Tõoma 15:23 - ZE'ELEGO PAALEGA

²³ ba gulehɛ gɔŋɔ wa yeti, “Tu suurɔ wa, Yezu tuntuneba la, la Kiinduma la n gulehɛ bɔ'ɔra yamam sakereba sɛba n dagi Yuda buuri ya tuuhum puan na, bɔna Antiyoke, Siriya la Kilikiya tihi puan la, tu pu'uheri ya na.

Farefare Ninkaré

²³ La ba daan gʋlsɛ la gõŋɔ bɔ ba yetɩ: «Tõma n de Azezi Tõntõnɩba, la Azezi nẽrba la kẽma n pʋ'ʋsrɩ yãma bu-zãŋsɩ n de tɩ sɔbiisi n boe Antɩyɔsɩ, la Siiri, la Silisi so'olʋm.

Tõoma 15:23 ပူးပေါင်းရင်းမြစ်များ

Amatie 4:24

Ŋwana ti a yu'urɛ to'e Siriya tiŋa za'a, ti ba tara bã'duma woo, sɛba n tari teem yima yima, induma, kulekpa'bɛ'ɛhi en tari sɛba, sɛba en luti kilenki'ire, la kɔɔrenɔ wa'am a zi'an na, ti a tibɛ ba za'a.

Tõoma 11:18

Nɛreba la n wum ŋwana wa la, ba yee la suram. Gee pɛgera Yinɛ yeti, “Yinɛ mɛŋa n bo' sɛba n dagi Yuuduma la me teere se'ere n bo'ori vom la.”

Tõoma 11:20

Gee ba puan, buraahi sise'ehi n de Sapuruse, la Saarin tihi wa'am Antiyoke na tɔgɛ bo' sɛba n de Hiburuduma gee tɔgera Giriki la, me muulɛ Daana Yezu bo' ba.

Tõoma 14:27

Ban wa'am na na paaɛ la, ba yi' lageŋɔ la za'a mɛ lagehɛ na, nyaa yele sɛla woo ti Yinɛ dikɛ ba tum la ba, la Yinɛ n yu'ɛ sakerɛ kuleŋa se'em bo' sɛba n dagi Yuda buuri la se'em.

Tõoma 15:1

Ti nɛreba basɛba ta ze'ele Yudiya wa'am na pa'ala sakereba la yeti, “Han dagena fum ŋma mɛ wuu Moose pa'alegɔ la n yele se'em la, fum kan ta'am nyɛ faarɛ.”

Tõoma 15:2

Ban ta ba'ahɛ la, Pɔɔl la Banabase ŋmɛ' la nɔkpe'en tuulɛ la ba, Pɔɔl la Banabase la basɛba ti ba looe ba ti ba tari yele ana wa kiŋɛ Yerusalɛm ta sɔhɛ la Yezu tuntuneba la la kiinduma la.

Tõoma 15:22

Ti Yezu tuntuneba la lageŋɔ kiinduma la, la lageŋɔ la za'a ku nuurɛ ti ba looe nɛreba ba puan pa'ahɛ Pita la Banabase puan tum ba ti ba kiŋɛ Antiyoke, ba tum Yudasi se'em ti ba yi'ira Barabase, la Silase se'em n de suurɔ la nɛŋa daana la,

Tõoma 15:4

Ban wa'am na paaɛ Yerusalɛm la, lageŋɔ la za'a la Yezu tuntuneba la, la kiinduma la za'a to'e ba mɛ, ti ba me yele ba Yinɛ n doohe bamam puan tum yele sɛ'a woo.

Tõoma 15:41

Ti Pɔɔl doohe Siriya la Kilikiya tihi puan za'a puan, sɛɛra Lageŋɔ duma la woo zɛ'ɛta.

Tõoma 18:18

Pɔɔl en kɛ̃ bilam yuue fii la, a keehe sakereba la za'a mɛ, gee zom uureŋɔ kiŋɛ Siriya tiŋa, ti Pirisila la Akuila doohe en. Ti a wa'am na paaɛ Sinkireya, bahɛ ti ba kɛ̃ a zuo bilam se'ere n sɔi la a biŋe la nuurɛ.

Tõoma 21:25

Gee han dɛna sɛba n dagi Yuuduma gee lebege sakereba la, tumam tum gɔŋɔ bo' ba ha yeti, ba da dita sɛla ti n kaabɛ bo' bagerɛ, ba da dita ziim, la ba da dita sɛla ti ba kɛge ku, gee yehe ba mɛhi yaluntuuma puan.”

Tõoma 21:3

Ti tu ta nyɛta Sapuruse, ti tu bahɛ tiŋa la tu gɔbega bɔba gee kiŋɛ ta paaɛ Siriya kiŋɛ ta sige Taai, se'ere n sɔi la uureŋɔ la zɛ la lɔgerɔ bɔta ti ba yehe lɔgerɔ la bilam.

Tõoma 23:26

“Mam Kulodeyose Lisiyase n gulehɛ bɔ'ɔra fum zuo daana, timbihega nɛŋadaana Felikise na. N pu'uhi fum na.

Tõoma 6:9

Ŋwana ti sɛba n boi zamehegɔ yire la puan ti ba yi'ira a boi fai pa'alegɔ yire la puan la (Ban daa nan yi'iri pa'alegɔ ze'kana la bala ma'a ha la), Sereniduma, Alɛgezanda duma, la sɛba n me yehe Kilikiya, la Esiya na la, daa vaaɛ ihege la nɔkpe'ene la Siteven

Galatɩ 1:21

Pooren ti n kiŋɛ Siriya la Kilikiya sɔ'ɔlum puan,

Yemesi 1:1

Yemesi en de yameŋa bo' Yinɛ la Daana Yezu Kiresta la, en gulehɛ gɔŋɔ wa bɔ'ɔra yizuto pia la tuyi' la en nɔgɛ bɔna zi'an woo la. Mam pu'uheri ya na.

2 Zã 1:10

Da to'e se'em en wa'am fum yire na, bii fum kã sum bo' se'em en wa'am fum zi'an na gee ka tara pa'alegɔ kuna.

2 Zã 1:13

Fum suuɔ kɔma sɛba ti Yinɛ looe la pu'uhi fum na.

2 Zã 1:3

Zu'uhegɔ, nimbɔ'zɔrɛ la suma'ahum en ze'ele Yinɛ en de Sɔ la, la Yezu Kiresta en de Sɔ la dayua la zi'an na wan bɔna la tɔ, yelemɛŋerɛ la nɔŋerɛ puan.

3 Zã 1:14

gee n iŋɛ la n puti'irɛ ti n kan yuue gee nyɛ hɔ, ti tu nyɛta taaba gee sɔhɛ.