Tõoma 20:7 - ZE'ELEGO PAALEGA

⁷ Dabeha ayopɔi pɔhega daarɛ, ti tu lagehɛ na ti tu di Daana tuulum dia la, ti Pɔɔl nyaa suhera suhega la ba, la eŋa n maahum ti a bahɛ yiimbeere la. A tɔgɛ la bala ta paaɛ yu'uŋɔ sunsua.

Farefare Ninkaré

⁷ La vo'osgo daarɛ ayɩla yʋ'ʋŋɔ, tɩ tõma lagsɛ tɩ tɩ di, dee fiise borborɩ. Tɩ Apolɩ daan isge tɔgra Nawẽnnɛ yetɔga la nẽrba la halɩ ka paagɛ sõnsʋa, se'ere n soe la, a boorɩ tɩ beere sãn wiige, a fõrgɛ mɛ.

Tõoma 20:7 ပူးပေါင်းရင်းမြစ်များ

Amarkɩ 16:9

[Yezu n vo'e a kum la puan la bulika ma'aherɛ ma'aherɛ, dabeha ayopɔi pɔhega daarɛ la, a niiɛ a mɛŋa pa'alɛ la Mɛɛri yia, Mɛɛri Magedalin se'em ti a sa'ahɛ Kulekpa'bɛ'ɛhi siyopɔi a puan la.

Aluki 22:19

Gee dikɛ boroboro, en bo' fara ba'ahɛ la, a fike boroboro la mɛ bo' ba gee yeti, “Mam iŋa en ŋwana dikera bɔ'ɔra ya wa. Iti ya ŋwana tɛra n yele.”

Aluki 24:35

Ti ba nyaa yele ba sɛla en iŋɛ sore la zuo la, la en niiɛ a mɛŋa bo' bamam se'em boroboro figehego saŋa la.

Azã 20:1

Bulika yu'uŋɔ yu'uŋɔ,Dabeha ayopɔi pɔhega daarɛ, ti la nan ka yilegɛ ba'ahɛ, ti Mɛɛri Magedalin wa'am yɔɔ la puan, nyɛ ti ba yehe tansɛka n dikɛ yu' yɔɔ la nuurɛ la mɛ.

Azã 20:19

Dabeha ayopɔi pɔhega daarɛ zaanuurɛ, ti Yezu zahereba la lagehɛ bɔna yire deyima puan, gee yu' yire la nayahi za'a, dabeem n tari ba Yuuduma la zuo. Ba ta yeti ba bihɛ ti Yezu kɛ̃ na zɛ'a la ba, pu'uhɛ ba yeti, “Suma'ahum bɔna la ya.”

Azã 20:26

Ti la le paaɛ dabeha ayopɔi, ti Yezu zahereba la le lagehɛ yire la puan, ti Tɔmasi bɔna bini. Ti ba yu' yire la kulehi la za'a. La ban yu' kulehi, Yezu wa'am me na, zɛ'a la ba, gee yele ba yeti, “Suma'ahum bɔna la ya.”

Tõoma 16:10

Eŋa n nyɛ lilegere dina wa la, ti tu ihege bilam bilam, zigera ti tu yakɛ kiŋɛ Masedoniya, se'ere n sɔi la tu sakɛ ya ti Yinɛ n yi' tu ti tu kiŋɛ ta muulɛ faarɛ la bo' ba .

Tõoma 2:42

Ti nɛrebana wa kaabɛ ba mɛhi bo' tuntuneba pa'alegɔ la, la lageŋɔ la taaba, lagum ɔbera boroboro, la pu'uhegɔ.

Tõoma 2:46

Beere en yilegeri woo, ba tari la saŋa zo'e zo'e bɔna pu'uhegɔ yire la puan zameha, tɔta boroboro la la taaba, gee dɔla taaba yiya dita la taaba la pupeelum la bu'a suya la taaba,

Tõoma 20:11

Ti Pɔɔl le zom saazuo la ha, ti ban ta di Daana tuulum dia la ba'ahɛ la, ti a le pɔhɛ suhega la ba tara tara ti beere ta yilegera, ti a nyaa bahɛ ba gee kiŋɛ.

Tõoma 20:31

Bala zuo la, ani ya wire, gee tɛra ti yuuma atã ti mam ka go'e n tɔgera bɔ'ɔra ya yu'uŋɔ la wuntɛɛŋa, ka'ana ya ayima ayima la ninmu'urɛ la nintam.

Tõoma 20:5

Bana woo diŋɛ la nɛŋa ta gura tu Torowase,

Tõoma 20:9

Ti budibele paalega ti ka yu'urɛ yi'ira Yutikuse, zi'a lɛm takole nuuren, ti guum zɛɛ en ti a giha gee ti Pɔɔl kelum tɔgera wɔgera. Ti budibela wa gihi tole nyaa ta ze'ele yitugema butã puan la, lu ta paaɛ tiŋa, ti ba ɔ̃begɛ en ti a ki mɛ.

Tõoma 28:23

Ban daa ta ze'ele dabeherɛ ti ma le tu'uhɛ la ena la, ba wa'am la a ga'aregɔ zi'an na, ba nɛrekuuŋɔ. Ze'ele bulika tara tara la zaanuurɛ, ti a tu' yele la n ani se'em bo' ba, yɛta ba Yinɛ sɔ'ɔlum la n ani se'em, zigera ti a tee ba puti'ira la Yezu, ze'ele Moose ze'elego la, la nɔtɔgeheba la puan.

1 Korẽntɩ 10:16

Sum wanɛ la ti tu ni ka' bahɛ de puan la, tu ni ka nyuura la Kiresta ziim la n bala de puan la? Boroboro la me ti tu ni gi'ihɛ la, tu ni ka tɔta la Kiresta iŋa la en bala?

1 Korẽntɩ 15:10

Gee Yinɛ zu'uhegɔ la zuo, mam dela mam en de se'em la, ti a zu'uhegɔ la ti a dikɛ bo' mam la me ka bahɛ yoo. Gee mam tugum tum mɛ paaɛ paaɛ gaŋɛ ba za'a. La dagi mam mɛŋa paŋa, gee Yinɛ zu'uhegɔ la n boi la mam la.

1 Korẽntɩ 16:2

Dabeha ayopɔi woo pɔhega daarɛ, nɛra woo ni yehe en nyɛ nyuurɔ se'em la puan biŋe, ti la de ta dɛna ya lagehɛ, n han ta wa'am na.

2 Timoti 4:2

Muula yelehum la, kɔ'ɔm zɛ'a mɛ kankaŋi, sum saŋa bii be'ero saŋa, tɔgera tɛɛra, tahɛ, kpɛmeha, la pa'alegɔ sugeri zo'e, zo'e.

Lilegere 1:10

Mam wa bɔna la Sia puan Daana dabeherɛ la puan, gee wum n pooren, ti kua kɛ'ɛŋa en ani wuu tintanɛ en peeberi la,