Tõoma 26:10 - ZE'ELEGO PAALEGA

¹⁰ Mam daa sirum tuni se'em Yerusalɛm puan n bala. Mam daa to'e kpe'eŋo seko malema kiinduma la zi'an la, mam daa ka pagɛ nɛresunduma ma'a, gee mam dela se'em en ni pa' ba poore ti ba ku ba ba han ta yeti ba ku.

Farefare Ninkaré

¹⁰ Mam tõm na bɛla Zerizalɛm, la mam daan to'oge nõorɛ kãabgɔ kẽma nẽŋadõma zẽ'am mɛ, yõgɛ Nawẽnnɛ nẽrba zozo'e botɩ ba kẽ'esɛ ba yʋ'a deem, di ba sarɩya yetɩ ba kʋ ba, tɩ mam daan sakɛ.

Tõoma 26:10 ပူးပေါင်းရင်းမြစ်များ

Tõoma 7:58

Nyaa vuue en yehe tiŋa la kinkɛleŋa ha, pɔhɛ lɔbera en la kuga. Ti aze' nyɛ duma la yɛɛhɛ ba futo biŋe budibele paalega ti ba yi'ira ka Sɔɔl nɛŋan.

Tõoma 8:1

Ti Sɔɔl to'e kua la ti ba ku la. De daarɛ mɛa ti mɛlehegɔ kãtɛ sige Yezu lageŋɔ la zuo Yerusalɛm puan, ti han dagena tuntuneba la ma'a, sɛba n nam la za'a zɔ yiregɛ mɛ kiŋɛ Yudiya la Samariya kinkɛlehi tihi puan.

Tõoma 8:3

Gee Sɔɔl mu'ɛ la nini ba'ahera Lageŋɔ la, doohe la en dole yire yire vɛ'ɛra sɛba n nam la, buraahi la pɔgehi, tara kina ti ba pagera ba.

Tõoma 9:21

Ti la iŋɛ sɛba woo en kelehe la pakerɛ, ti ba sɔkera yeti, “Dagi buraa kana n bala n pɔgelum nɛreba Yerusalɛm ha ti ba yi'iri yu'dina wa zuo la? A ka wa'am ka'lam na bala zuo na? Ti a nyɔgɛ ba mɛ bobe ta bo' malema kiinduma la?”

Tõoma 9:26

Sɔɔl n wa'am na paaɛ Yerusalɛm la, maahum a mɛŋa ti a lagum Yezu zahereba la, gee ba za'a me zoti en me, se'ere n sɔi la, ba ka nam ti a dela Yezu zahera.

Tõoma 9:32

Pita n daa dole kaara la, a ta kiŋɛ la nɛresunduma sɛba n boi Lida la.

Tõoma 9:41

Ti Pita tiɛ a nu'o gurɛ en, suŋɛ en ti a ihege ze'ele. Ti a nyaa yi' nɛresunduma la la pokɔpa la, dikɛ en voto pa'alɛ ba.

1 Korẽntɩ 15:9

Se'ere en sɔi la, mam n pɔ'ɛ Yezu tuntuneba la puan, ka nara ti ba yi'ira mam a tuntuna, se'ere n sɔi la, mam n daa dole mɛleha Yinɛ lageŋɔ la.

Galatɩ 1:13

Ya wum ya, gee me ka bu'ura mam en daa vɔi se'em Yuuduma pu'uhegɔ la puan. Mam daa gbiregeri mɛ, mɛleha Yinɛ lageŋɔ la, zigera n sagum kɔ.

Efɛɛzɩ 1:1

Mam Pɔɔl, en de Kiresta Yezu tuntuna,Yinɛ sumboolum zuo la. N gulehɛ gɔŋɔ wa bɔ'ɔra la nɛresunduma en boi Ɛfisu, dɛna sakerɛ duma Kiresta Yezu puan la.

Lilegere 17:6

Ti mam nyɛ ti pɔka wa buge mɛ la en nyu Yinɛ nɛresunduma ziim, la sɛba en muuli Yezu yele la sukpe'ene la ziim la. Mam en nyɛ ka la, la ba' iŋɛ mam la pakerɛ.