Taitusi 3:13 - ZE'ELEGO PAALEGA

¹³ Kpeŋe fum mɛŋa la fum tum Zenase en de yetɔge tɔgera, la Apolos na. Gee la fum kpeŋe fum mɛŋa ti sɛla da koŋe ba ba sore kinɛ la puan.

Farefare Ninkaré

¹³ Mõrgɛ bɩsɛ Azenaasɩ n de yetɔg-mita, la Apolɔsɩ sore sẽnnɛ na yelle, tɩ sɛla da pɔ'ɔgɛ ba.

Taitusi 3:13 ပူးပေါင်းရင်းမြစ်များ

Amatie 22:35

Ti ba puan a yima dɛna yetɔgetɔgera, soke Yezu sokere ti a makɛ en bihɛ.

Aluki 10:25

Bilam bilam, ti yetɔge tɔgera ayima vaaɛ ihege ti a makɛ Yezu bihɛ, nyaa yeti, “Pa'ala, beni ti n wan iŋɛ la n ta'am nyɛ vom kamba'ahɛ wa?”

Aluki 11:45

Ti yetɔge tɔgera la ayima soke en yeti, “Pa'ala, fum han tɔgera ŋwana, fum tu ta' tumam me mɛ n bala.”

Aluki 11:52

Yele boi yamam yetɔge tɔgereba wa zuo. Se'ere en sɔi la, yamam en dikɛ mi'ilum kparehega la, ya kan kɛ̃ ya mɛŋa, gee me gu'ura sɛba en boti kɛ̃'ɛ̃ri la.”

Aluki 14:3

Ti Yezu ta soke yetɔge tɔgereba la la Farasiiduma la yeti, “La de sore ti fum tibɛ nɛreba vo'ohego dabeherɛ puan bii la dagi?”

Aluki 7:30

Gee Farasiiduma la, la yetɔge tɔgereba n ka sakɛ ti Yɔn sɔ ba ko'om la, zagehɛ la Yinɛ n tari se'ere bɔ'ɔra ba la.)

Tõoma 15:3

Ti lageŋɔ la tum ba, ti ban dole Fonisiya la Samariya la, ba yeti sɛba n dagi Yuda buuri la teere mɛ, ti sakereba la za'a n boi ze'se'ehi la puurɛ pee.

Tõoma 18:24

Nananawa, Yuda buuri la nɛra ayima yu'urɛ n yi'iri Apolos, wa'am Ɛfisu na. Ba dɔgɛ en la Alɛgezandiriya, ti a dɛna buraa n mi' tugum, gee me mina gulehegɔ la suŋa.

Tõoma 19:1

Apolos n boi Korinti la, ti Pɔɔl doohe la tinkãra zo'e zo'e puan tole wa'am na paaɛ Ɛfisu, zi'an ti a nyɛ zahereba basɛba.

Tõoma 21:5

Tu kɛ̃'a dabeha la bilam n ba'ahɛ la, tu bahɛ bilam mɛ gee le to'e tu sore. Ti sakereba la za'a, ba pɔgeba la ba kɔma beele tu ta yehe tiŋa la puan. Bilam ti tu za'a kpa' duma mɔgerɛ la nuuren pu'uhɛ,

Tõoma 28:10

Ti nɛreba wa na'ahɛ tumam paaɛ paaɛ la ba bo'olum. Pooren ti tumam ta yeti tu kiŋɛ la, ti ba tari tumam en boti sɛla woo la na iŋɛ uureŋɔ seko ti tu yeti tu zom la puan.

Aromduma 15:24

n han ta paaɛ Sipeen tiŋa, n boti n nyɛ ya mɛ n sore kinɛ la puan, ti ya te'ele mam ti n tole, n han wa'am na di pupeelum la ya dabeha fii wa.

1 Korẽntɩ 16:11

Bala la, da bahɛ ya ti se'em zeem en. Suŋɛ ya en ti a kiŋɛ a sore la la suma'ahum, ti a ta'am wa'am n zi'an na, se'ere en sɔi la, mam guri en mɛ la suurɔ tuseto la.

1 Korẽntɩ 16:12

Nananawa, han dɛna tu suuɔ Apolos yele, mam yele en mɛ la ninmu'urɛ ti a wa'am na bihɛ yamam, la suurɔ tuseto la, gee a pun ka bɔta la fii me ti wa'am na nananawa na. A han ta nyɛ yɔ'ɔ a wan wa'am na.