Yemesi 1:17 - ZE'ELEGO PAALEGA

¹⁷ Beni zuo, abo'yabiyabi woo, la bo'olum sumɔ woo ze'eti la saazuo, Sɔ la en de niihum daana la zi'an sigera na. Se'em puan ti ŋmɛlema la lika ka bɔna doohe teere se'ere puan.

Farefare Ninkaré

¹⁷ Bɔ'a wuu n ãn sõŋa, la bɔ'a n masɛ wuu ze'etɩ la saazuum, Nawẽnnɛ n de peelem dãana la zẽ'am. Ẽŋa n nãam bõn-sɛba wuu n boe saazuum nẽera peelem, tɩ ba tɛɛra, la ẽŋa ka teerɩ, a ka tarɩ lika.

Yemesi 1:17 ပူးပေါင်းရင်းမြစ်များ

Amatie 7:11

Ti yamam en de be'em duma, han mina sɛla en ani suŋa bɔ'ɔra ya kɔma, ŋwani ti ya Sɔ se'em en boi saazuo ha wa, kan bo' sɛba woo en soke en la lɔgesunɔ gana bala.

Aluki 11:13

Yamam en tugum dɛna be'em duma, han mina yan bo'ori ya kɔma bo'olum suma se'em, Ŋwani ti ya Sɔ en boi saazuo ha kan bo' sɛba en suhɛ en Fa'a Sia la gaŋɛ bala.”

Azã 1:9

Yelemɛŋerɛ niihum la en niiri bɔ'ɔra nɛra woo la en ye' timpaberɛ wa zuo na.

Azã 3:27

Ti Yɔn lerege ba yeti, “Se'em ka boi wan to'e sɛla, han dagena saazuo n dikɛ bo' a daana.

Azã 3:3

Ti Yezu lerege en yeti, “Yelemɛŋerɛ yelemɛŋerɛ ti n yɛta fum wa, nɛra ka boi wan bɔna Yinɛ sɔ'ɔlum la puan han dagena ba dɔgɛ en la saazuo na.”

Azã 8:12

Ti Yezu le tɔgɛ bo' ba yeti, “Mam n de niihum bo' timpaberɛ wa. Se'em woo n dole mam kan malum kina lika puan, gee a wan tara vom niihum la.”

Tõoma 11:18

Nɛreba la n wum ŋwana wa la, ba yee la suram. Gee pɛgera Yinɛ yeti, “Yinɛ mɛŋa n bo' sɛba n dagi Yuuduma la me teere se'ere n bo'ori vom la.”

Tõoma 5:31

Yinɛ zɛkɛ en mɛ ta zi'ire a zuɔ nu'o ti a dɛna Nɛŋa Daana, la Faara, ti a bo' Izirale suteere la yelebe'ero sugeri.

Aromduma 6:23

Se'ere en sɔi la, be'em yɔɔrɛ dela kum, gee Yinɛ zaŋa bo'olum la ti a bo' la, dela vom kan ba'ahɛ, Kiresta Yezu tu Daana la puan.

1 Korẽntɩ 4:7

Beni zuo, ani en nyɛ sɛla en boi la tɔka fum puan? Beni ti fum tara gee ka to'e de Yinɛ zi'an? Fum han to'e la Yinɛ zi'an, ŋwani ti fum ŋmɛ'ɛra nyu'ɔ wuu la dagi la bo'olum ti ba dikɛ bo' fum?

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

Efɛɛzɩ 1:18

Bala ti ya suure wan yu'ɛ, ti ya nyɛ niihum la, la ya baŋɛ beere puti'irɛ se'ere zuo ti a yi' ya na la, la tarega sɛka en boi suŋa tarega la puan bɔ'ɔra nɛresunduma la,

Efɛɛzɩ 2:8

La dela zu'uhegɔ zuo ti ya nyɛ faarɛ, doohe sakerɛ puan. Dina dagi ya mɛhi en iŋɛ sɛla, gee la dela Yinɛ bo'olum.

Filipi 1:29

Yinɛ ka doohe a zu'uhegɔ la puan bo' tu la yɔ'ɔ ti tu nam la Kiresta ma'a, gee tu nameheri a zuo me,

1 Timoti 6:16

La dela eŋa ma'a en ka kiiri, gee bɔna niihum sebo en ka kaleni puan. Se'em ti nɛra ka tabelɛ nyɛ en bii wan nyɛ en, eŋa se'em ti na'ahegɔ, la pansɛka en ka ba'aheri dɛna a dinɛ wuuha wuuha la. Taari.

Hiburuduma 13:8

Yezu Kiresta dela bala mɛa zaam, zina, la saŋa woo.

Yemesi 1:5

Ya se'em han pɔ̃hegɛ yɛm, a suhɛ Yinɛ, se'em en bo'ori yabi yabi gee ka fabela la, gee a wan bo' fum.

Yemesi 3:15

Yɛm buna taaba ka ze'ele saazuo na, gee bu dela timpaberɛ wa zuo, ka dɛna sia puan, gee kulekpa'bɛ'ɛhi yɛm.

Yemesi 3:17

Gee yɛm en ze'ele saazuo na, yia bu dela fa'a, tara suma'ahum, ma'ma, tara waŋa suboolum, pirɛ la nimbɔ'zɔrɛ, tara walesuma, ti fum kan nyɛ lugehego, bii birikɔgenɛ bu puan la fii me.

1 Zã 1:5

Sɔɔleŋa sɛka ti tumam wum a zi'an n ŋwana ti tu muula bɔ'ɔra ya wa ti, Yinɛ dela niihum, ti a puan, lika ka boi la fii wa me.

1 Zã 4:10

Dina wa puan ti nɔŋerɛ bɔna, dagi ti tumam en nɔŋɛ Yinɛ, gee eŋa en nɔŋɛ tɔ, gee tum a Dayua ti a wa'am na dɛna akaabɛ to'e kaabegɔ bo' tumam tuure.

Lilegere 21:23

Ti wuntɛɛŋa bii ŋmarega niihum yele ka pakɛ tiŋa la, se'ere en sɔi la, Yinɛ suŋa la niihum la en de tiŋa la bugum, ti ka butolela dɛna Pebila la.

Lilegere 22:5

Ti yu'uŋɔ kan le bɔna. Nɛreba kan le bɔta bugum bii butolela, bii wuntɛɛŋa. Daana Yinɛ la en wan dɛna ba niihum, ti ba dɛna naduma wuuha ka tara ba'ahegɔ.