Tõoma 15:20 - ZE'ELEGO PAALEGA

²⁰ Gee tu tugum gulehɛ bo' ba yeti, ba yehe ba mɛhi baga dia puan, la yaluntuuma, la sɛla woo ti ba kigɛ ku, la ba da dita ziim.

Farefare Ninkaré

²⁰ Tɩ gʋlsɛ gõŋɔ bɔ ba yetɩ, ba da di di-sɛba tɩ ba kãabɛ bɔ baga la, tɩ ba wʋn dẽgɛ ba, ba da tõnna yalsɩ tõoma, ba da di sɛla tɩ ba tẽgɛ kʋ, la ba da di zɩɩm.

Tõoma 15:20 ပူးပေါင်းရင်းမြစ်များ

Tõoma 15:29

Ya da dita sɛla woo n dikɛ kaabɛ bo' bagerɛ, ya da dita ziim, bii sɛla ti ba kigɛ ku gee yehe ya mɛhi yaluntuuma puan. Ya han dɔla ŋwana, la ba'ahɛ mɛ, Yinɛ suŋɛ ya.”

Tõoma 21:25

Gee han dɛna sɛba n dagi Yuuduma gee lebege sakereba la, tumam tum gɔŋɔ bo' ba ha yeti, ba da dita sɛla ti n kaabɛ bo' bagerɛ, ba da dita ziim, la ba da dita sɛla ti ba kɛge ku, gee yehe ba mɛhi yaluntuuma puan.”

1 Korẽntɩ 5:11

Gee nananawa, mam en gulehɛ yɛta ya se'em dela, ya da dikɛ ya mɛhi naaɛ la se'em en yi'iri a mɛŋa ya suuɔ, gee yaala, nyigera, bii kaabera baga, bii nɛreba tua, dabugere, bii fãara. Da pun naaɛ la ena daana di.

1 Korẽntɩ 6:13

“Dia dela puurɛ dinɛ, ti puurɛ me dɛna dia dinɛ,” gee Yinɛ wan sagum ba za'a. Inganɛ la ka boi la yaluntuuma zuo, gee de boi bo' la Daana la, ti Daana la me bɔna bo' inganɛ la.

1 Korẽntɩ 6:18

Zagehɛ yaluntuuma, se'ere en sɔi la, be'em sebo woo ti nɛra tum ni dɛna la iŋa la yiŋa na. Gee yaluntuuma daana galum la iŋa la za'a.

1 Korẽntɩ 6:9

Yamam ka mi' ti be'emduma kan kɛ̃ Yinɛ sɔ'ɔlum la puan? Da pã'ahɛ ya mɛhi. Yalum duma, bage kaabereba, sɛba en tuni kabohi, pɔgenindɔɔrɔ la buraahi bii pɔgehi en gã' taaba,

1 Korẽntɩ 7:2

Gee yaluntuuma la zuo, buraa woo di a suure pɔga, ti pɔka woo me ele ka suure sira.

1 Korẽntɩ 8:1

Nananawa, disɛka ti ba dikɛ kaabɛ bo' baga sɔhega la. Tu mi' ti, “Tu za'a tari mi'ilum mɛ.” Mi'ilum bo'ori la pa'alɛ mɛŋa gee nɔŋerɛ en mɛti.

2 Korẽntɩ 12:21

Dabeem n tari mam ti, n han le wa'am na, mam Yinɛ wa wan bahɛ ti nimbu'ɔ nyɔkɛ mam, ti n kele nintama'aha bo' sɛba zo'e zo'e en daa tum be'em gee ka tee ba dɛgerɔ, ba yaalegɔ la ba nyanɛ tuuma la ti ba ni pun tuna la puan la.

Galatɩ 5:19

Ingɔŋɔ tuuma la ka sugɛ. Ba dela, yaalegɔ, dɛgerɔ, inganɛ kɔrɛ,

Efɛɛzɩ 5:3

Gee yaluntuuma la dɛgerɔ tuuma woo, bii nyika tuuma da pun puta ya puan, wuu la nari se'em nɛresunduma tiŋasuka la.

Kolɔsɩ 3:5

Bala zuo, ku ya sɛla woo en boi ya puan dɛna tiŋa dinɛ zuo bunɔ wuu, yaluntuuma, dɛgerɔ tuuma, kunkoma'ahum, be'em kɔrehi, la nyika (en de baga kaabegɔ la).

1 Tesaloniki 4:3

Ŋwana en de Yinɛ sumboolum, ti ya sukɛ ya mɛhi. Ya ayima ayima yehe ya mɛhi yaluntuuma puan.

Hiburuduma 12:16

Bihɛ ya mɛhi suŋa suŋa ti ya se'em da ana wuu Esɔ, se'em en ka ta' a mɛŋa, ka zɔta Yinɛ la, se'em en yuum koohe a kinɔ dia buyina ma'a zuo la.

Hiburuduma 13:4

Bahɛ ya ti pɔgedire la sire-ele tara na'ahegɔ ya za'a zi'an, ti pɔgedire la sire-ele suŋɔ la da galum, se'ere en sɔi la, Yinɛ wan gakɛ yaluntuuma duma, la kabohi duma mɛ.

1 Pita 4:3

Ya pun diŋɛ dikɛ la saŋa zo'e zo'e tuna sɛla ti sɛba en dagi Yuuduma ita la. Zufagehum, kunkɔma'ahum, buka, dikãra, yaalegɔ, la baga kaabegɔ.

Lilegere 10:2

Ti a zãla gɔŋɔ pika a nu'en ti ku yu'ɛ. Ti a dikɛ a zuɔ na'arɛ tagelɛ ko'kãtɛ wa zuo, gee ti a gɔbega na'arɛ bɔna doone na, tinkɛ'ɛŋa zuo.

Lilegere 10:8

Ti kua sɛka ti mam pun wum ni ti ka tɔgɛ saazuo bahɛ na la, le tɔgɛ bo' mam na yeti, “ Kiŋɛ la fum ta to'e gɔŋɔ la en lakɛ bɔna suŋera se'em na'arɛ deyima en boi ko'kãtɛ la puan ti deyima me bɔna doone la zi'an.”

Lilegere 2:14

Gee mam tari la yele dina la ya. Ya tari basɛba ya puan ti ba dɔla Balaam pa'alegɔ la mɛ, se'em en daa pa'alɛ Balake ti a dikɛ sɛla en piti beŋe Izirale buuri la ti ba dita baga dia gee tuna yaluntuuma la.

Lilegere 2:20

Gee mam tari la dina la ya. Ya to'e Yezebɛle mɛ, pɔgesɛka en yi'iri ka mɛŋa nɔtɔgeha la, se'em pa'alegɔ en bahɛ ti mam yamehi bɔregɛ, tuna yaluntuuma, gee dita dia ti ba dikɛ kaabɛ baga la.

Lilegere 9:20

Gee nɛre sɛba woo en gee, ti too kuna wa ka ku ba la, ka makɛ tee ba mɛhi ba nu'uhi en iti sɛla puan, bii ba bahɛ ba na'aha kulekpa'bɛ'ɛhi, la baga ti ba dikɛ salema, salempɛɛlega, la nyɔgum, la kuga, la dɔɔrɔ maalɛ ba ti ba ka nyɛta, bii wuna, bii kina la.