Tõoma 15:30 - ZE'ELEGO PAALEGA

³⁰ Ŋwana ti ba tum nɛreba wa, ti ba kiŋɛ Antiyoke. Ti ba ta paaɛ, lagehɛ lageŋɔ la za'a, ba bo' ba gɔŋɔ la.

Farefare Ninkaré

³⁰ Ba daan keese sɛba tɩ ba tõm na mɛ, tɩ ba sẽŋɛ Antɩyɔsɩ. La ban paagɛ bilam na, ba lagsɛ Azezi nẽr-kʋʋŋɔ la mɛ, dɩkɛ gõŋɔ la bɔ ba.

Tõoma 15:30 ပူးပေါင်းရင်းမြစ်များ

Tõoma 11:19

Nananawa, sɛba woo n zɔ yiregɛ doohe la ban mɛlehɛ Siteven se'em la zuo la, yiregɛ mɛ kiŋɛ zaaɛ zaarɛ ta paaɛ Fonisiya, Sapuruse, la Antiyoke tihi, ka muulɛ Yinɛ yelehum la bo' nɛra nɛra han dagena Yuda buuri la ma'a.

Tõoma 11:20

Gee ba puan, buraahi sise'ehi n de Sapuruse, la Saarin tihi wa'am Antiyoke na tɔgɛ bo' sɛba n de Hiburuduma gee tɔgera Giriki la, me muulɛ Daana Yezu bo' ba.

Tõoma 11:27

Sankaŋa puan, ti nɔtɔgeheba ze'ele Yerusalɛm sige Antiyoke na.

Tõoma 15:22

Ti Yezu tuntuneba la lageŋɔ kiinduma la, la lageŋɔ la za'a ku nuurɛ ti ba looe nɛreba ba puan pa'ahɛ Pita la Banabase puan tum ba ti ba kiŋɛ Antiyoke, ba tum Yudasi se'em ti ba yi'ira Barabase, la Silase se'em n de suurɔ la nɛŋa daana la,

Tõoma 15:31

Lageŋɔ la nɛreba la n kãalɛ gɔŋɔ la, ba puurɛ pee mɛ la kpemehego seko n boi bini la.

Tõoma 16:4

Ti ban dole kaara tiŋa tiŋa la, ba yeti nɛreba la ze'elego seko ti tuntuneba la kiinduma la en boi Yerusalɛm ku nuurɛ bu ba ti ba dɔla a suŋa la.

Tõoma 21:22

Beni n de tu iŋɛ? Ba wan ba'ahum wum ti fum wa'am na.

Tõoma 23:33

Ban wa'am na paaɛ Kasariya puan la, ba dikɛ gɔŋɔ la mɛ bo' timbihega nɛŋadaana la, gee dikɛ Pɔɔl me iŋɛ a nu'uhen.

Tõoma 6:2

Ti zahereba pia la bayi' la yi' sɛba n nam la za'a lagehɛ, yele ba yeti, “La dagi ma'a bo' tumam, ti tu bahɛ Yinɛ yelehum la muulegɔ gee yee dia tɔrega.