Tõoma 15:22 - ZE'ELEGO PAALEGA

²² Ti Yezu tuntuneba la lageŋɔ kiinduma la, la lageŋɔ la za'a ku nuurɛ ti ba looe nɛreba ba puan pa'ahɛ Pita la Banabase puan tum ba ti ba kiŋɛ Antiyoke, ba tum Yudasi se'em ti ba yi'ira Barabase, la Silase se'em n de suurɔ la nɛŋa daana la,

Farefare Ninkaré

²² Bɛla tɩ Tõntõnɩba la, la kẽma, la Azezi nẽrba la wuu tẽ'esɛ yetɩ, la ãn sõŋa tɩ ba looge nẽrba bãma pʋam tõm ba tɩ ba doose la Apolɩ la Abarnabasɩ sẽŋɛ Antɩyɔsɩ. Tɩ ba looge Azudi sɛka yʋ'ʋrɛ n ken dɛna Abarsabasɩ la, la Asɩlaasɩ. Bãma tɩ ba daan nannɩ.

Tõoma 15:22 ပူးပေါင်းရင်းမြစ်များ

Tõoma 1:23

Bala zuo ti ba ku nuurɛ yehe buraahi siyi, kayima Yosefe, se'em ti ba yi'ira Basabase la, ti a yu'urɛ deyima dɛna Yusetuse la, la Matiyase.

Tõoma 11:19

Nananawa, sɛba woo n zɔ yiregɛ doohe la ban mɛlehɛ Siteven se'em la zuo la, yiregɛ mɛ kiŋɛ zaaɛ zaarɛ ta paaɛ Fonisiya, Sapuruse, la Antiyoke tihi, ka muulɛ Yinɛ yelehum la bo' nɛra nɛra han dagena Yuda buuri la ma'a.

Tõoma 11:20

Gee ba puan, buraahi sise'ehi n de Sapuruse, la Saarin tihi wa'am Antiyoke na tɔgɛ bo' sɛba n de Hiburuduma gee tɔgera Giriki la, me muulɛ Daana Yezu bo' ba.

Tõoma 11:22

Ti yele ana wa woo lu Yerusalɛm lageŋɔ la woo tuban, ti ba tum Banabase Antiyoke.

Tõoma 11:27

Sankaŋa puan, ti nɔtɔgeheba ze'ele Yerusalɛm sige Antiyoke na.

Tõoma 15:23

ba gulehɛ gɔŋɔ wa yeti, “Tu suurɔ wa, Yezu tuntuneba la, la Kiinduma la n gulehɛ bɔ'ɔra yamam sakereba sɛba n dagi Yuda buuri ya tuuhum puan na, bɔna Antiyoke, Siriya la Kilikiya tihi puan la, tu pu'uheri ya na.

Tõoma 15:25

ti tumam ku nuurɛ deyina tum nɛrebana wa ya ze'a na, ti ba doohe la tu nɔŋerɛ suurɔ Banabase la Pɔɔl,

Tõoma 15:27

Tu tum la Yudasi la Silase sɛba n wan tɔgɛ yele sɛ'a n boi gɔŋɔ wa puan la ba nuurɛ bo' ya.

Tõoma 15:3

Ti lageŋɔ la tum ba, ti ban dole Fonisiya la Samariya la, ba yeti sɛba n dagi Yuda buuri la teere mɛ, ti sakereba la za'a n boi ze'se'ehi la puurɛ pee.

Tõoma 15:30

Ŋwana ti ba tum nɛreba wa, ti ba kiŋɛ Antiyoke. Ti ba ta paaɛ, lagehɛ lageŋɔ la za'a, ba bo' ba gɔŋɔ la.

Tõoma 15:32

Ti Yudasi la Silase en de nɔtɔgeheba la tɔgɛ yele sɛ'a n wan kpemehe gee sɛ sakereba la ze'ele suŋa.

Tõoma 15:40

Gee ti Pɔɔl me tari Silase ti bamam me yeti ba yehe, Ti Sakereba la pu'uhɛ dikɛ en iŋɛ Daana la zu'uhegɔ puan.

Tõoma 16:19

Gee pugela la daan duma la n nyɛ ti ban tari puti'irɛ ti ba wan nyɛ ligeri la tole ya la, ti ba nyɔkɛ Pɔɔl la Silase, vɛ' ba kɛ̃ da'a puan na, tari ba wa'am kpɛ'ɛnduma nɛŋan na.

Tõoma 16:25

La ta paara me woo yu'uŋɔ sunsua bɔba, ti Pɔɔl la Silase pu'uha gee yuuma bɔ'ɔra Yinɛ, ti sɛba ti ba pagɛ la ba la kɛleha.

Tõoma 16:29

Ti gura wa yi' ti ba tari bugum kɛ̃ na, ti a lu tiŋa Pɔɔl la Silase nɛŋan gbi'ira.

Tõoma 17:10

Yu'uŋɔ kuŋɔ mɛa puan ti sakereba la tari Pɔɔl la Silase ta bahɛ sore ti ba kiŋɛ Beroya tiŋa. Ban ta paaɛ bini la, ba kiŋɛ la Yuuduma zamehegɔ yire puan.

Tõoma 17:14

Bilam bilam ti sakereba la tari Pɔɔl kalam kiŋɛ ateko ko'om nuuren, gee ti Silase la Timoti yee pooren.

Tõoma 17:4

Ti ba zo'e zo'e nam yelehum la, dikɛ ba mɛhi pa'ahɛ Pɔɔl la Silase puan, ti sɛba me n de Giriki sɛba en de Yinɛ zɔteba la, me zo'e zo'e ta ta' la pɔgese'ehi n de zuo duma la me ka pɔ'ɛ.

Tõoma 18:5

Silase la Timoti n ta ze'ele Masedoniya paaɛ en na la, ti Pɔɔl boi la yelehum la muulegɔ puan mimi, yɛta Yuuduma la ti Kiresta la dela Yezu.

Tõoma 8:14

Nananawa, Yezu tuntuneba la n boi Yerusalɛm la n ta wum ti Samariyaduma to'e Yinɛ yelehum la me la, ba tum la Pita la Yɔn ba zi'an.

2 Korẽntɩ 1:19

Se'ere en sɔi la, Yinɛ Dayua la, Yezu Kiresta, se'em yelehum ti tumam muulɛ bo' ya la, Silevanuse la Timoti la mam daa ka tari “Ɛ̃ɛ la Aayi.” Gee a puan, saŋa woo la kɔ'ɔm dɛna la “Ɛ̃ɛ.”

1 Tesaloniki 1:1

Mam Pɔɔl, Silevanuse, la Timoti en gulehɛ gɔŋɔ wa bɔ'ɔra sakereba Lageŋɔ la en boi Tɛsalonika la, Yinɛ en de Sɔ la, la Daana Yezu Kiresta. Zu'uhegɔ la suma'ahum bɔna la ya.

2 Tesaloniki 1:1

Mam Pɔɔl, Silevanuse, la Timoti, en gulehɛ gɔŋɔ wa bɔ'ɔra Tɛsalonikaduma lageŋɔ la n boi doohe Yinɛ en de tu Sɔ la, la tu Daana Yezu Kiresta paŋa puan la.

1 Pita 5:12

Doohe Silevanuse, se'em ti mam nyɛ ti a dela suuɔ en de sakerɛ daana, ti mam gulehɛ gɔŋɔ girega wa, ti n kpemehe ya, gee pa'alɛ ti Yinɛ zu'uhegɔ yelemɛŋerɛ en ŋwana. Sɛ ya ze'ele kankaŋi de puan.