bahɛ, gee ti Yinɛ pi' be'em daana la be'em zo'e zo'e.

Farefare Ninkaré

²⁰ ya bãŋɛ tɩ nẽr-sɛka woo n tarɩ tõon-be'ero dãana a tõon-be'ero sorɔɔgɔ zuo leme wa'am, a fãagɛ la tõon-be'ero dãana kũm pʋam, tɩ Nawẽnnɛ wʋn basɛ a tõon-be'ero zozo'e taalɛ.

Yemesi 5:20 ပူးပေါင်းရင်းမြစ်များ

Azã 5:24

N yeti ya la yelemɛŋerɛ yelemɛŋerɛ wa. Se'em woo n wum mam yelehum wa, gee nam se'em daana n tum mam na la, tari la vomkanba'ahɛ. Ena daana ka boi gakerɛ puan. A daana tee mɛ kum puan wa'am vom puan na.

Aromduma 11:14

ti daanse'ere n bahɛ ti nyuure kɛ̃ mam mɛŋa nɛreba la, ti n ta'am faaɛ ba basɛba bahɛ.

1 Korẽntɩ 1:21

Ze'ele Yinɛ yɛm puan na, timpaberɛ wa zuo nɛreba ka mi Yinɛ ba mɛhi yɛm puan, Yinɛ en iŋɛ a puti'irɛ ti a doohe tumam gɔɔnɛ muulegɔ wa puan, la a faaɛ sɛba en nam la.

1 Korẽntɩ 9:22

Sɛba en tari tɔregɔ, mam ni lebege la tɔregɔ daana, ti n ta'am tee tɔregɔ duma la. Mam lebege la sɛla woo bo' nɛra woo ti sadɔseko woo puan, n ta'am faaɛ basɛba.

1 Timoti 4:16

Bihɛ fum mɛŋa suŋa, la fum pa'alegɔ la. Kɔ'ɔm ita yele ana, se'ere en sɔi la, fum han ita yele ana, fum wan faaɛ fum mɛŋa, la fum kɛleheba la.

Afilmõ 1:19

Mam Pɔɔl mɛŋa n gulehɛ gɔŋɔ wa la n nu'o. Mam wan lebehe yɔ dɛ. Mam ka yele se'ere la fum mɛŋa en tari mam sanɛ la pun ta ta' fum mɛa.

Yemesi 1:15

Ti kunkoma'ahum buna wa nyaa han ta nyɔkɛ puurɛ, bu dɔgeri la be'em, ti be'em buna wa han ta bi'ɛ kahegɛ, bu dɔgeri la kum.

Yemesi 1:21

Dinɛ zuo, yehe ya mɛhi yaalegɔ woo puan, la tuunfi'iha kãra puan, gee sigehe ya mɛhi to'e yelehum la en burɛ ya puan tara paŋa wan ta'am faaɛ ya sɛɛhi bahɛ la.

Yemesi 5:15

Sakerɛ pu'uhegɔ la wan faaɛ bã'duma la bahɛ, ti Daana la ihege ba, ti ba se'em en tum be'em wan nyɛ sugeri dia.

Yemesi 5:19

N suurɔ, se'em han bɔna ya puan bɔregɛ yelemɛŋerɛ wa puan, ti se'em tari en lebena,

1 Pita 4:8

Sɛla en gani bala, tari ya nɔŋerɛ saŋa woo bɔ'ɔra taaba, se'ere en sɔi la, nɔŋerɛ pi'ire la be'em zo'e zo'e.

Lilegere 20:6

Sum, la tuntɔɔnɛ dela sɛba en ta lagum vo'e yia vo'ore la dinɛ. Bana ti kum buyi' la ka le tana la. Gee ba wan dɛna malema duma bo' Yinɛ, la a Kiresta la, gee dɛna kiinduma la en, yuuma tuhere la puan.