Tõoma 9:15 - ZE'ELEGO PAALEGA

¹⁵ Gee Daana la yele en yeti, “Kiŋɛ, gee a dela lɔkɔ ti mam looe ti a tara mam yu'urɛ wa bo' sɛba n dagi Yuda buuri la, ba naduma, la Izirale buuri la.

Farefare Ninkaré

¹⁵ Tɩ Zuudãana la yele Ananiyasɩ yetɩ: «Sẽŋɛ, mam looge ẽ mɛ tɩ m botɩ a tarɩ mam yʋ'ʋrɛ sẽŋɛ ka tɔgɛ bɔ bu-zãŋsɩ, la ba na'adõma, la Ɩsrayɛlɩ dõma mẽ.

Tõoma 9:15 ပူးပေါင်းရင်းမြစ်များ

Amatie 10:18

Ba wan tari ya kiŋɛ timbihereba la naduma zi'ihen mam zuo, ti la dɛna sɛla n gã' bo' bamam la sɛba n dagi Yuda buuri la.

Azã 15:16

Yamam ka looe mam, gee mam n looe ya, gee tum ya ti ya kiŋɛ ta wam wala. Ya wam wala sɛ'a n kan pu'ɛ. Bala ti Sɔ la wan bo' ya sɛla woo ti ya soke en mam yu'urɛ puan.

Tõoma 13:2

Daarɛ deyima ti ba bɔna Daana la na'ahegɔ puan la nɔlurɛ, ti Fa'a Sia la tɔgɛ yeti, “Yehe ya Banabase la Sɔɔl ze'ele bo' tuunse'ere ti mam yi' ba ti ba tum la.”

Tõoma 21:19

Ti en pu'uhɛ ba ba'ahɛ la, a pɔhɛ mɛ lɔɔha yele yele doohe sɛla ti Yinɛ tum bo' sɛba n dagi Yuda buuri la eŋa tuuma la puan.

Tõoma 22:14

Ti a nyaa yele mam yeti, ‘Ti yaabeduma Yinɛ n looe fum ti fum baŋɛ a suboolum, fum nyɛ Tuntɔɔ Daana wa, gee wum a kua.

Tõoma 22:21

Ti a yele mam yeti, ‘Kiŋɛ, gee n yeti n tum fum la zaaɛ zaarɛ, sɛba n dagi Yuuduma zi'an.’ ”

Tõoma 25:22

Ti naba Agiripa yele Fesetuse yeti, “Mam wan bɔta ti n wum buraa wa tugum n mɛŋa.” Ti Fesetuse yele naba Agiripa yeti, “Beere fum wan wum a tugum.”

Tõoma 26:1

Ti naba Agiripa yele Pɔɔl yeti, “Sore boi ti fum tɔgɛ po'e fum mɛŋa.” Ti Pɔɔl zɛkɛ a nu'uhi pɔhɛ mageha gee tɔgera pɔ'ɔra' a mɛŋa.

Tõoma 26:32

Ti naba Agiripa yele Fesetuse yeti, “Tu wan bahɛ ni buraa wa, a mɛŋa han ka yele ni ti a boti a paaɛ la Kaiza zi'an.”

Tõoma 27:24

gee yele mam yeti, ‘Da zɔta dabeem Pɔɔl, gee fum wan ba'ahum ze'ele Kaiza nɛŋan; la dela asira, ti Yinɛ bo' sɛba woo me n boi uureŋɔ wa puan la fum wa piirɛ.’

Tõoma 28:17

Dabeha atã daarɛ, ti Pɔɔl yi' kiinduma la en biheri Yuda buuri wa la. Ban lagehɛ na ba'ahɛ la, ti a yele ba yeti, “N suurɔ, la mam en pun ka iŋɛ se'ere tuue tu nɛreba Yuuduma wa, bii tu yaabeduma kiha wa la, gee la bala za'a, ba nyɔkɛ mam mɛ Yerusalɛm, dikɛ mam ta'ahɛ Arome duma ha.

Tõoma 28:28

Bala, ye mini ya zina dabeherɛ wa yeti, Yinɛ faarɛ yelehum buna wa muulɛ bo' Sɛba en dagi Yuda buuri la mɛ, ti ba me wan kelehe bu.” [

Aromduma 1:1

Mam Pɔɔl, Yezu Kiresta da'aberɛ, ti Yinɛ ayi' mam ti n dɛna tuntuna, yehe mam ze'ele bo' Yinɛ Faarɛ yelehum la ma'a,

Aromduma 1:5

Se'em puan ti tumam to'e zu'uhegɔ, la tuntuneba yɔ'ɔ, ti tu bahɛ ti timpaberɛ wa nɛreba za'a me nam, gee tara sakerɛ a yu'urɛ la puan.

Aromduma 11:13

Nananawa mam tɔgeri bɔ'ɔra la yamam sɛba en dagi Yuda buuri wa, se'ere en sɔi la, mam de Yinɛ tuntuna bo' yamam. Mam na'aheri n tuunɛ la mɛ,

1 Korẽntɩ 15:10

Gee Yinɛ zu'uhegɔ la zuo, mam dela mam en de se'em la, ti a zu'uhegɔ la ti a dikɛ bo' mam la me ka bahɛ yoo. Gee mam tugum tum mɛ paaɛ paaɛ gaŋɛ ba za'a. La dagi mam mɛŋa paŋa, gee Yinɛ zu'uhegɔ la n boi la mam la.

1 Korẽntɩ 9:16

Mam han muulɛ faarɛ yelehum wa, dina ka bo' mam sore ti n ŋmɛ'ɛra n nyu'ɔ, se'ere en sɔi la, la dela tuunɛ gã'a n zuo, ti yele n bɔna n zuo, n han ka muulɛ faarɛ yelehum wa.

Galatɩ 1:1

Mam Pɔɔl en de tuntuna, dagena la asaala en tum mam bii asaala en bo' mam sore, gee la doohe la Yezu Kiresta puan, la Yinɛ en de Sɔ la, vo'e Yezu a kum puan na la,

Efɛɛzɩ 3:1

Ŋwana wa zuo ti mam Pɔɔl bɔna paka deen bo' Kiresta Yezu, yamam sɛba n dagi Yuuduma wa zuo.

1 Timoti 2:7

Dina zuo ti a looe mam ti n muula, gee dɛna tuntuna (mam tɔgeri la yelemɛŋerɛ, n ka pareni), mam dela sɛba en dagi Yuuduma la pa'ala, sakerɛ la yelemɛŋerɛ puan.

2 Timoti 1:11

Faarɛ yelehum buna wa ti ba looe mam ti n dɛna bu muula, bu tuntuna, la bu pa'ala,

2 Timoti 2:4

Nɛra ka boi tuna pɛntiireba tuuma, gee le gɛ̃ta a mɛŋa la daare woo yɛla. Pɛntiira puti'irɛ dela a pee a daana la puurɛ.

Lilegere 17:14

Ba wan kɔ' zaberɛ la Pebila la, gee Pebila la wan nyaŋɛ ba. Se'ere en sɔi la, Pebila la en de Daanduma Daana, la Naduma naba. Ti sɛba en boi la en la, a yi' ba mɛ, gee loohe ba ti ba dɛna sakereba.”