Tõoma 2:38 - ZE'ELEGO PAALEGA

³⁸ Ti Pita yele ba yeti, Tee ya suya, ya za'a ayima ayima to'e ko'om sua Yezu Kiresta yu'urɛ la puan, ti Yinɛ di sugeri bo' ya be'em la, gee ti ya to'e Fa'a Sia la bo'olum la.

Farefare Ninkaré

³⁸ Tɩ Apɩyɛɛrɩ lerge ba yetɩ: «Teege-ya yɛm basɛ tõon-be'ero, tɩ ya nẽra woo botɩ ba mise ẽ ko'om pʋam la Azezi-krisi yʋ'ʋrɛ, tɩ Nawẽnnɛ basɛ ya tõon-be'ero taalɛ dee bɔ ya a Sɩa la.

Tõoma 2:38 ပူးပေါင်းရင်းမြစ်များ

Amatie 28:19

Bala, kiŋɛ ya timpaberɛ wa zuo za'a, la ya maahum zahereba bo' mam. Sɔ ya ba ko'om doohe, Sɔ la, la Dayua la, la Fa'a Sia yu'urɛ puan,

Amatie 3:2

“Tee ya, gee Saazuo sɔ'ɔlum la pɔri na.”

Amatie 3:6

ti ba puta ba be'em ti a sɔɔra ba ko'om Yɔɔdan kulaa la puan.

Amatie 4:17

Pɔhɛ saŋa kaŋa, ti Yezu pɔhɛ muula yeti, “Tee ya, gee saazuo sɔ'ɔlum la lɛm na.”

Amarkɩ 1:15

yeti, “Saŋa la paaɛ ya, Yinɛ sɔ'ɔlum la ka zaaɛ. Tee ya la ya sakɛ bo' Faarɛ yelehum la.”

Amarkɩ 16:16

Se'em woo n sakɛ bo' yelehum la gee sɔ ko'om n wan nyɛ faarɛ, gee se'em woo me n ka sakɛ wan nyɛ sageŋɔ.

Aluki 24:47

ti a yu'urɛ puan ti ba wan muula teere en bo'ori , la be'em sugeri dia, pɔhera Yerusalɛm, la tihi za'a puan.

Aluki 3:10

Ti nɛrekuuŋɔ la soke en yeti, “Beni ti tu nyaa wan iŋɛ?”

Tõoma 10:43

Nɔtɔgeheba la woo yuum yele la eŋa yele ti, se'em woo n nam en, a be'em wan saalum Yezu yu'urɛ la zuo.”

Tõoma 10:48

Ŋwana ti Pita nyaa bo' sore ti ba sɔ nɛreba la ko'om Yezu Kiresta yu'urɛ puan. Ti nɛreba yele Pita ti a kɛ̃ la ba yuue fii wa.

Tõoma 13:38

Bahɛ ti n yele ya ti ya baŋɛ zina n suurɔ, ti la doohe la buraa kana Yezu Kiresta wa puan, ti tu muula sugeri dia yelehum wa bɔ'ɔra ya wa la.

Tõoma 16:15

Kaŋa la ka yire nɛreba la za'a n ta to'e ko'om sua la, ka bɛlena tumam yeti, “Ya han sirum nyɛ mam ti mam dela sakera Daana la puan, wa'am ya na kɛ̃'ɛ̃ra mam yire.” Ka tɔgera la bala tara tara ta nyaŋɛ tɔ.

Tõoma 17:30

Saŋa daa boi ti Yinɛ daa ka dikɛ saaleba yɛmka'alum ti la dɛna daaŋɔ. Gee nananawa, a bo' nɛrawoo n boi ze'sɛka woo la nuurɛ ti ba tee,

Tõoma 20:21

gee yɛta Yuuduma la, la Girikiduma ti ba tee ba suya lebe Yinɛ zi'an, gee sakɛ bo' Yezu

Tõoma 22:16

Bala, nananawa, ŋwani ti fum gu'una? Ihege ze'ele, la fum sɔ ko'om, ti ba saalum fum be'em bahɛ, fum yi'iri a yu'urɛ la.’

Tõoma 26:18

ti fum pikɛ ba nini ti ba ta'am ŋmɛregɛ lika la puan lebe niihum la puan na, ba yehe Sagena la bobere la puan wa'am Yinɛ ze'a na, la ba to'e ba be'em sugeri, gee me lagum pa'ahɛ sɛba n pee ba mɛhi doohe ban tari sakerɛ bo' mam se'em la.’

Tõoma 26:20

gee n daa yele de bo' la sɛba n boi Damasekuse puan yia, gee nyaa tagelɛ Yerusalɛm, nyaa tagela Yudiya kɔrɔmkɔrɔm, nyaa dikɛ sɛba n dagi Yuda buuri la me, ti bamam me tee la ba ŋmɛregɛ lebe Yinɛ zi'an, la ba tuna tuunsɛ'a n pa'alɛ ti ba tee ya.

Tõoma 3:19

Bala zuo la, tee ya, la ya ŋmɛregɛ ya mɛhi bo' Yinɛ, ti a piiɛ ya be'em woo bahɛ,

Tõoma 5:31

Yinɛ zɛkɛ en mɛ ta zi'ire a zuɔ nu'o ti a dɛna Nɛŋa Daana, la Faara, ti a bo' Izirale suteere la yelebe'ero sugeri.

Tõoma 8:12

Gee lan nyaa wa'am na ti nɛreba la nam Filipi en muuli faarɛ la doohe Yinɛ sɔ'ɔlum la Yezu Kiresta yu'urɛ la, ba to'e la ko'om sua, buraahi la pɔgehi za'a.

Tõoma 8:20

Gee Pita yele en yeti, “Fum la fum ligeri la bahɛ yoo, la fum ti'ihɛ ti fum wan ta'am da' Yinɛ bo'olum wa la ligeri la.

Aromduma 6:3

Ya ka mi' ti tumam sɛba woo en sɔ tɔ Kiresta Yezu puan la, ba sɔ tɔ ki'ihɛ la a kum la puan?

Efɛɛzɩ 1:7

Eŋa puan ti Yinɛ yɔ to'e tu a ziim la puan, gee di sugeri bo' tu tuure, doohe a zu'uhegɔ la en seke paaɛ paaɛ la,

Taitusi 3:5

a faaɛ tu mɛ, dagi la tu tuntɔɔnɛ tuuma ti tu tum zuo, gee a nimbɔ'zɔrɛ la, doohe ko'om dɔgum paalemɔ la, la teere se'ere ti Fa'a Sia la tee tu la.

1 Pita 3:21

Ko'om sua wa ti yele dina wa yuum ze'ele bo' la, en faaɛ ya bahɛ nananawa. Dagi la bu yehe la dɛgerɔ ya iŋa puan, gee bu dela Ko'om sua sɛka ti tu suhera Yinɛ ti a bo' tu putɛ'sunɛ doohe Yezu Kiresta vo'ore la puan.