Tõoma 2:39 - ZE'ELEGO PAALEGA

³⁹ Se'ere n sɔi la, Yinɛ n biŋe a nuurɛ ti a iŋɛ se'em la dela ya dinɛ la ya kɔma, ta ta' se'em woo n zaaɛ gee ti Daana la yi' en.

Farefare Ninkaré

³⁹ Nawẽnnɛ n yʋʋn bĩŋe a nõorɛ la, de la yãma la ya kɔma, la sɛba wuu n boe zẽ'a n zãagɛ tɩ tɩ Zuudãana Nawẽnnɛ wʋn wa wi ba a zẽ'am na ĩyã.»

Tõoma 2:39 ပူးပေါင်းရင်းမြစ်များ

Tõoma 10:45

Ti sakereba la en ŋma en doohe Pita na la zɛ'a yɛli, la Fa'a Sia bo'olum la n lagum sige sɛba n dagi Yuda buuri la zuo.

Tõoma 14:27

Ban wa'am na na paaɛ la, ba yi' lageŋɔ la za'a mɛ lagehɛ na, nyaa yele sɛla woo ti Yinɛ dikɛ ba tum la ba, la Yinɛ n yu'ɛ sakerɛ kuleŋa se'em bo' sɛba n dagi Yuda buuri la se'em.

Tõoma 15:14

Simeyɔn (Yu'urɛ wa ta'am yi'ira Simɔn se'em yu'urɛ deyima en de Pita la). pun pa'alɛ Yinɛ en pɔhɛ zɔ sɛba n dagi Yuda buuri wa nimbu'ɔ se'em, gee yeti a yehe nɛreba ba puan ti ba yi'ira a yu'urɛ la.

Tõoma 15:3

Ti lageŋɔ la tum ba, ti ban dole Fonisiya la Samariya la, ba yeti sɛba n dagi Yuda buuri la teere mɛ, ti sakereba la za'a n boi ze'se'ehi la puurɛ pee.

Tõoma 15:8

Gee Yinɛ se'em n mi' asaala suuren la, pa'alɛ yeti ba nari mɛ doohe la n bo' ba a Fa'a Sia la, wuu en yuum bo' tumam se'em la.

Aromduma 11:29

Se'ere en sɔi la, Yinɛ bo'olum, la a yi'a ka lukere.

Aromduma 8:30

Sɛba ti a maahum ba ze'ele la, bamam ti a yi', ti sɛba ti a yi' la, a bo' ba la buurɔ, ti sɛba ti a bo' ba buurɔ la, bamam ti a pirɛ ba la suŋa.

Aromduma 9:24

ta' la tumam sɛba ti a yi tu, dagi la Yuu buuri puan ma'a, gee sɛba en dagi Yuu buuri la me la?

Aromduma 9:4

Ba dela Izirale buuri wa. Bama ti Yinɛ to'e ba biha, pa'alɛ ba a suŋa, nɔnaarɛ, ze'elego, na'ahegɔ, la a nɔbiŋere la dɛna ba dinɛ.

1 Korẽntɩ 7:14

Se'ere en sɔi la, sira wa en ka sakɛ bo' Yezu la lebege la tuulum nɛra, a pɔga wa zuo. Bala mɛa ti pɔgesɛka en ka sakɛ bo' Yezu la me wan lebege tuulum nɛra a sira la zuo. Han dagena bala, ba kɔma la kan dɛna tuulum kɔma. Gee lan de se'em la, ba dela tuulum kɔma.

Efɛɛzɩ 1:18

Bala ti ya suure wan yu'ɛ, ti ya nyɛ niihum la, la ya baŋɛ beere puti'irɛ se'ere zuo ti a yi' ya na la, la tarega sɛka en boi suŋa tarega la puan bɔ'ɔra nɛresunduma la,

Efɛɛzɩ 2:12

Tɛri ya ti sankaŋa puan la, ya yuum ka mi' Kiresta, dɛna zanku'uma Izirale timpaberɛ, dɛna saama bo' nɔpu'ulegɔ nɔbiŋere la, ka tara beere puti'irɛ, gee me ka mina Yinɛ timpaberɛ wa zuo.

Efɛɛzɩ 4:4

Se'ere en sɔi la, Iŋa kayina, la Fa'a Sia kayima ma'a en boi, wuu ban yi' ya beere putɛ'yinɛ wa puan se'em la.

2 Tesaloniki 1:11

Lan paaɛ ŋwana beene la, tu pu'uheri saŋa woo mɛ bɔ'ɔra ya, suhera ti Yinɛ wan bahɛ ti ya nara la a yi'a la ti a yi' la. A wan doohe a paŋa la puan bahɛ ti ya putɛ'suma la ya sakerɛ tum,

2 Timoti 1:9

se'em en faaɛ tɔ, gee yi' tu tuulum yi'a, dagi la tu tuuma zuo, gee eŋa mɛŋa en boti se'em, la a zu'uhegɔ zuo. Zu'uhegɔ kuna wa dikɛ bo' tu doohe la Kiresta Yezu puan, diimen diimen ha,

Hiburuduma 3:1

Bala zuo n suurɔ, n tuulum nɛre tadaanduma Yinɛ saazuo yi'a wa puan wa, bihɛ ya suŋa suŋa Yezu en de tuntuna, gee dɛna malema kiima bo' tumam sakerɛ yelehum la wa la,

Hiburuduma 9:15

Dina wa zuo ti a dɛna nupu'ŋmɛ'ɛra bo' nɔpu'ulepaalɛ la, ti bala ti sɛba ti ba yi' la wan ta'am to'e nɔbiŋere lɔkɔ la en ka tari ba'ahegɔ la. Se'ere en sɔi la, kum n ki to'e ba, ba tuure la en daa boi yia nɔpu'ulegɔ la puan la.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

2 Pita 1:10

Ŋwana zuo, n suurɔ, kɔ'ɔm mu'ɛ ya nini ti ya pa'alɛ, ti Yinɛ en yi' ya gee looe ya. Se'ere en sɔi la, ya han ita yele ana, ya kan malum sɛregɛ.

2 Pita 1:3

Yinɛ sia puan paŋa la bo' tu sɛla woo ti tu bɔta, ti tu ta'am vɔna gee tara Yinɛ zoolum doohe tumam mi' se'em daana en yi' tu a mɛŋa suŋa, la a itesuŋɔ puan la.

Lilegere 17:14

Ba wan kɔ' zaberɛ la Pebila la, gee Pebila la wan nyaŋɛ ba. Se'ere en sɔi la, Pebila la en de Daanduma Daana, la Naduma naba. Ti sɛba en boi la en la, a yi' ba mɛ, gee loohe ba ti ba dɛna sakereba.”

Lilegere 19:9

Ti suŋera la yele mam yeti, “Gulehɛ dina wa: Sum boi mɛ la sɛba ti ba yi' ba, ti ba wa'am Pebila la pɔgedire zaanuurɛ dia la puan na la.” Gee le yele mam yeti, “Yele dina wa dela Yinɛ mɛŋa yelemɛŋerɛ yetɔgum.”