Yemesi 3:14 - ZE'ELEGO PAALEGA

¹⁴ Gee ya han tara nintɛrega en ba' gaŋɛ, nyika puti'ira ya puan, da dagum ŋmɛ'ɛri ya nyu'ɔ, gee parena yelemɛŋerɛ la nɛŋan.

Farefare Ninkaré

¹⁴ La, la sãn dɛna tɩ ya ɩtɩ la sũure, dee gẽela taaba, da wẽ-ya yõ'ogɔ tɩ ya de la yɛm dõma parɩm sɩ'ɩsɛ sɩra la.

Yemesi 3:14 ပူးပေါင်းရင်းမြစ်များ

Amatie 27:18

Se'ere en sɔi la, a mi' ti nyuure zuo ti ba tari Yezu na bo' en la.

Azã 16:2

Kelehe ya, Ba wan dige ya zamehegɔ yiya la puan bahɛ. Saŋa kini na, ti sɛba n ku ya, wan ti'ihɛ ti ban iŋɛ bala la, ba tuni bɔ'ɔra la Yinɛ.

Tõoma 13:45

Gee Yuuduma la n nyɛ nɛrekuuŋɔ la, nyuure n kɛ̃ ba, ti ba pɔhɛ tuura, gee zɛregera Pɔɔl n tɔgɛ se'em la.

Tõoma 26:9

“Yelemɛŋerɛ mam mɛŋa mi' suŋa suŋa ti mam daa maahum mɛ ti n tum yɛla kekeko zabɛ la yu'urɛ wa en de Yezu en de Nazaareŋa wa.

Tõoma 5:17

Ti malema kiima la vaaɛ ihege, eŋa la sɛba woo n boi la en la (Sadusiiduma wele la) n pirɛ la nyuure la,

Tõoma 7:9

“Ti yaabeduma wa looe Yosefe ba puan nyuuna la en, ta koohe en bu Igipiti. Gee Yinɛ boi la en mɛ,

Aromduma 1:29

Ba kɔ'ɔm pirɛ mɛ la tuunfi'iha yima yima, be'em, fãa, ti'iha be'em bɔ'ɔra nɛreba. Pirɛ la nintɛrega, kua, zaba, pã'ahegɔ, sɔtuuma, ba dela yelebibehi duma,

Aromduma 13:13

Bahɛ ya ti tu vɔni ya na'ahegɔ vom, wuu tumam n de niihum kɔma la, gee dagi tu dɛna sɛba en dole dita dikãreyooro la de'em yooro, bugera, tuna dɛgerɔ tuuma, la yetɔgeyooro, dagi zaba la nintɛrega yɛla.

Aromduma 2:17

Gee fum han yi'ira fum mɛŋa Yuda nɛra, dɛla Ze'elego la, ŋmɛ'ɛra fum nyu'ɔ la fum en lɛm Yinɛ se'em,

Aromduma 2:8

Sɛba me en eere ba mɛhi en boti se'em la, ka nana yelemɛŋerɛ la, gee nana la tuunfi'iha la, Yinɛ sunsunyiim, la sunsunyiim tuulɛ en de ba dinɛ.

1 Korẽntɩ 13:4

Nɔŋerɛ dela sugeri, nɔŋerɛ dela itesuŋɔ. Nɔŋerɛ ka tari nintɛrega bii pa'alɛ n mɛa, bii nyu'ɔ ŋmɛ'a,

1 Korẽntɩ 3:3

beni zuo, ya kelum bɔna la ingɔŋɔ puan. Nyuure la nɔkpɛ'ɛma en kelum bɔna ya puan wa, ya ka boi la ingɔŋɔ puan wa, ita saaleba itegɔ?

1 Korẽntɩ 5:2

Gee ti ya tugum ukera. La dagi ni la ya tugum kɛla, gee ti se'em en tum tuun-dina wa la, ya fooe ni en ya puan bahɛ?

1 Korẽntɩ 5:6

Ya pa'ali mɛŋa la ka tari vuurɛ, yamam ka mi' ti dabelɛ fii wa en ni bahɛ ti zom la za'a ihegera?

2 Korẽntɩ 12:20

Dabeem en tari mam, ti n han wa'am na, n kan nyɛ ya ti ya ana wuu mam boti ni ya ana se'em la, ti yamam me kan nyɛ mam me ti n ana wuu yamam n boti se'em la. Dabeem n tari mam ti daanse'ere gaka, nyuure, sunsunyiim nyika, ukerɛ, la gbirege wan bɔna ya puan.

Galatɩ 5:15

Gee la han dɛna ti ya duni la taaba, gee yi'ira taaba, mini ya suŋa ti la kan yuue la yan n ba'ahɛ taaba lipi.

Galatɩ 5:20

baga kaabegɔ, sɔ̃nini, diŋo, zaberɛ, nyuure, sunsunyiim, nɔkpe'ene, yelehego, Pa'alebe'ero,

Galatɩ 5:21

nintɛrega, buka, punya'anɛ, la yelesɛ'a n ani ŋwana. N yeti ya mɛ la ninmu'urɛ wuu mam pun yele ni ya la ninmu'urɛ yia se'em la, ti sɛba en iti yele ana taaba kan lagum kɛ̃ Yinɛ sɔ'ɔlum la.

Galatɩ 5:26

Da bahɛ ya ti tu dɛna pumpã'aheduma, pagera taaba, tara nintɛrega la taaba.

Galatɩ 6:13

Sɛba en pun ŋma la mɛhi ka dole ze'elego la, gee ba boti ya ŋma mɛ ti ba ta'am ŋmɛ' nyu'ɔ la ya ingɔŋɔ la.

Filipi 1:15

Sɛba muuli Kiresta mɛ, nintɛrega la nyuure zuo, gee sɛba me muulegɔ mɛ la putɛ'sunɛ.

Filipi 2:3

Da iti ya sɛla nyika puti'irɛ puan, bii pa'alɛ n mɛŋa yooro puan, gee sigehe n mɛhi puan, tugum bihɛ ya nyɛta sɛba gana ya mɛhi.

1 Timoti 2:4

se'em en boti nɛra woo nyɛ faarɛ gee wa'am na baŋɛ mi'ilum sebo en boi yelemɛŋerɛ la puan la.

1 Timoti 6:4

a pã'ahɛ la a mɛŋa, ka bɔkera sɛla, gee bɔta la gaka la nɔkpe'en yaalehi doohe yu'ura puan. Bana puan nyuure, welehego, tuurɛ, dagebo',

Taitusi 3:3

Se'ere en sɔi la, tumam mɛhi tabelɛ dɛna la geto, ka nana, bɔregɛ, dɛna da'aba bo' kɔrehi la nyɛlum yima yima, dikɛ tu dabeha tum pa'ahegɔ tuuma, nintɛrega, zɛregera nɛreba, yaaɛ taaba.

Yemesi 1:18

Doohe a mɛŋa puti'irɛ en de se'em la zuo, a dɔgɛ tu mɛ doohe a yelemɛŋerɛ yelehum la puan, ti tu dɛna wala diina a naaŋɔ la puan.

Yemesi 3:16

Se'ere en sɔi la, zi'an ti nintɛrega la nyika puti'irɛ bɔna, gbiregeri la tuunfi'iha yima yima me wan bɔna.

Yemesi 5:19

N suurɔ, se'em han bɔna ya puan bɔregɛ yelemɛŋerɛ wa puan, ti se'em tari en lebena,