Yemesi 1:22 - ZE'ELEGO PAALEGA

²² Gee me iti ya yelehum la en de se'em la, gee da yeen kelehe ya kelehego ma'a pã'ahɛ ya mɛhi.

Farefare Ninkaré

²² Da pã'asɛ ya mẽŋa, dɛna-ya nẽrba n sakrɩ Nawẽnnɛ yetɔga, da dɛna-ya nẽrba n selsrɩ mã'a.

Yemesi 1:22 ပူးပေါင်းရင်းမြစ်များ

Amatie 12:50

Se'ere en sɔi la, se'em woo en tuni mam sɔ n boi saazuo ha sumboolum, nɛre eŋa en de mam suuɔ, mam taya, la mam ma.”

Amatie 28:20

gee pa'alɛ ya ba, ti ba nana sɛla woo ti mam bo' nuurɛ ti ya ita la. Gee tɛri ya ti, mam boi la ya mɛ saŋa woo, ta paara tiŋa wa ba'ahegɔ saŋa.”

Aluki 11:28

Gee Yezu yele en yeti, “Sum tugum bɔna mɛ la sɛba en wum Yinɛ yelehum wa gee gurɛ bu suŋa suŋa.”

Azã 13:17

Ya han mina yele ana wa, sum wan bɔna, ya han ita a.

Aromduma 2:13

La dagi sɛba en kelehe ze'elego yɛla la en de tuuntɔɔ duma Yinɛ nɛŋan, gee sɛba en tuni ze'elego la en boti se'em la ti Yinɛ wan bo' ba buurɔ.

1 Korẽntɩ 15:33

Da bahɛ ya ti se'em pa'ahɛ ya. “Nɛreyaalehi sageni la vom sumɔ.”

1 Korẽntɩ 3:18

Da pã'ahɛ ya mɛhi. Ya han ti'ihɛ ti yamam en de yɛm duma buuri sankana wa puan, ya tugum lebege geto, la ya ta'am nyɛ yɛm.

1 Korẽntɩ 6:9

Yamam ka mi' ti be'emduma kan kɛ̃ Yinɛ sɔ'ɔlum la puan? Da pã'ahɛ ya mɛhi. Yalum duma, bage kaabereba, sɛba en tuni kabohi, pɔgenindɔɔrɔ la buraahi bii pɔgehi en gã' taaba,

Galatɩ 6:3

Sɛba en dagi sɛsɛla la han ti'iha ti ba dela sɛla, ba pã'aheri la ba mɛhi.

Galatɩ 6:7

Da pã'aha ya mɛhi, nɛra kan pim Yinɛ. Nɛra en burɛ sɛla la, bala mɛa ti a kɛ̃'ɛ̃ra.

Filipi 4:8

Ba'ahegɔ za'a, n suurɔ, sɛla woo en de yelemɛŋerɛ, sɛla woo en tari na'ahegɔ, sɛla woo en de ma'a, sɛla woo en ka tari dɛgerɔ, sɛla woo en peere puurɛ, sɛla woo n nari. Sɛla han bɔna di mi'a, sɛla en boi nara pɛka, ti'iheri ya yele ana wa yele.

Kolɔsɩ 3:17

Gee ti sɛla woo ti ya ita, la dɛna tugum bii tuuma, iti ya sɛla woo Daana Yezu yu'urɛ la puan, bɔ'ɔra Yinɛ en de Sɔ la fara dɔla Yezu puan.

2 Timoti 3:13

Gee tuunfi'iha duma, la pumpã'ahum duma wan ze'ele sageŋɔ paaɛ nɔyalegerɛ. Ba wan pã'aha basɛba, ti basɛba me pã'aha ba.

Taitusi 3:3

Se'ere en sɔi la, tumam mɛhi tabelɛ dɛna la geto, ka nana, bɔregɛ, dɛna da'aba bo' kɔrehi la nyɛlum yima yima, dikɛ tu dabeha tum pa'ahegɔ tuuma, nintɛrega, zɛregera nɛreba, yaaɛ taaba.

Yemesi 1:26

Sɛba han ti'ihɛ ti bamam pu'uheri Yinɛ, gee ka tana ba zɛlehi tara, gee pã'aha ba suya, ba pu'uhegɔ la dela yoo.

Yemesi 4:11

Da tɔgera ya be'em bɔ'ɔra taaba, n suurɔ wa. Fum se'em woo en tɔgɛ be'em bo' fum tadaana, bii gakɛ fum tadaana, tɔgɛ la be'em bahɛ ze'elego la zuo, gee gakɛ ze'elego la. Gee fum han gakɛ ze'elego la, fum ka tuni ze'elego la tuuma, gee fum dela ku gakera.

Yemesi 4:17

Gee se'em woo en mi' sɛla en de ma'a ti a tum, gee koŋe a tum dɛ, tuue mɛ.

2 Pita 2:13

Ba namehɛ la ba tuure namehegɔ. Ba dikɛ dɛ ti la dɛna la nyɛlum bo' ba, ti ba ɛɛra dita dikãra peelumen peelumen. Ba dela nɛrefi'iha, la zufagehum duma, nɔŋɛ ba dita ba dikãra mɛa la fagehum ya nɛŋan.

1 Zã 1:8

Tu han yeti tu ka tari tuure, tu pã'ahɛ la tu mɛhi, ti yelemɛŋerɛ ka bɔna tu puan.

1 Zã 2:3

Nananawa, yele dina wa zuo ti tu wan baŋɛ ti tu mi' en paaɛ paaɛ, tu han nana a nɔze'elego la.

1 Zã 3:7

Kɔmbibehi wa, da bahɛ ya ti nɛra nɛra pa'ahɛ ya. Se'em woo en tuni sɛla en de tuuntɔɔ dela tuuntɔɔ daana, woo eŋa Kiresta en de tuuntɔɔ daana se'em la.

3 Zã 1:11

N sunɔŋerɛ daana wa, da tɔgeha sɛla en de be'em, gee tugum tɔgeha sɛla en ani suŋa. Se'em woo en iti sum ze'ele la Yinɛ zi'an na, se'em woo en tuni be'em nan ka nyɛ Yinɛ.

Lilegere 12:9

Ti ba lobe bunsɛla kãtɛ wa bahɛ timpaberɛ wa zuo na. Se'em en de diimen diimen zugɔ la ti ba yi'ira Sagena la Sitaani, se'em en pa'aheri tiŋa wa zuo za'a nɛreba la. Ba lobe en bahɛ la timpaberɛ wa zuo na, lagum lobe a suŋereba la, la en bahɛ na.

Lilegere 22:7

“Bihɛ, n kini mɛ kalam kalam na! Sum wan bɔna la fum se'em daana en gurɛ nɔtɔgeheba yelehum la en boi gɔnkuna wa puan la suŋa suŋa.”