Tõoma 16:17 - ZE'ELEGO PAALEGA

¹⁷ Pugela wa n dole Pɔɔl la tumam la, ka ni ta kaahɛ mɛ bahɛ na yeti, “Nɛrebana wa dela Gaŋɛ za'a Yinɛ la Yamehi, muula faarɛ sore la bɔ'ɔra ya.”

Farefare Ninkaré

¹⁷ Tɩ a dɔla Apolɩ la tõma tĩi tɔgra yetɩ: «Nẽr-bãna wã de la Nawẽnnɛ n gãnnɩ sɛla wuu la tõntõnɩba, ba mõolɩ la fãarɛ sore pa'ala ya.»

Tõoma 16:17 ပူးပေါင်းရင်းမြစ်များ

Amatie 22:16

Bala, ti ba tum ba zahereba, la Hɛrɔdiduma, ti ba paaɛ na yeti, “Pa'ala, tu mi' ti fum dela yelemɛŋerɛ daana, gee pa'ala Yinɛ sore la ti la dɛna yelemɛŋerɛ, gee ka tara ninkɔrɛ la se'em me, se'ere en sɔi la, fum ka gaheri nɛreba.

Amatie 8:29

Bilam bilam ti ba pɔhɛ nyabera yeti, “Beni ti fum tari la tɔ Yinɛ dayua wa? Fum yeti fum pɔgelum tu mɛ gee ti saŋa la mɛŋa mɛŋa la nan ka paaɛ?”

Amarkɩ 1:24

kaahɛ bahena yeti, “Fum tari la bem la tu, Yezu en yehe Nazareti na wa? Fum wa'am na ti fum sagum tu mɛ? Mam mi' fum n de se'em mɛ. Fum dela Fa'a Daana, ze'ele Yinɛ zi'an na.”

Amarkɩ 12:14

Ti ba wa'am na yele Yezu yeti, “Pa'ala, tumam mi' ti fum dela yelemɛŋerɛ daana, gee me ka yɛleha nɛreba, se'ere en sɔi la fum ka to'ohe nɛreba la ninkɔrɛ, gee fum pa'ali Yinɛ sore la me ti la dɔla la yelemɛŋerɛ. La de sore ti tu yɔɔra kuba bɔ'ɔra Siiza bii tu da yɔɔra bɔ'ɔra en?

Amarkɩ 5:7

Gee kaahɛ supi yeti, “Yezu, gaŋɛ za'a daana Dayua wa, fum tara la deni la mam? N dikɛ la Yinɛ bɛlena fum, ti fum da sagum mam.”

Aluki 1:77

Fum bo' a nɛreba la faarɛ mi'ilum, doohe ba be'em la sugeri dia,

Aluki 1:79

Bo wan niiɛ bo' sɛba en zi' lika puan, la sɛba en boi Kum nyɔ̃pɔ̃hega puan. Bo wan niiɛ gu'ura tu nama suma'ahum sore la zuo.”

Aluki 20:21

Bala ti nɛrebana wa soke Yezu yeti, “Pa'ala, tu mi' ti sɛla ti fum yɛta bii fum pa'ala, dela ma'a, fum ka lugehe nɛreba tɔgera, gee fum pa'ali la Yinɛ sore la en de se'em la la yelemɛŋerɛ la puan.

Aluki 4:34

“Bahɛ tu bããlam, beni tu fum tara la tɔ, Nazareti buraa Yezu wa? Fum wa'am na ti fum sagum tu mɛ? Mam mi' fum n de se'em, fum dela Yinɛ Fa'a nɛra.”

Aluki 4:41

Ti kulekpa'bɛ'ɛhi me zɛ'ɛta ba zo'e zo'e puan yɛhera na gee tahera yeti, “Fum n de Yinɛ Dayua la.” Gee ti a ni tahɛ ba, ka bahera ti ba tɔgera, se'ere n sɔi la kulekpa'bɛ'ɛhi la mi' ti Yezu n de Kiresta la.

Aluki 8:28

En nyɛ Yezu la, a lu mɛ a nɛŋan, gee kaahɛ la kɔkɛ'ɛŋa yeti, “Fum tari la bem la mam Yezu? Gaŋɛ Za'a Yinɛ Dayua wa? N beleni fum mɛ, da mugehe mam.”

Azã 14:6

Ti Yezu yele en yeti, “Mam n de sore la, la yelemɛŋerɛ la, la nyɔvore la. Se'em kan ta'am paaɛ Sɔ la zi'an, han dagena a doohe la mam puan.

Tõoma 18:26

Ti buraa wa pɔhɛ tɔgera la buraanɛ zamehegɔ yire la puan, gee Pirisila la Akuila n kelehe en ba'ahɛ la, ba tari en yehe kiŋɛ la kinkɛleŋa ha, ta pa'alɛ en Yinɛ sore la ma'a ma'a.

Tõoma 19:13

Ti Yuda buuri la puan sɛba eere sa'aha sɛbɛ'ɛhi me zigɛ ti ba dikɛ Daana Yezu yu'urɛ la sa'ahɛ kulekpa'bɛ'ɛhi n boi sɛba puan la, yɛta yeti, “N sa'ari fum mɛ Yezu se'em ti Pɔɔl muula a yele la puan.”

1 Pita 2:16

Yamam en de Yinɛ yamehi la, vɔni ya fai, gee la bala za'a, da dikɛ ya fai bɔŋa la tuna be'em.

2 Pita 2:2

Gee bala za'a, zo'e zo'e wan dɔla ba yaalegɔ sadɔtɔ la. Pumpɔrum-pa'aleba wa zuo, nɛreba wan tuura yelemɛŋerɛ sore wa.