Tõoma 13:43 - ZE'ELEGO PAALEGA

⁴³ Ban ta ba'ahɛ lageŋɔ la zamehegɔ yire la puan la, Ti Yuda buuri la zo'e zo'e la sɛba n kaabɛ ba mɛhi bo' Yuda pu'uhegɔ la dɔla Pɔɔl la Banabase poore, ti ba tɔgera bɔ'ɔra ba gee kpɛmeha ti ba kelum bɔna Yinɛ zu'uhegɔ la puan.

Farefare Ninkaré

⁴³ La ban yese tɩ ba fõrgɛ la, tɩ Zifdõma zozo'e, la nẽrba basɛba n dagɩ Zifdõma dee sakɛ dɔla Nawẽnnɛ lɔɔ tɩ a bɔ Zifdõma, daan dɔla Apolɩ la Abarnabasɩ. Tɩ Apolɩ dõma pa'alɛ ba yetɩ, ba mõrgɛ bɔna Nawẽnnɛ yel-sõnnɛ na pʋam.

Tõoma 13:43 ပူးပေါင်းရင်းမြစ်များ

Amatie 23:15

Yele boi ya zuo, gɔnmi'ineba la Farasiiduma, birekɔgenduma wa. Ya ni yagehɛ la ateko la tiŋa tihi ti ya ta tee nɛreyinɛ en dagi Yuda buuri, ti a lebege ana wuu yamam la, ba'ahɛ,ya ni iŋɛ en mɛ ti a malum dɛna bugum tiŋa bia sugum nuuren buyi' gana yamam mɛhi.

Tõoma 11:23

Banabase n wa'am na paaɛ nyɛ Yinɛ zu'uhegɔ la n sige nɛreba la zuo se'em la, a puurɛ n pee, ti a kpemehe ba za'a yeti, ba bɔna ba sakerɛ la puan la Daana la, la ba kaabɛ ba mɛhi bo' en saŋa woo;

Tõoma 13:50

Gee Yuuduma la doohe mɛ dɔrɛ pɔge se'ehi en kaabɛ si mɛhi bo' pu'uhegɔ la, mina si nɛŋa si poore la, la buraahi se'ehi n de zuto duma tiŋa la puan la, ti ba gbirege Pɔɔl la Banabase, sa'ɛ ba yehe tiŋa la puan.

Tõoma 14:22

Ba doohe malum kpe'em zahereba la gee kpemehe ba ti ba bɔna ba sakerɛ la puan, yɛta ba yeti, “Tu wan doohe la namehegɔ zo'e zo'e puan gee kɛ̃ Yinɛ sɔ'ɔlum la puan.”

Tõoma 14:3

Ŋwana zuo, ti Pɔɔl la Banabase yee tiŋa la puan yuue, tɔgera Daana la yelehum la ninmu'urɛ, ti Daana la mɛŋa bahɛ ti a tuntuneba la tuna daalehum la nyalema la ba nu'uhi ti la pa'alɛ ti zu'uhegɔ yelehum la dela eŋa yelehum.

Tõoma 16:14

Ti pɔka bɔna ba puan kɛleha tɔ, ti ka yu'urɛ yi'ira Lidiya, dɛna pɔka dɛna Yin-zɔta, yehe Tayatira na, kɔɔha fumɔlɔ. Ti Daana la yu'ɛ ka suure ti ka kɛleha Pɔɔl en yeti sɛla la suŋa suŋa.

Tõoma 17:17

Bala a pɔhɛ yetɔgum mɛ la zamehegɔ yire la puan la Yuuduma la la Yinɛ zɔteba la, la da'ahi puan daare woo la sɛba en wan bɔna bini.

Tõoma 17:34

Gee ba puan basɛba yehe me na pa' Pɔɔl poore dɛna sakereba, Diyonisuse n de Areopagus lageŋɔ nɛra la, la pɔka ti ba yi'ira Damaris la basɛba n lagum bɔna la ba lagum sakɛ.

Tõoma 17:4

Ti ba zo'e zo'e nam yelehum la, dikɛ ba mɛhi pa'ahɛ Pɔɔl la Silase puan, ti sɛba me n de Giriki sɛba en de Yinɛ zɔteba la, me zo'e zo'e ta ta' la pɔgese'ehi n de zuo duma la me ka pɔ'ɛ.

Tõoma 18:7

Ti Pɔɔl bahɛ zamehegɔ yire la puan, gee yehe kiŋɛ buraa ka yima zi'an ti ka yu'urɛ yi'iri Taitusi Yusetuse, dɛna se'em n na'aheri Yinɛ, ti a yire kɔ'ɔm du' la zamehegɔ yire la.

Tõoma 2:10

Firigiya la Pamfiliya, Igipiti la Libiya ze'se'ehi n boi Saarin sɔ'ɔlum puan la, la saama sɛba woo n ze'ele Arome wa'am na, Yuuduma, la sɛba n dagi Yuda buuri gee lebege Yuuduma,

Tõoma 28:23

Ban daa ta ze'ele dabeherɛ ti ma le tu'uhɛ la ena la, ba wa'am la a ga'aregɔ zi'an na, ba nɛrekuuŋɔ. Ze'ele bulika tara tara la zaanuurɛ, ti a tu' yele la n ani se'em bo' ba, yɛta ba Yinɛ sɔ'ɔlum la n ani se'em, zigera ti a tee ba puti'ira la Yezu, ze'ele Moose ze'elego la, la nɔtɔgeheba la puan.

Tõoma 6:5

Ti ban yele se'em la pee nɛreba la puurɛ, ti ba looe Siteven, n de buraa n pirɛ la sakerɛ la Fa'a Sia la, gee me looe Filipi, Porokoruse, Nikano, Timɔn, Pamenase, la Nikolayuse se'em n yehe Antiyoke se'em n dagi Yuda buuri gee lebege Yuda buuri la.

Aromduma 11:6

Gee la yi han dɛna la zu'uhegɔ zuo, la le dagena tuuma, han dagena bala, zu'uhegɔ yi dagi zu'uhegɔ.

Aromduma 3:24

Ba nyɛ buurɔ doohe la zu'uhegɔ la en de bo'olum la, doohe faarɛ se'ere en boi Kiresta Yezu puan la,

Aromduma 5:2

Se'em puan ti tu doohe nyɛ yɔ'ɔ doohe (sakerɛ) puan ti tu tara zu'uhegɔ seko ti tu yaga ku zuo wa, gee me ŋmɛ'ɛra nyu'ɔ la tumam beere wan lagum nyɛ Yinɛ suŋa la.

Aromduma 5:21

bala, be'em n pa'ali a paŋa kum puan se'em la, bala mɛa ti zu'uhegɔ wan pa'alɛ a paŋa doohe buurɔ, yu'ura sore bɔ'ɔra vom kamba'ahɛ sebo en boi Yezu Kiresta tu Daana puan la.

2 Korẽntɩ 5:11

Bala, tumam n mi' tu zɔta Daana la vuurɛ n de sɛla la, tu tiregerɛ mɛ ti tu bahɛ ti basɛba me baŋɛ en. Gee han dɛna tumam mɛhi, Yinɛ mi' tumam mɛ suŋa suŋa, n me tari puti'irɛ ti yamam me mi' tu suŋa suŋa ya suya puan.

2 Korẽntɩ 6:1

Wuu tumam n lagum tuna la en la, ti beleni ya mɛ ti ya da to'e Yinɛ zu'uhegɔ la yoo.

Galatɩ 5:1

Han dɛna fai, Kiresta en faaɛ tu bahɛ fai. Ze' ya kankaŋi bala zuo la, gee da le dikɛ ya mɛhi bo' da'aberɛ yɔgehega la.

Galatɩ 5:4

Yamam sɛba n boti ya naaɛ la doohe ze'elego puan la, ŋmaaɛ ya mɛhi mɛ Kiresta zi'an bahɛ. Ya boi la Yinɛ zu'uhegɔ la yiŋa.

Efɛɛzɩ 2:8

La dela zu'uhegɔ zuo ti ya nyɛ faarɛ, doohe sakerɛ puan. Dina dagi ya mɛhi en iŋɛ sɛla, gee la dela Yinɛ bo'olum.

Filipi 3:16

Yeen bahɛ ya ti tu zãla sɛla ti tu tara la kankaŋi.

Filipi 4:1

Dinɛ zuo, n suŋɛ duma ti n nɔŋɛ, gee bɔta ti n nyɛ ya paaɛ paaɛ wa, mam nyɛɛma la mam na'am muŋa wa. Ze' ya kankaŋi Daana la puan, sadɔɔ kuna puan, n sunɔŋerɛ wa.

Kolɔsɩ 1:23

wuu ya han kelum gu'ura ya mɛhi suŋa, zɛ'a kankaŋi ya sakerɛ la puan, ka vuregera ya beere puti'irɛ se'ere ti faarɛ yelesuma la biŋe nuurɛ ti ya wum la, se'ere en muulɛ bo' bunvua en boi tiŋa wa zuo wa. Mam Pɔɔl dela se'em ti ba looe bo' faari yelesuma wa.

Kolɔsɩ 1:28

La dela eŋa ti tu muula wa, ka'ana nɛra woo gee pa'ala nɛra woo yɛm puan, ti tu wan bi'ihɛ nɛra woo Kiresta puan.

Taitusi 2:11

Se'ere en sɔi la, Yinɛ zu'uhegɔ la wa'am na tari la faarɛ na bo' nɛra woo,

Hiburuduma 12:15

Bihɛ ya suŋa, ti ya se'em da koŋe Yinɛ zu'uhegɔ la. Da bahɛ ya ti too nyɛgerɛ yehe ya puan na, tari daaŋɔ wa'am na, ti ya doohe de puan galum nɛreba zo'e zo'e.

Hiburuduma 13:9

Da bahɛ ya ti pa'ali yooro yima yima ziira ya kaara zi'an woo, se'ere en sɔi la, la ani suŋa ti zu'uhegɔ kpemehe suure la, nyana dia kihega yɛla, yele sɛ'a en ka suŋɛ sɛba en dole a la.

1 Pita 5:12

Doohe Silevanuse, se'em ti mam nyɛ ti a dela suuɔ en de sakerɛ daana, ti mam gulehɛ gɔŋɔ girega wa, ti n kpemehe ya, gee pa'alɛ ti Yinɛ zu'uhegɔ yelemɛŋerɛ en ŋwana. Sɛ ya ze'ele kankaŋi de puan.

2 Pita 3:14

Bala, n sunɔŋerɛ duma wa, yan guri yele ana wa la, zigɛ ya mɛ ti ya nyɛ en la suma'ahum, ti dɛkɔ ka lama ya, bii tuure,

1 Zã 2:28

Gee Nananawa n kɔmbibehi wa, boni ya a puan, ti a han ta niiɛ na, tu wan tara inkpeŋere ti vi ka tara tɔ a nɛŋan, a han ta wa'am na.

2 Zã 1:9

Se'em woo en ka dole Kiresta pa'alegɔ la gee zɔɛ ku, ka tari Yinɛ a puan. Se'em woo en dole pa'alegɔ la, gee bɔna ku puan, tari Sɔ la mɛ, la Dayua la mɛ a puan.