Taitusi 2:14 - ZE'ELEGO PAALEGA

¹⁴ Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.

Farefare Ninkaré

¹⁴ Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

Taitusi 2:14 ပူးပေါင်းရင်းမြစ်များ

Amatie 1:21

A wan dɔgɛ la budibela ti fum sigɛ ka yu'urɛ Yezu. Se'ere en sɔi la, eŋa n yeti a faaɛ a nɛreba ba be'em puan bahɛ.”

Amatie 20:28

Wuu Asaala Dayua la n ka wa'am na ti ba tuna bɔ'ɔra en, gee a tugum tuna bɔ'ɔra, pun ta dikɛ a vom yɔ to'e nɛreba zo'e zo'e se'em la.”

Amatie 3:12

A zãli a yeelego pi'ɔ mɛ a nu'uhen, a wan yeele disɛka woo ti a tɔ a toore la puan la, vaaɛ a kisuma la su' bããren. Gee bunvagela la, a wan nyɔ' ba la bugum n ka diti kiŋera puan.”

Azã 10:15

wuu Sɔ la n mi' mam ti mam me mina Sɔ la se'em la. Mam dikɛ n vom mɛ biŋe bo' n piihi la.

Azã 6:51

Mam n de vom boroboro la, ze'ele saazuo sige na la. Se'em woo en obe boroboro dina wa wan vɔna wuuha. Boroboro se'ere ti mam yeti n dikɛ bo' timpaberɛ wa ti ba tara vom la dela mam inganɛ wa.”

Tõoma 15:14

Simeyɔn (Yu'urɛ wa ta'am yi'ira Simɔn se'em yu'urɛ deyima en de Pita la). pun pa'alɛ Yinɛ en pɔhɛ zɔ sɛba n dagi Yuda buuri wa nimbu'ɔ se'em, gee yeti a yehe nɛreba ba puan ti ba yi'ira a yu'urɛ la.

Tõoma 15:9

En duuhe ba suya la bahɛ doohe ban nam la puan la, pa'alɛ yeti, yima yima ka boi tumam la bamam tiŋasuka.

Tõoma 20:28

Biheri ya, ya mɛhi suŋa, gee me biha piihi la ti Fa'a Sia la dikɛ ya ti ya biha la. Ya biha Yinɛ lageŋɔ la ti a dikɛ a mɛŋa Dayua ziim to'e ku la.

Tõoma 9:36

Yopa puan, Yezu zahera ayima n boi bini ti a yu'urɛ yi'ira Tabita ti de vuurɛ dɛna la Dɔkasi. A pirɛ itesuŋɔ la bu'a.

Galatɩ 1:4

eŋa se'em en dikɛ a mɛŋa bo' tumam be'em zuo, ti a faaɛ tɔ be'em buuri sankana wa puan bahɛ, doohe tu Yinɛ n de tu Sɔ la sumboolum en de se'em la,

Galatɩ 2:20

La le dagena mam mɛŋa en vɔi, gee la dela Kiresta en vɔi mam puan. Ti vom sebo ti n vɔna inganɛ puan nananawa, n vɔi mɛ la sakerɛ Yinɛ Dayua la, se'em en nɔŋɛ mam gee dikɛ a mɛŋa kaabɛ bo' mam la puan.

Galatɩ 3:13

Kiresta yɔ to'e tɔ mɛ ze'elego pɔtɛ la puan bahɛ, doohe eŋa ti nɔpɔtɛ dɔla en tumam zuo la. Se'ere en sɔi la, la gulehɛ biŋe yeti, “Nɔpɔtɛ en dole se'em woo en yule tia zuo.”

Efɛɛzɩ 1:11

Kiresta puan, tu tari tɔtɛ mɛ, ban pun maahum tɔ bo' eŋa se'em daana en ba'aheri sɛla woo a mɛŋa kã'aŋɔ la a sumboolum puan la.

Efɛɛzɩ 2:10

Tumam dela sɛba ti a iŋɛ tɔ ti tu dɛna la. A naam tu la Kiresta Yezu puan, ti tu tuna tunsuma sɛ'a ti Yinɛ pun maahum a ti a dɛna tu vom sore la.

Efɛɛzɩ 5:2

gee vɔni ya la nɔŋerɛ wuu Kiresta n nɔŋɛ tɔ se'em, dikɛ a mɛŋa bo' tu se'em, lebege nyuuŋo suŋɔ kaabegɔ bo'olum ti ba kaabɛ bo' Yinɛ la.

1 Timoti 1:15

Yetɔge buna wa dela yelemɛŋerɛ, dɛna tu to'e bu nu'uhi siyi, ti Kiresta Yezu wa'am tiŋa wa zuo na ti a faaɛ la be'em duma, sɛba ti mam be'em gana ba za'a.

1 Timoti 2:10

ba nɔna la tuunsuma, wuu lan nari se'em bo' pɔge se'ehi en mi ban na'ahɛ Yinɛ se'em la.

1 Timoti 2:6

se'em en dikɛ a mɛŋa kaabɛ to'ore kaabegɔ bo' nɛra woo, ti la dɛna aze'nyɛ saŋa ti a pun maahum.

1 Timoti 6:18

Ba dela ba ita itesuŋɔ, ba dɛna buntateba itesuŋɔ puan, ba bɔ'ɔra, ba dɛna sɛba en maahum ti ba tɔta,

Taitusi 2:7

Bahɛ ti naŋa bɔna fum puan zi'an woo, ti fum dɛna tuunsuma daana ti ba wan tɔgehɛ, fum pa'alegɔ puan, pa'ala la yɛm la paŋa,

Taitusi 3:8

Yetɔge buna wa dela yelemɛŋerɛ. Mam suure boti fum tɔgera yele ana wa suŋa, ti sɛba en wa'am na nam Yinɛ la wan kaabɛ ba mɛhi bo' tuunsuma. Yele ana wa dela ma'a, gee tara nyuurɔ bɔ'ɔra nɛra woo.

Hiburuduma 1:3

A dela Yinɛ suŋa niihum paaɛ paaɛ, dɛna Yinɛ vore vore, bahɛ ti sɛla woo bɔna, doohe a yelehum paŋa puan. Eŋa en duuhe saaleba be'em ba'ahɛ la, a zi'ire la Gani za'a Daana la zuɔ nu'o saazuin ha,

Hiburuduma 10:24

Gee bahɛ ya ti tu biha tumam n wan iŋɛ se'em pagera taaba la nɔŋerɛ la itesuŋɔ,

Hiburuduma 9:14

Ŋwani ti Kiresta ziim la kan tum gaŋɛ bala zo'e zo'e se'em en doohe Sia sɛka en ka tari ba'ahegɔ la puan, kaabɛ a mɛŋa fa'a kaabegɔ bo' Yinɛ la. Ziim buna wan sirum pee tu puti'ira yehe kum tuuma puan, tari tu lebe ti tu na'aha Yinɛ Vɔa wa!

Yemesi 4:8

Vurege ya du' Yinɛ, gee eŋa me wan vurege du' ya. Pee ya nu'uhi, be'em duma wa, gee pee ya suya, puti'ira ayi' ayi' duma wa.

1 Pita 1:18

Ya mi ti Yinɛ yɔ mɛ to'e ya yehe vom yoo sebo ti ya to'e ya yaabeduma zi'an la. A ka yɔ mɛ la lɔgeseto en sageni, ana wuu salempɛɛla bii salema,

1 Pita 1:22

Nananawa ti ya pee ya sɛɛhi doohe yan nam yelemɛŋerɛ la, nyaa tara yelemɛŋerɛ nɔŋerɛ la, nɔŋɛ ya taaba paaɛ paaɛ ya suya puan ha.

1 Pita 2:12

Tara ya mɛhi suŋa sɛba en dagi Yuuduma la zi'an, bala ti ban pun dikɛ ya yi' be'em duma la, ba wan nyɛ ya tunsuma la, gee pɛgera Yinɛ, a han ta wa'am na ti a gakɛ.

1 Pita 2:9

Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.

1 Pita 3:18

Kiresta me wa namehɛ mɛ buyina, tumam za'a be'em zuo. Tuntɔɔ daana en namehɛ bo' sɛba en dagi tuuntɔɔ duma, ti a tari ya na bo' Yinɛ. Ba ku en mɛ ingɔŋɔ wa puan, gee ba vo'e en mɛ Sia puan,

1 Zã 1:7

Gee tu han vɔna niihum la kankaŋi, wuu eŋa mɛŋa en boi niihum puan se'em la, tu wan bɔna taaba kankaŋi, ti a Dayua Yezu ziim la pɛɛra tɔ, tuure woo puan bahera.

1 Zã 1:9

Gee tu han purɛ tu tuure la, eŋa se'em daana en de yelemɛŋerɛ la tuuntɔɔ daana la, wan di sugeri bo' tu tuure la gee pee tu yehe sɛla woo en dagi ma'a puan.

1 Zã 3:2

N sunɔŋerɛ duma wa, tu dela Yinɛ kɔma nananawa. Tumam n wan ta ana se'em nan ka niiɛ. Tumam n mi' sɛla dela dina wa, Kiresta han ta niiɛ na, tu wan ana wuu en la, tu wan nyɛ en wuu en ani se'em la.

Lilegere 1:5

la Yezu Kiresta en de yelemɛŋerɛ aze'nyɛ daana la, dɛna ki'induma bikiima la, dɛna timpaberɛ wa zuo naduma naba la. Eŋa se'em en nɔŋɛ tɔ, gee faaɛ tɔ tu be'em puan bahɛ, la a mɛŋa ziim la,

Lilegere 5:9

Ti ba za'a yuum yuumpaalɛ yeti, “Fum nari mɛ ti fum to'e gɔŋɔ la la fum lorege daalehum se'ere en sɔi la, ba yuum kɔregɛ fum mɛ, ti fum dikɛ fum ziim yɔ to'e nɛre sunduma, buuri woo, tugum woo, nɛreba woo la tihi woo puan bo' Yinɛ.