Tõoma 4:27 - ZE'ELEGO PAALEGA

²⁷ Se'ere n sɔi la, tinkãtɛ wa puan, Hɛrɔd la Pɔntiyɔsi Palete ta ta' la sɛba n dagi Yuuduma la, la sɛba en de Izirale nɛreba la lagehɛ la taaba ti ba zabɛ la fum Fa'a yameŋa Yezu, se'em ti fum bi'ihɛ en;

Farefare Ninkaré

²⁷ La de la sɩra tɩ A'erɔdɩ, la Apõnsɩ-pilatɩ, la bu-zãŋsɩ, la Ɩsrayɛlɩ nẽrba lagsɛ taaba tẽn-ẽna wã pʋam zɛbɛ la fʋ tõntõn-sõŋɔ Azezi tɩ fʋ looge la.

Tõoma 4:27 ပူးပေါင်းရင်းမြစ်များ

Amatie 14:1

Sankaŋa puan, ti Hɛrɔd en de timbihera la wum Yezu yele mɛ,

Amatie 14:3

Se'ere en sɔi la, Hɛrɔd pugum nyɔkɛ Yɔn mɛ, ba' en, dikɛ en iŋɛ paka deo puan, doohe Hɛrɔdiya en de Hɛrɔd suuɔ Filipi pɔga la zuo.

Amatie 14:6

Gee Hɛrɔd dɔgum daarɛ en wa paaɛ, ti Hɛrɔdiya poyua wa' nɛrekuuŋɔ la nɛŋan, ti Hɛrɔd puurɛ pee paaɛ paaɛ,

Amatie 21:28

“Yamam puti'irɛ dela deni yele dina wa puan? Buraa en tari a dayɔɔhi siyi, ta yele kiima la daarɛ deyima yeti, ‘N dayua, kiŋɛ tiihi dia va'am la puan va'amen ta tum zina.’

Amatie 23:37

“Yerusalɛm, Yerusalɛm, tinsɛka en kuuri ka nɔtɔgeheba gee lɔbera sɛba ti ba tum a zi'an na la kuga. Saŋa zo'e zo'e ti mam zigera ti n lagehɛ ni fum kɔma wa bɔbeyinɛ wuu nua n kã'ahɛ ka kɔma iŋɛ ka kelumpagehi puan se'em la, gee fum ka boti.

Amatie 27:2

Ti ba ba' en, tari en kiŋɛ ta bo' timbihega nɛŋadaana Palete.

Amarkɩ 10:33

A yele ba yeti, “Biheri ya, tu ye' zɔna la Yerusalɛm wa, ba wan ta nyɔkɛ Asaala Dayua wa bo' malema nɛŋa duma, la gɔnmi'ineba la, ti ba gakɛ en ti a dela a ki. Gee nyaa dikɛ en bo' sɛba en dagi Yuuduma.

Amarkɩ 15:31

Bala mɛa ti Malema kiinduma la gɔnmi'ineba la ɛregera Yezu bɔ'ɔra taaba yeti, “A faari la basɛba gee kan ta'am faaɛ a mɛŋa.

Aluki 1:35

Ti Suŋera la yele en yeti, “Fa'a Sia la wan sige fum zuo, ti Gani Za'a Daana paŋa pi' fum. Bala zuo, bia la ti fum yeti fum dɔgɛ la wan dɛna la Fa'a. Ba wan yi'ira ka la Yinɛ Dayua.

Aluki 22:63

Ti buraahi se'ehi en gurɛ Yezu la pɔhɛ kɛhera en gee ŋmɛ'ɛra en,

Aluki 23:1

Ti tiŋa la tiiheŋɔ la naaɛ nuurɛ, tari Yezu wa'am Palete zi'an na.

Aluki 4:18

“Daana Sia la en boi la mam, Se'ere en sɔi la, a sɔ mam mɛ ti n tari faarɛ yelehum wa na bo' naheduma. A tum mam na ti n wa'am na muulɛ fai yɛla bo' sɛba en boi bobere puan, gee bihɛ ti fɔɔhi nini pigehɛ gee bahɛ ti sɛba n boi mugehego puan kiŋɛ fai.

Aluki 9:22

sɛ:Gee yeti, “Asaala Dayua la wan doohe namehegɔ kãtɛ puan tole, ti kiinduma, malema kiinduma, la gɔnmi'ineba la zagehɛ en, gee ti ba ku en, gee dabeha atã daarɛ, a wan vo'e.”

Azã 1:11

A wa'am la sɛla en de a mɛŋa bunɔ puan na, gee a mɛŋa nɛreba la ka to'e en.

Azã 10:36

wani ti ya wan ta'am yeti, ‘Mam se'em ti Sɔ la bi'ihe mam, gee tum mam timpaberɛ wa zuo na la tuurɛ la Yinɛ la mam yeti, mam dela Yinɛ dayua la’?

Azã 18:28

Ti ba tari Yezu ze'ele Kaifase zi'an, kiŋɛ Palete yikãtɛ la puan. Bala ma'a ti la dela bulika yu'uŋɔ yu'uŋɔ. Ban paaɛ la, Yuuduma mɛhi ka kɛ̃ naba yire la puan, ti ba da galum ba mɛhi, gee la ba ta'am di azɔɛtole de'eŋo la.

Azã 18:29

Bala ti Palete yehe paaɛ ba, soke ba yeti, “Beni tuure ti ya tara la buraa wa?”

Azã 19:34

Gee pɛntiireba ayima n tugum dikɛ a kanɛ lu' Yezu lugerɛ, ti bilam bilam ti ziim la ko'om ka'ɛ na.

Tõoma 10:38

Yinɛ n bi'ihɛ Yezu en yehe Nazareti na la, la Fa'a Sia, la paŋa se'em, la en yuum eere tuna sum se'em, gee tibera sɛba woo ti Sagena la mugeha ba, se'ere n sɔi Yinɛ en boi la en zuo.

Tõoma 2:27

Se'ere n sɔi la, fum Yinɛ kan zagehɛ n Sia bo' ki'intiŋa, bii fum bahɛ ti fum Fa'a daana wa wuu'ɛ.

Tõoma 4:30

gee ti fum mɛŋa tiɛ fum nu'o la fum tibɛ, gee ti nyalema la daalehum tuna Fa'a yameŋa yu'urɛ Yezu wa puan.”

Hiburuduma 7:26

La dela ma'a ti tu tara malema kiima kana taaba, en de fa'a, ka tara gbelegere, ka galum, ti ba yehe en ze'ele a ma'a ti a ka pa'ahɛ be'em duma puan, ti ba zɛkɛ en zom zuin zuin ha gaŋɛ saazuo wa.