Tõoma 26:18 - ZE'ELEGO PAALEGA

¹⁸ ti fum pikɛ ba nini ti ba ta'am ŋmɛregɛ lika la puan lebe niihum la puan na, ba yehe Sagena la bobere la puan wa'am Yinɛ ze'a na, la ba to'e ba be'em sugeri, gee me lagum pa'ahɛ sɛba n pee ba mɛhi doohe ban tari sakerɛ bo' mam se'em la.’

Tõoma 26:18 ပူးပေါင်းရင်းမြစ်များ

Amatie 4:10

Ti Yezu lebehe en yeti, “Fɔregɛ mam zi'an ha, Sagena wa! Se'ere en sɔi la, la gulehɛ yeti, ‘Na'aha Daana la en de fum Yinɛ la, ma'a, gee tuna bɔ'ɔra eŋa ma'a.’ ”

Amatie 4:16

nɛresɛba n daa zi' lika puan la nyaa nyɛ la niifum kãtɛ, Yamam sɛba nama en daa boi yɔɔen la, niifum nyaa niiɛ bo' ya.”

Aluki 1:77

Fum bo' a nɛreba la faarɛ mi'ilum, doohe ba be'em la sugeri dia,

Aluki 1:79

Bo wan niiɛ bo' sɛba en zi' lika puan, la sɛba en boi Kum nyɔ̃pɔ̃hega puan. Bo wan niiɛ gu'ura tu nama suma'ahum sore la zuo.”

Aluki 2:32

Se'em en de niihum wan niiɛ ti sɛba n dagi Yuuduma nyɛta la. Se'em en wan tari pɛka wa'am fum nɛreba Iziraleduma zuo na la.”

Aluki 24:45

Ti a nyaa yu'ɛ ba puti'irɛ ti ba bɔkɛ gɔnɔ la yɛla.

Aluki 24:47

ti a yu'urɛ puan ti ba wan muula teere en bo'ori , la be'em sugeri dia, pɔhera Yerusalɛm, la tihi za'a puan.

Aluki 4:18

“Daana Sia la en boi la mam, Se'ere en sɔi la, a sɔ mam mɛ ti n tari faarɛ yelehum wa na bo' naheduma. A tum mam na ti n wa'am na muulɛ fai yɛla bo' sɛba en boi bobere puan, gee bihɛ ti fɔɔhi nini pigehɛ gee bahɛ ti sɛba n boi mugehego puan kiŋɛ fai.

Azã 17:17

Pee ba ze'ele la yelemɛŋerɛ. Fum yelehum la n de yelemɛŋerɛ la.

Azã 3:19

Gakerɛ en de se'em en ŋwana. Niihum wa'am timpaberɛ wa zuo na, gee nɛreba nɔŋɛ la lika gana niihum la, beni zuo, ba tuni la be'em.

Azã 4:10

Ti Yezu lerege en yeti. “Fum han mi' ni Yinɛ bo'olum la n de sebo, la se'em n de' en yɛta hɔ ti, ‘Bu' mam ko'om ti n nyu wa,’ fum wan zuhɛ ni en, ti a bo' ni fum vomko'om.”

Azã 4:14

Gee sɛba woo n nyu ko'sebo ti mam wan bo' ba la, ko'nyuuro kan le malum tara bamam duma. Gee ko'sebo ti mam wan bo' ba la, wan lebege la bulega ba puan bula vom ko'om yɛ'ɛha vom en kamba'ahɛ puan.”

Azã 8:12

Ti Yezu le tɔgɛ bo' ba yeti, “Mam n de niihum bo' timpaberɛ wa. Se'em woo n dole mam kan malum kina lika puan, gee a wan tara vom niihum la.”

Azã 9:39

Ti Yezu yeti, “Mam wa'am timpaberɛ wa zuo na ti n gakɛ mɛ, ti sɛba n fɔ la nyɛta, ti sɛba n nyɛti la tee fɔ.”

Azã 9:5

Mam n nan boi timpaberɛ wa zuo wa, mam de timpaberɛ la niihum.”

Tõoma 10:43

Nɔtɔgeheba la woo yuum yele la eŋa yele ti, se'em woo n nam en, a be'em wan saalum Yezu yu'urɛ la zuo.”

Tõoma 13:47

Ŋwana wa la zuo, Daana pun bo' tumam a nuurɛ mɛ yeti, ‘Mam iŋɛ ya ti ya dɛna la niihum bo' sɛba n dagi Yuda buuri la, Ti ya bahɛ ti faarɛ paaɛ timpaberɛ wa zi'an woo.’ ”

Tõoma 15:9

En duuhe ba suya la bahɛ doohe ban nam la puan la, pa'alɛ yeti, yima yima ka boi tumam la bamam tiŋasuka.

Tõoma 2:38

Ti Pita yele ba yeti, Tee ya suya, ya za'a ayima ayima to'e ko'om sua Yezu Kiresta yu'urɛ la puan, ti Yinɛ di sugeri bo' ya be'em la, gee ti ya to'e Fa'a Sia la bo'olum la.

Tõoma 20:21

gee yɛta Yuuduma la, la Girikiduma ti ba tee ba suya lebe Yinɛ zi'an, gee sakɛ bo' Yezu

Tõoma 20:32

Gee nananawa, mam dikɛ ya ita la Yinɛ nu'uhen la a zu'uhegɔ yelehum la puan. Yelehum sebo n wan ta'am mɛ ya ze'ele, gee bo' ya tɔtɛ la sɛba n pee ba mɛhi la.

Tõoma 26:19

“Ŋwana n tole la, naba Agiripa, mam daa ka zagehɛ saazuo ligeri wa n lilege bo' mam wa,

Tõoma 26:23

Ba yuum purɛ ti Kiresta wan nyɛ mɛlehegɔ, gee dɛna yia daana ti a ihege a kum puan, la a muulɛ niihum yele wa bo' tumam nɛreba, tumam nɛreba wa yia gee nyaa bo' sɛba n dagi Yuuduma la.”

Tõoma 3:19

Bala zuo la, tee ya, la ya ŋmɛregɛ ya mɛhi bo' Yinɛ, ti a piiɛ ya be'em woo bahɛ,

Tõoma 5:31

Yinɛ zɛkɛ en mɛ ta zi'ire a zuɔ nu'o ti a dɛna Nɛŋa Daana, la Faara, ti a bo' Izirale suteere la yelebe'ero sugeri.

Aromduma 8:17

ti tu han dɛna Yinɛ kɔma, tu dela sɛba en wan sooe sɔna, tu dela Yinɛ kɔma wan sooe Yinɛ lɔgerɔ sɔna. Tu naaɛ mɛ la Kiresta sooe sɔna Yinɛ lɔgerɔ, tu han sirum namehɛ la en, tu me wan ta lagum nyɛ suŋa la en.

1 Korẽntɩ 1:2

en gulehɛ bɔ'ɔra Yinɛ Lageŋɔ la en boi Korinti tiŋa, la sɛba ti ba soke ba, Yezu Kiresta puan, gee yi ba ti ba dɛna nɛresunduma, ta pa'ahɛ la sɛba woo en boi ze'sɛka woo yi'ira Yezu Kiresta yu'urɛ la, ti a dɛna bamam la tumam Daana la.

1 Korẽntɩ 1:30

Yinɛ en de ya vom nyɛgerɛ, Kiresta Yezu puan, se'em en de tu yɛm, ze'ele Yinɛ zi'an na, dɛna tuuntɔɔ la, se'em en sokere la, la ayɔto'e daana la,

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

2 Korẽntɩ 6:14

Da tari ya mɛhi naara yoo yoo la sɛba n ka dole Yezu. Se'ere en sɔi la, beni nɔyinɛ en boi la sɛla n de tuuntɔɔ la sɛla n dagi tuuntɔɔ? Beni sɔhega n boi lika la niihum tiŋasuka?

Galatɩ 2:20

La le dagena mam mɛŋa en vɔi, gee la dela Kiresta en vɔi mam puan. Ti vom sebo ti n vɔna inganɛ puan nananawa, n vɔi mɛ la sakerɛ Yinɛ Dayua la, se'em en nɔŋɛ mam gee dikɛ a mɛŋa kaabɛ bo' mam la puan.

Galatɩ 3:14

La iŋɛ ŋwana ti Yezu Kiresta puan, Aberaham sum la wan paaɛ sɛba en dagi Yuuduma la, ti tumam me to'e Fa'a Sia nɔbiŋere la sakerɛ puan.

Galatɩ 3:2

Yele yinɛ se'ere ma'a ti mam bɔta ti n baŋɛ ya zi'an dela, Yamam to'e Fa'a Sia la doohe la yan tuni ze'elego la yɛla se'em bii, yan nam sɛla ti ya wum la?

Efɛɛzɩ 1:11

Kiresta puan, tu tari tɔtɛ mɛ, ban pun maahum tɔ bo' eŋa se'em daana en ba'aheri sɛla woo a mɛŋa kã'aŋɔ la a sumboolum puan la.

Efɛɛzɩ 1:14

Yele dina en de daalehum, pa'alɛ ti tu tari tɔtɛ en yɔ to'e tu ti tu dɛna Yinɛ mɛŋa nɛreba la dɛna pɛka bo' a suŋa la.

Efɛɛzɩ 1:18

Bala ti ya suure wan yu'ɛ, ti ya nyɛ niihum la, la ya baŋɛ beere puti'irɛ se'ere zuo ti a yi' ya na la, la tarega sɛka en boi suŋa tarega la puan bɔ'ɔra nɛresunduma la,

Efɛɛzɩ 1:7

Eŋa puan ti Yinɛ yɔ to'e tu a ziim la puan, gee di sugeri bo' tu tuure, doohe a zu'uhegɔ la en seke paaɛ paaɛ la,

Efɛɛzɩ 2:8

La dela zu'uhegɔ zuo ti ya nyɛ faarɛ, doohe sakerɛ puan. Dina dagi ya mɛhi en iŋɛ sɛla, gee la dela Yinɛ bo'olum.

Efɛɛzɩ 4:18

Lika n pi' ba bɔkerɛ, yehe ba mɛhi Yinɛ vom sum la puan, la ban ka mi' sɛsɛla, gee ti ba suya dagelum la zuo.

Efɛɛzɩ 5:11

Da lagum tuna ya lika puan tuunsɛ'a n ka tari walesuma la, gee tugum viie ya ba fihi.

Efɛɛzɩ 5:14

Se'ere en sɔi la, sɛla woo n ka sugɛ dela niihum n niiɛ bahɛ la zuo. Bala ti la gulehɛ yeti, “Gɔgihera wa, ihege! Ihege kum la puan, ti Kiresta niiɛ bahɛ fum zuo.”

Efɛɛzɩ 5:8

Se'ere en sɔi la, ya daa nan boi la lika puan, gee nananawa Daana la puan, ya dela la niihum. Bala Vɔni ya wuu kɔmsɛba n boi niihum puan la.

Efɛɛzɩ 6:12

Se'ere en sɔi la, tu ka zaberɛ mɛ la dima en tari ziim la kuba, gee tu zaberɛ mɛ la bumbɛ'ɛhi en sɔi zi'ihi biha, tu zaberɛ mɛ la pahi, la kpe'eŋo en boi sabeeo puan, buuri sankana wa en boi lika puan wa. Tu zaberɛ mɛ la sia puan pambɛ'ɛhi en boi zi'ihi se'ehi saazuo ha.

2 Timoti 2:26

la ba ta'am piiɛ bumbɛ'a bɛregɔ la, bamam sɛba ti a pun nyɔkɛ ti ba dɛna a da'aba ti ba tum a puti'irɛ la.

Hiburuduma 10:10

Ti la dɛna la Yinɛ mɛŋa sumboolum zuo, ti ba pee tumam doohe Yezu Kiresta inganɛ la en dikɛ kaabɛ buyina za'a za'a bo' nɛra woo la.

Hiburuduma 10:14

Se'ere en sɔi la, kaabegɔ kuyina ma'a puan, ti a bahɛ ti ba bi'ɛ kahegɛ saŋa woo, bamam sɛba en kɔ'ɔm dɛna filam la.

Hiburuduma 11:6

Bala, sakerɛ han ka bɔna, la kpe'em mɛ ti fum tigɛ Yinɛ nini, se'ere en sɔi la, se'em woo en wa'am a zi'an na, dela a mina ti Yinɛ boi mɛ, gee yɔɔra sɛba woo en eere en la ninmu'urɛ.

Hiburuduma 9:15

Dina wa zuo ti a dɛna nupu'ŋmɛ'ɛra bo' nɔpu'ulepaalɛ la, ti bala ti sɛba ti ba yi' la wan ta'am to'e nɔbiŋere lɔkɔ la en ka tari ba'ahegɔ la. Se'ere en sɔi la, kum n ki to'e ba, ba tuure la en daa boi yia nɔpu'ulegɔ la puan la.

Yemesi 2:5

Kelehe ya, n sunɔŋerɛ duma. Yinɛ ka looe la naheduma timpaberɛ wa zuo ti ba dɛna buntateba sakerɛ puan, la ba ta sɔna sɔ'ɔlum la ti Yinɛ biŋe nuurɛ bo' sɛba en nɔŋɛ en la?

1 Pita 1:4

A yi ya mɛ ti ya to'e lɔgerɔ seto en ka sageni, ka galum, ka kuregera, en maahum biŋe saazuo ha gura ya.

1 Pita 2:25

Se'ere en sɔi la, ya daa bɔregɛ mɛ wuu piihi la, gee nananawa, ya ŋmɛregɛ lebe la dunkiina sɛka en guri ya sɛɛhi la zi'an na.

1 Pita 2:9

Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.

1 Zã 1:9

Gee tu han purɛ tu tuure la, eŋa se'em daana en de yelemɛŋerɛ la tuuntɔɔ daana la, wan di sugeri bo' tu tuure la gee pee tu yehe sɛla woo en dagi ma'a puan.

1 Zã 2:12

N gulehɛ bɔ'ɔra la yamam, n kɔmbibehi wa, beni zuo, Yinɛ bahɛ ya tuure bo' ya a yu'urɛ la zuo la.

1 Zã 3:8

Se'em woo en tari tuure dela Sagena la bia, se'ere en sɔi la, Sagena la pun tuura mɛ la bala pi'ileŋen na. Yinɛ Dayua la niiɛ na la yele dina zuo, ti a lorege Sagena la tuuma za'a za'a.

1 Zã 5:19

Tumam mi' ti tu dela Yinɛ kɔma, gee be'em en ba' zo'e tiŋa wa zuo za'a.

Azudi 1:1

Mam Yude en de Yezu Kiresta da'aberɛ la, dɛna Yemesi suuɔ la en gulehɛ bɔ'ɔra yamam sɛba ti Yinɛ yi' la, yamam sɛba ti Yinɛ en de Sɔ la nɔŋɛ, gee dikɛ ya sugɛ biŋe bo' Yezu Kiresta la.

Lilegere 21:27

Gee sɛla en de galeŋɔ lɔkɔ kan kɛ̃ ka puan, bii se'em en iti be'em bii pumpɔreŋɔ tuuma. Gee sɛba ma'a yu'ura en gulehɛ bɔna Pebila la Vom gɔŋɔ la puan.