Tõoma 18:12 - ZE'ELEGO PAALEGA

¹² Gee Galiyo n wa biha Akaiya tiŋa la, ti Yuuduma wa lagehɛ taaba gbirege la Pɔɔl, tari en wa'am tugum yire puan na.

Farefare Ninkaré

¹² La wakat-sɛka tɩ Agaliyõ daan de Akayi so'olʋm gɔmna la, Zifdõma daan isge naagɛ la taaba dõrɛ Apolɩ tarɩ ẽ sẽŋɛ sarɩyadia zẽ'am,

Tõoma 18:12 ပူးပေါင်းရင်းမြစ်များ

Amatie 27:19

Eŋa n zi' kuka la zuo ti a gakɛ la, ti a pɔga bo' en sɔɔleŋa yeti, “Da bahɛ ti fum nu'o lagum bɔna buraa wa en de tuuntɔɔ wa kua puan, se'ere n sɔi la, zina mam namehɛ en zaaheŋɔ puan mɛ a zuo.”

Azã 19:13

Palete n wum yetɔgebuna wa la, a tari Yezu yehe me na, yiŋa na, gee zi'ire gakerɛ kuka la zuo, zɛ'sɛka ti ba yi'ira kuga zinzaka la, bii Heburu puan, Gabata la.

Tõoma 13:12

Gee nɛŋadaana wa n nyɛ sɛla n iŋɛ la ti a nam yelehum la se'ere n sɔi la Daana la pa'alegɔ la iŋɛ en la pakerɛ paaɛ paaɛ.

Tõoma 13:50

Gee Yuuduma la doohe mɛ dɔrɛ pɔge se'ehi en kaabɛ si mɛhi bo' pu'uhegɔ la, mina si nɛŋa si poore la, la buraahi se'ehi n de zuto duma tiŋa la puan la, ti ba gbirege Pɔɔl la Banabase, sa'ɛ ba yehe tiŋa la puan.

Tõoma 13:7

A boi mɛ la nɛŋa daana Segiyose Pɔɔlusi, en de mi'ilum daana yi' Barabase la Sɔɔl, bɔta ti a wum Yinɛ yelehum la.

Tõoma 13:8

Gee tiindaana Elymas (a yu'urɛ la vuurɛ n bala), eŋa ka sakɛ bo' ba, gee zigera ti a tee nɛŋadaana wa puti'irɛ yehe sakerɛ la puan.

Tõoma 14:19

Gee Yuuduma basɛba n ze'ele Antiyoke la Ikonium tihi puan na, tɔgɛ nyaŋɛ ti nɛrekuuŋɔ la ti ba pa' ba poore. Nyaa lobe Pɔɔl, vuue en yehe tiŋa la yiŋa ha ta bahɛ ti'iha ti a ki mɛ.

Tõoma 14:2

Gee Yuuduma sɛba n ka nam yelehum la dɔrɛ sɛba n dagi Yuda buuri la, tu'ule ba puti'ira la suurɔ la.

Tõoma 17:13

Gee Yuuduma sɛba n boi Tɛsalonika la n ta wum ti Pɔɔl le muulɛ yelehum la me, ba ɛ Beroya tiŋa puan mɛ, ti ba ihege wa'am bilam me na, ti ba gbirege gee tu'ule nɛrekuuŋɔ la.

Tõoma 17:5

Gee nyuure n kɛ̃ Yuuduma la basɛba, ti ba me nyɛ nɛreyaalehi sise'ehi n boi da'a, ti ba pa' ba poore, ti ba nyaa lagehɛ taaba bahɛ ti gbiregeri kãtɛ sige tiŋa la puan. Ban eere Pɔɔl la Silase ti ba tari ba na ze'ele nɛrekuuŋɔ tiŋasuka la, ba kiŋɛ ta zabɛ mɛ la Yason yire.

Tõoma 18:11

Ti Pɔɔl yee tiŋa la puan yuunɛ la ŋmarehi siyoobe, pa'ala nɛreba la Yinɛ yelehum la.

Tõoma 18:27

Buraa wa ta maahum ti a kiŋɛ Akaiya la, suurɔ la za'a daa pa' la a poore kpɛmeha en ti a kiŋɛ, gee nyaa gulehɛ gɔŋɔ bo' zahereba la n boi bilam la yeti ba to'e en suŋa . En ta paaɛ la, a nyaŋɛ kpemehe sɛba woo ti zu'uhegɔ zuo ba lebege sakereba la mɛ.

Tõoma 19:21

Yele ana wa woo n iŋɛ ba'ahɛ la, Pɔɔl maahum mɛ Sia la puan ti a doohe Masedoniya la Akaiya tihi puan gee nyaa tole Yerusalɛm. A yele bo' a mɛŋa yeti, “N han paaɛ bilam, n wan ba'ahɛ paaɛ Arome.”

Tõoma 25:10

Ti Pɔɔl lerege yeti, “Mam ze' la Kaiza gakerɛ kuka wa nɛŋan. Ka'lam n de mam yetɔgum wa zi'an. Mam ka tum se'ere tuue Yuuduma wa wuu fum mɛŋa n mi de se'em suŋa suŋa la.

Aromduma 15:26

Se'ere en sɔi la, Masedoniya, la Akaiya tihi sakereba la puurɛ pee mɛ ti ba tɔrɛ ba tarega la sɛba en de naheduma nɛresunduma la puan la Yerusalɛm puan la.

Aromduma 16:5

Pu'uhɛ ya lageŋɔ seko en lageheri ba yire puan la bo' mam. Pu'uhɛ ya mam sunɔŋerɛ suuɔ Epanetuse se'em en de yia daana Esiya sɔ'ɔlum la woo puan ti a tee a suure bo' Kiresta la.

1 Korẽntɩ 16:15

Nananawa, n suurɔ, ya mi' ti Stefanase yire duma n de yia duma ti ba tee Akaiya tiŋa puan, gee me kaabɛ ba mɛhi tuna bɔ'ɔra nɛresunduma la.

2 Korẽntɩ 1:1

Mam Pɔɔl, n de Yezu Kiresta tuntuna, doohe la Yinɛ sumboolum, la Timoti tu suuɔ la en gulehɛ bɔ'ɔra Yinɛ lageŋɔ la n boi Korinti puan la, la nɛresunduma la woo n boi Akaiya tiŋa puan za'a la.

2 Korẽntɩ 11:10

Wuu Kiresta yelemɛŋerɛ la n boi mam puan se'em la, mam yele dina wa n de mam nyu'ɔ ŋmɛ'a wa kan yee suram Akaiya tiŋa nɛreba puan.

2 Korẽntɩ 11:26

Saŋa woo, mam boi kinɛ zuo, pɔ̃hera n nyuurɔ kulaahi puan, pɔ̃hera n nyuurɔ la nageyigehi, pɔ̃hera n nyuurɔ la n mɛŋa nɛreba, pɔ̃hera n nyuurɔ la sɛba n dagi Yuuduma, pɔ̃hera n nyuurɔ tinkãra puan, pɔ̃hera n nyuurɔ muɔ puan, pɔ̃hera n nyuurɔ ko'kãtɛ puan, pɔ̃hera n nyuurɔ la suurɔ seto n de pumparenduma.

2 Korẽntɩ 9:2

Se'ere en sɔi la, mam mi' ti ya ninmu'urɛ la n de mam nyu'ɔ ŋmɛ'a la ti mam tara ya ŋmɛ'ɛra bɔ'ɔra Masedoniya tiŋa nɛreba yeti, Akaiya pun maahum mɛ yuunɛ n tole ha la, ti yamam ninmu'urɛ la n gbirege nɛreba zo'e zo'e.

1 Tesaloniki 2:14

Gee yamam n suurɔ wa, ya dela sɛba en tɔgehi Yinɛ lageŋɔ la en boi Kiresta Yezu puan bɔna Yudiya la. Se'ere en sɔi la, ya namehɛ la bala mɛa ya mɛhi nɛreba zi'an, wuu ban yuum iŋɛ Yuuduma puan se'em la.

1 Tesaloniki 2:16

doohe la ban pɛregeri tɔ ti tu da tɔgera yelehum la bɔ'ɔra sɛba en dagi Yuuduma, ti ba nyɛ faarɛ la. Ŋwana ti saŋa woo, ba be'em la malum pa'ahera, gee ti Yinɛ sunsunyiim wan sige ba zuo mɛ ba'ahegɔ puan.

Yemesi 2:6

Gee yamam ka nane naha. Dagi buntateba la en bala mugehera ya la? Dagi bamam en dati ya kina tugum zi'ihen la?