Tõoma 17:31 - ZE'ELEGO PAALEGA

³¹ Se'ere n sɔi la, a looe la dabeherɛ biŋe, ti daan dinɛ daarɛ ti a wan gakɛ nɛrawoo n boi timpaberɛ wa zuo tuuntɔɔ. A wan doohe la buraa kayima ti a mɛŋa looe la, doohe eŋa puan ti putɛ'kɔ'ɔrɛ bɔna, eŋa n ihege en kum puan la.”

Farefare Ninkaré

³¹ Se'ere n soe la, a looge la daarɛ tɩ a di dũnia nẽrba sarɩya, a dẽŋɛ looge la nẽra, ẽŋa n wʋn di nẽrba la wuu sarɩya la sɩra. A vo'oge nẽr-ẽŋa pa'alɛ tɩ la de la sɩra.»

Tõoma 17:31 ပူးပေါင်းရင်းမြစ်များ

Amatie 10:15

N yeti ya la yelemɛŋerɛ ti, gakerɛ daarɛ la, la wan ta ana ma'ma' bo' Sodom la Gomora tihi gana tinkaŋa taaba.

Amatie 24:14

Saazuo sɔ'ɔlum faarɛ yelefum wa wan muulɛ paaɛ timpaberɛ wa zi'an woo, ti la dɛna aze' nyɛ daana bɔ'ɔra tihi za'a, gee ti ba'ahegɔ la baŋɛ wa'am na.

Aluki 22:22

La dela sira ti Asaala Dayua la wan kiŋɛ wuu lan gã'arɛ se'em na la, gee yele boi se'em en wan koohe en la zuo.”

Azã 12:48

Se'em n zagehɛ mam gee ka to'e mam yelehum la, tari se'em n wan gakɛ en mɛ. Ba'ahegɔ daarɛ la, yelehum sebo ti mam tɔgɛ wa n wan dɛna gakera.

Azã 16:10

Ba ka mi' tuuntɔɔ vom n de sɛla, beni zuo, mam ye' la Sɔ la zi'an, ti ya kan le nyɛ mam.

Azã 5:27

gee me kelum bo' Dayua wa paŋa ti a gakɛ, se'ere n sɔi la, a dela Asaala Dayua.

Tõoma 17:18

Ti Epikureya la Sitoyiki yɛmduma wa'am na ŋmɛ'ɛra nɔkpe'ene la en. Ti sɛba yeti, “Gerego kuna me boti ku pa'alɛ la bem?” Ti sɛba me yeti, “A tɔgeri la tihi sise'ehi tingama yɛla.” (Se'ere n sɔi la Pɔɔl n muuli Yezu faarɛ yelehum la yeti a ki mɛ gee ihege la.)

Tõoma 17:32

Ban wum ti a purɛ a ki gee ihege la, ti basɛba pureha, gee basɛba yeti, “Tu boti fum malum tɔgɛ yele ana wa pa'ahɛ mɛ ti tu kelehe.”

Tõoma 17:6

Ban ka nyɛ Pɔɔl la Silase bini la, ti ba vɛ' Yason la sakereba basɛba wa'am tiŋa la kpɛ'ɛnduma nɛŋan na, gee vɔɔla yeti, “Nɛreba wa en dole tuleha timpaberɛ wa kpabera la, nyaa paaɛ ka'lam me na,

Tõoma 2:32

Yezu kana wa, Yinɛ n vo'e en, yelese'ere ti tu za'a dɛna aze' nyɛ duma ti de sirum iŋɛ mɛ.

Tõoma 4:10

baŋɛ ya zina, yamam za'a, la Izirale buuri za'a, ti buraa wa n ze' ya nɛŋan dɛna ka mɛŋa wa, dela Yezu Kiresta n de Nazareti buraa la yu'urɛ la puan. Se'em ti yamam yuum kpa', gee ti Yinɛ vo'e en a kum la puan la.

Aromduma 2:16

daan se'ere daarɛ, wuu vom yelehum la en yele se'em yeti, Yinɛ wan doohe Kiresta Yezu puan gakɛ sɛla woo en sugɛ nɛre woo suuren la.

Aromduma 2:5

Gee fum sukãberɛ la, la fum n ka malum tɛɛra lagehɛ la sunsunyiim pagela fum zuo, gura sunsunyiim dabeherɛ la ti Yinɛ tuuntɔɔ gakerɛ la wan niiɛ fum zuo na.

1 Korẽntɩ 4:5

Bala, da gakɛ ya gee ti saŋa la nyaa paaɛ, gee ti Kiresta nyaa wa'am na, eŋa se'em daana en wan bahɛ ti sɛlawoo en sugɛ lika puan nananawa niiɛ peelumen, gee lilege suure puan yɛla la. Bilam ti nɛrawoo nyaa wan to'e a pɛka Yinɛ zi'an.

2 Korẽntɩ 5:10

Se'ere en sɔi la, tu za'a wan ze'ele Kiresta gakerɛ kuka la nɛŋan, ti nɛra woo to'e a yɔɔrɛ en tum sɛla a inganɛ wa puan. La dɛna sum bii be'em.

2 Timoti 4:1

Yinɛ, la Kiresta Yezu nɛŋan, se'em en wan gakɛ vɔpa la ki'induma la, la a lɛbega na, la a sɔ'ɔlum la zuo, n kageri fum mɛ la ninmu'urɛ.

Hiburuduma 6:2

ko'omsua yɛla, nu'uhi pagelegɔ yɛla, kum vo'ore yɛla, la ba'ahegɔ gakerɛ yɛla.

2 Pita 3:7

Yelehum bumɔ mɛa en tɔgɛ biŋe, ti zina beere saazuo la timpaberɛ wa gura ba sige bugum puan la. Ba gã' gura la gakerɛ dabeherɛ la, la sɛba en ka zoti Yinɛ la sageŋɔ dabeherɛ la.