Yemesi 1:27 - ZE'ELEGO PAALEGA

²⁷ Pu'uhegɔ seko en de fa'a, ka tara galeŋɔ Yinɛ en de Sɔ la nɛŋan en ŋwana. Tu bihera kiibehi, la pokɔpa ba nimbu'ɔ puan, gee ka galena ya mɛhi la timpaberɛ wa zuo yɛla.

Farefare Ninkaré

²⁷ Tɩ Sɔ Nawẽnnɛ n boorɩ tɩ tɩ dɔla ẽ se'em tɩ la ãna sõŋa ka tara dẽgrɔ n wãna: La de la fʋ bɩsɛ kɩɩbsɩ la pɔkõpa yelle ba nãmsgɔ pʋam, la fʋ guuse fʋ mẽŋa la dũnia wã tõon-dẽgrɔ.

Yemesi 1:27 ပူးပေါင်းရင်းမြစ်များ

Amatie 12:32

Se'em woo en tɔgɛ se'ere pɔ'ɛ Asaala Dayua wa, wan nyɛ sugeri dia, gee se'em woo en tɔgɛ se'ere pɔ'ɛ Fa'a Sia la kan malum nyɛ sugeri dia, zina bii beere.

Amatie 5:8

“Sum boi mɛ la sɛba suya en ka tari dɛgerɔ. Ba wan nyɛ Yinɛ.

Aluki 1:6

Ba bayi' la dela tuuntɔɔ duma Yinɛ nɛŋan, ti ba vom tigɛ Yinɛ nini, dɔla Daana la nɔze'elego la a kiha woo puan.

Aromduma 12:2

Da dikɛ ya mɛhi naaɛ la tiŋa wa zuo yɛla, gee tugum malum sɛ ya mɛhi, ya puti'ira teere puan, la ya viihɛ baŋɛ sɛla en de Yinɛ sumboolum, la sɛla en ani suŋa, nara gee ba'ahɛ za'a.

Aromduma 2:13

La dagi sɛba en kelehe ze'elego yɛla la en de tuuntɔɔ duma Yinɛ nɛŋan, gee sɛba en tuni ze'elego la en boti se'em la ti Yinɛ wan bo' ba buurɔ.

Galatɩ 1:4

eŋa se'em en dikɛ a mɛŋa bo' tumam be'em zuo, ti a faaɛ tɔ be'em buuri sankana wa puan bahɛ, doohe tu Yinɛ n de tu Sɔ la sumboolum en de se'em la,

Galatɩ 3:11

Nananawa, la kɔ'ɔm niiɛ mɛ gã'a ti nɛra ka boi ka tara tuure Yinɛ nɛŋan ze'elego la dɔlega puan. Se'ere en sɔi la, “Se'em en de tuntɔɔdaana, wan vɔna la sakerɛ puan.”

Galatɩ 5:6

Beni zuo, Kiresta puan, fum ŋma ya yoo, fum ka ŋma yoo, la ka tari sɛla tɔ'ɔra. Yele se'ere ma'a en tari sɛla tɔ'ɔra dela, sakerɛ en dole nɔŋerɛ puan.

Galatɩ 6:14

Mam da makɛ ŋmɛ' n nyu'ɔ yele se'ere puan, han dagena tu Daana Yezu Kiresta pumpuuredɔɔ la zuo ma'a, yele se'ere zuo ti ba kpa' timpaberɛ wa labelɛ mam, gee kpa' mam labelɛ timpaberɛ wa la.

Efɛɛzɩ 2:2

ti ya yuum bɔna bu puan, dɔla timpaberɛ wa zuo yɛla la, dɔla se'em daana paŋa n boi kusebego wa puan la. Sɛsɛka n boi nananawa tuna la sɛba n ka nane Yinɛ nuurɛ la.

1 Timoti 1:5

Gee pa'alegɔ kuna wa tuunɛ dela, la bahɛ ti ba tara nɔŋerɛ se'ere en ze'ele susunɛ puan na, putɛ'sunɛ, la yelemɛŋerɛ sakerɛ.

1 Timoti 5:4

Pokuurɛ han tara kɔma bii yaahi, yia dela ba zamehɛ tuna ba pu'uhegɔ tuuma la ba yiya puan, ba me lebehe bɔ'ɔra ba dɔgereba la. Se'ere en sɔi la, Yinɛ nini tigɛ mɛ la yele aŋa.

Taitusi 2:12

pa'ala tɔ ti tu bahɛ be'em woo, la tiŋa wa zuo nyɛlum yooro, la saŋa kana wa, tu vɔna vom sebo en de fum tana n mɛŋa tara, tuntɔɔnɛ la Yinɛ zoolum,

Yemesi 3:17

Gee yɛm en ze'ele saazuo na, yia bu dela fa'a, tara suma'ahum, ma'ma, tara waŋa suboolum, pirɛ la nimbɔ'zɔrɛ, tara walesuma, ti fum kan nyɛ lugehego, bii birikɔgenɛ bu puan la fii me.

Yemesi 3:9

Zɛleŋa kaŋa ti tu tara pɛgera Daana la, la Sɔ la, kaŋa mɛa ti tu tara pɔta bahɛ sɛba ti ba naam ba ti ba wuna la Yinɛ.

Yemesi 4:4

Bunyaalehi wa! Ya ka mi' ti ya nyɔgɛ zɔtɔ la timpaberɛ wa, dela ya dɛna dinduma la Yinɛ? Ŋwana zuo, fum se'em woo en boti fum dɛna timpaberɛ wa zuo zɔ, lebege la Yinɛ dima.

2 Pita 1:4

Bala ti a doohe yele ana wa puan, bo' tu a tuulum nɔbiŋe kãra la, ti bamam puan, ya wan ta'am piiɛ ŋmɛlema sɛ'a en boi timpaberɛ wa zuo, kunkoma'ahum zuo la, gee tugum lagum tara a sia puan naanɛ la.

2 Pita 2:20

La han dɛna ti, ban piiɛ timpaberɛ wa zuo galeŋɔ la, doohe ban mi' tu Daana, la tu faara Yezu Kiresta la, ba le lebe lu la ba puan, ti la nyaŋɛ ba, ti ba'ahegɔ puan, ba pun nyaa yalegɛ nuurɛ gana ba yia la mɛ.

2 Pita 3:14

Bala, n sunɔŋerɛ duma wa, yan guri yele ana wa la, zigɛ ya mɛ ti ya nyɛ en la suma'ahum, ti dɛkɔ ka lama ya, bii tuure,

1 Zã 5:18

Tu mi' ti, se'em woo ti Yinɛ dɔgɛ la kɔ'ɔm ka bɔna tuure puan, se'ere en sɔi la, Kiresta se'em ti Yinɛ dɔgɛ la en gu'uri en, ti Sagena la ka kalena ba.