Yemesi 2:19 - ZE'ELEGO PAALEGA

¹⁹ Ya nam ti Yinɛ dela ayima. Ya mɔ ya. Kulekpa'bɛ'ɛhi me pun nam la bala, gee gbi'ira.

Farefare Ninkaré

¹⁹ Fõn sakɛ mɛ tɩ Nawẽnnɛ ayɩla mã'a n boe. La ãn sõŋa. Kʋlkã'arsɩ mẽ sakɛ la bɛla, dee gõgra la dabeem.

Yemesi 2:19 ပူးပေါင်းရင်းမြစ်များ

Amatie 8:29

Bilam bilam ti ba pɔhɛ nyabera yeti, “Beni ti fum tari la tɔ Yinɛ dayua wa? Fum yeti fum pɔgelum tu mɛ gee ti saŋa la mɛŋa mɛŋa la nan ka paaɛ?”

Amarkɩ 1:24

kaahɛ bahena yeti, “Fum tari la bem la tu, Yezu en yehe Nazareti na wa? Fum wa'am na ti fum sagum tu mɛ? Mam mi' fum n de se'em mɛ. Fum dela Fa'a Daana, ze'ele Yinɛ zi'an na.”

Amarkɩ 12:29

Ti Yezu lerege yeti, “Se'ere en gani za'a dela, ‘Kelehe ya suŋa Izirale buuri wa. Daana la en de tu Yinɛ la dela ayima.

Amarkɩ 5:7

Gee kaahɛ supi yeti, “Yezu, gaŋɛ za'a daana Dayua wa, fum tara la deni la mam? N dikɛ la Yinɛ bɛlena fum, ti fum da sagum mam.”

Amarkɩ 7:9

Ti a lebe yele ba yeti, “Ɛ̃ɛ, ya mi' la sore suŋɔ seko ti ya wan doohe zagehɛ Yinɛ nɔze'elego la gee gurɛ ya malema!

Aluki 4:34

“Bahɛ tu bããlam, beni tu fum tara la tɔ, Nazareti buraa Yezu wa? Fum wa'am na ti fum sagum tu mɛ? Mam mi' fum n de se'em, fum dela Yinɛ Fa'a nɛra.”

Azã 17:3

Ŋwana n de vomkanba'ahɛ la, ti saaleba baŋɛ fum, fum se'em n de yelemɛŋerɛ Yinɛ wa ma'a, gee me baŋɛ Yezu Kiresta, se'em ti fum tum na la.

Tõoma 16:17

Pugela wa n dole Pɔɔl la tumam la, ka ni ta kaahɛ mɛ bahɛ na yeti, “Nɛrebana wa dela Gaŋɛ za'a Yinɛ la Yamehi, muula faarɛ sore la bɔ'ɔra ya.”

Tõoma 19:15

Gee Kulekpa'bɛ'a la lerege ba yeti, “Han dɛna Yezu mam mi, la Pɔɔl mam mi' gee yamam dela bani?”

Tõoma 24:25

Ti Pɔɔl n ta tɔgera pa'ala tuntɔɔnɛ, tana fum mɛŋa tara, la gakerɛ la n kini se'em na la, ti dabeem kɛ̃ Felikise, ti a yele Pɔɔl yeti, “Kiŋɛ ti la iŋɛ fii, n han le ta nyɛ fole, n wan tum ti ba yi' fum na.”

Aromduma 3:30

Yinɛ dela ayina, gee wan bo' sɛba en ŋma la buurɔ ba sakerɛ zuo, gee bo' sɛba en ka ŋma la buurɔ ba sakerɛ me zuo.

1 Korẽntɩ 8:4

Bala, han dɛna disɛka en dikɛ kaabɛ baga sɔhega la, tu mi' ti “Bagerɛ ka boi tiŋa wa zuo dɛna bunvua,” ti yinɛ ka bɔna han dagena “Yinɛ deyina wa ma'a.”

1 Korẽntɩ 8:6

Gee han dɛna tumam, Yinɛ dela ayima, Sɔ la, se'em zi'an ti sɛla woo ze'ele na la, la se'em zuo ti tu za'a vɔna la, Daana ayima, en de Yezu Kiresta la, se'em puan ti sɛla woo ze'ele na, la se'em zuo ti tu vɔna la.

Galatɩ 3:20

Nananawa, nupu'ŋmɛ'ɛra gani nɛreyinɛ mɛ, gee Yinɛ mɛŋa dela ayima.

1 Timoti 2:5

Se'ere en sɔi la, Yinɛ dela deyina, nupu'ŋmɛ'ɛra me dela ayima, Yinɛ la saaleba tiŋasuka Ena daana la Kiresta Yezu, se'em en wa'am na dɛna asaala a mɛŋa la,

Yemesi 2:8

Ya wan iŋɛ suŋa, ya han sirum tum na'am nɔze'elego la wuu gulehegɔ la en yele se'em yeti, “Fum nɔŋɛ fum tadaana wuu fum mɛŋa la.”

Azudi 1:4

Se'ere en sɔi la, nɛre be'ero tuseto en wa'am na zu gɛregɛ ya puan, nɛre sɛba ba'ahegɔ zi'an en boi sageŋɔ puan ban ka zoti Yinɛ la zuo, sɛba en tee Yinɛ zu'uhegɔ la ti ku dɛna yaalegɔ tuuma, ka nam tu kpɛ'ɛma ayima ma'a en de Daana Yezu Kiresta la.

Azudi 1:6

Gee ti suŋereba sɛba me en yuum ka ze' ba zɛ'a zi'an, gee yuum bahɛ ba zɛ'a zi'an la, a bobe ba mɛ la bãhi dikɛ ba bahɛ lika kãtɛ puan gura gakerɛ dabehekãtɛ daarɛ la.

Lilegere 20:10

Ti Sagena se'em en pã'ahɛ ba la, ba lobe eŋa bahɛ la bugum mɔgerɛ la en diti la tahi bugum la puan, zi'an ti bunsilemasio la, la a pumpã'ahum nɔtɔgeha la bɔna la, ti ba bɔna mɛlehegɔ puan bulika la yu'uŋɔ za'a, ka malum tara ba'ahegɔ.