Taitusi 2:13 - ZE'ELEGO PAALEGA

¹³ tumam n guri beere putɛ'sunɛ wa, la Yinɛ kãtɛ wa, la tu Faara Yezu Kiresta niirɛ na la na'ahegɔ la.

Farefare Ninkaré

¹³ Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

Taitusi 2:13 ပူးပေါင်းရင်းမြစ်များ

Amatie 16:27

“Se'ere en sɔi la, Asaala dayua la yeti a wa'am me na la a suŋereba, a Sɔ suŋa la puan, bilam ti a wan yɔ nɛrawoo doohe en tum se'em.

Amatie 25:31

“Asaala Dayua han ta wa'am la a suŋa la, ti suŋereba la za'a dɔla en la, a nyaa wan zi'ire a suŋa na'am kuka la zuo.

Amatie 26:64

Ti Yezu lerege en yeti, “Fum yele la bala wa. Gee n yeti fum mɛ wa, Ti hankana yɛ'a ha, fum wan ta nyɛ Asaala Dayua la, ti a zi'a paŋa zuɔ nu'o ze'ele saazuo sagbama wa puan kina na.”

Amarkɩ 14:62

Yezu yeti, “Mam en bala, gee ‘ya wan nyɛ Asaala Dayua la ti a zi'a paŋadaana la zuɔ nu'o bɔna saazuo sagbama puan kina na.’ ”

Amarkɩ 8:38

Sɛba en zoti valum la mam la n yelehum wa, yaalegɔ la be'em buuri saŋa wa puan, mam Asaala Dayua wa wan ta tara valum la ba, n han ta lɛbera na la n Sɔ suŋa la ti n Sɔ fa'a suŋereba la dɔla mam la.

Tõoma 24:15

Mam tari la beere puti'irɛ Yinɛ zi'an. Beere puti'irɛ se'ere ti bamam mɛhi pun sakɛ ti, tuntɔɔduma la be'em duma ihegere kum puan la wan tum.

Aromduma 15:13

Nananawa,Yinɛ se'ere en sɔi beere puti'irɛ la, pirɛ ya la nyɛɛma woo la suma'ahum yan nam la zuo, ya pirɛ la beere puti'irɛ ti bu yabera doohe Fa'a Sia la paŋa puan.

Aromduma 5:5

ti beere puti'irɛ wa me kan diihe tu vi, beni zuo, Yinɛ ka'ɛ la nɔŋerɛ bahɛ tu suya puan, doohe Fa'a Sia la ti a bo' tu la puan.

Aromduma 8:18

Mam mi' n suure puan suŋa suŋa ti namehegɔ seko ti tu nameha saŋa kana wa puan wa la, ti ku dagi sɛla en wan dikɛ makɛ la sunsɛka en maahum ti ka niiɛ bo' tu na wa.

1 Korẽntɩ 1:7

bahɛ ti ya ka koŋe zu'uhegɔ bo'olum sebo ya puan, yan guri tu Daana Yezu Kiresta niirɛ na wa.

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

Kolɔsɩ 1:23

wuu ya han kelum gu'ura ya mɛhi suŋa, zɛ'a kankaŋi ya sakerɛ la puan, ka vuregera ya beere puti'irɛ se'ere ti faarɛ yelesuma la biŋe nuurɛ ti ya wum la, se'ere en muulɛ bo' bunvua en boi tiŋa wa zuo wa. Mam Pɔɔl dela se'em ti ba looe bo' faari yelesuma wa.

Kolɔsɩ 1:27

Bama ti Yinɛ looe ti a doohe ba puan bahɛ ti ba baŋɛ Yinɛ suŋa en zo'e se'em yele se'ere en sugɛ wa puan bo' sɛba en dagi Yuuduma la, yele wa dela Kiresta n boi ya puan, en de ya beere puti'irɛ la suŋa.

Kolɔsɩ 1:5

beere putɛ'se'ere en boi saazuo gura ya la zuo. Ya pun tabelɛ wum beere putɛ' dina wa yele mɛ, gee baŋɛ wum yelemɛŋerɛ yelehum en de faarɛ yelehum la,

Kolɔsɩ 3:4

Kiresta en de ya vom la han ta niiɛ na, yamam me wan lagum niiɛ la en, la na'ahegɔ.

2 Tesaloniki 2:16

Nananawa, tu Daana Yezu Kiresta mɛŋa, la Yinɛ en de tu Sɔ se'em en nɔŋɛ tɔ gee doohe a zu'uhegɔ puan, bo' tu sumbugehum la beere putɛ'sunɛ en ka tari ba'ahegɔ la,

2 Tesaloniki 2:8

Bala ma'a ti se'em daana en ka kihi yele wa nyaa wan niiɛ a mɛŋa na, se'em ti Daana Yezu wan sagum en la a nuurɛ sabeeo, diihe en vi doohe a lɛbega la puan na.

1 Timoti 1:1

Mam Pɔɔl en de Kiresta Yezu tuntuna, doohe la nuurɛ ti Yinɛ en de tu faara la, la Kiresta Yezu en de tu beere puti'irɛ la bo' mam la.

2 Timoti 1:2

N gulehɛ bɔ'ɔra la Timoti en de mam sunɔŋerɛ dayua. Zu'uhegɔ, nimbɔ'zɔrɛ, la suma'ahum en ze'ele Yinɛ en de tu Sɔ la, la Kiresta Yezu tu Daana la zi'an na, bɔna la hɔ.

2 Timoti 4:1

Yinɛ, la Kiresta Yezu nɛŋan, se'em en wan gakɛ vɔpa la ki'induma la, la a lɛbega na, la a sɔ'ɔlum la zuo, n kageri fum mɛ la ninmu'urɛ.

2 Timoti 4:8

Nananawa yɛ'a ha, sɛla en dikɛ biŋe gura mam dela, tuuntɔɔ vom muŋa, sɛka ti Daana la en de tuuntɔɔ gakera la, wan dikɛ bo' mam de daarɛ, gee dagi mam ma'a, gee sɛba woo en me guri Yezu lɛbega na la.

Taitusi 1:2

beere puti'irɛ en de vom kamba'ahɛ la, ti Yinɛ en ka pareni wa biŋe nuurɛ gee baŋɛ naam tiŋa wa la.

Taitusi 1:4

Mam en guleheri bɔ'ɔra fum Taitusi en de mam sunɔŋerɛ dayua, sakerɛ se'ere ti tu lagum dɔla la puan. Zu'uhegɔ la suma'ahum en ze'ele Yinɛ en de Sɔ la, la Kiresta Yezu en de tu Faara la bɔna la ya.

Taitusi 3:4

Gee Yinɛ se'em en de tu Faara la itesuŋɔ la a nɔŋerɛ kãtɛ la en niiɛ paaɛ nɛra woo la,

Hiburuduma 9:28

bala mɛa ti Kiresta, en kaabɛ a mɛŋa buyina bo' nɛreba zo'e zo'e be'em la ba'ahɛ, a wan le niiɛ na buyi' puan na, dagi a le zabɛ la be'em, gee a faaɛ sɛba en ani kɛli gura en la.

1 Pita 1:3

Sum dɛna Yinɛ en de tu Daana Yezu Kiresta Sɔ la dinɛ! A nimbɔ'zɔrɛ kãtɛ la zuo, a bo' tu la dɔgum paalemɔ ti tu tara beere putɛ'vua doohe Yezu Kiresta vo'ore a kum la puan.

1 Pita 1:7

ti ya yelemɛŋerɛ sakerɛ la en tari tibehum gana salema, sakerɛ wa en tari tibehum gana salema wa, en pun tana Sagena la, gee ba wan kelum magehɛ bu la bugum bihɛ, bala mɛa ti ba wan magehɛ ya sakerɛ la bihɛ, gee de wan tara pɛka la suŋa, la na'ahegɔ, Yezu Kiresta han ta niiɛ na.

2 Pita 1:1

Mam Simɔn Pita, en de yameŋa, dɛna Yezu Kiresta tuntuna la, en gulehɛ bɔ'ɔra sɛba en doohe Yinɛ la Faara Yezu Kiresta tuntɔɔnɛ la puan to'e sakerɛ en de tuulum lɔkɔ wuu tumam dinɛ la.

2 Pita 3:18

Gee tugum zo'ore ya zu'uhegɔ, la ya mi'ilum tu Daana la tu faara Yezu Kiresta puan. Eŋa ti pɛka za'a dɛna a dinɛ, nananawa ta paara dabeherɛ se'ere en ka tari ba'ahegɔ la. (Taari.)

1 Zã 4:14

Tu me nyɛ de mɛ, gee muula ti, Yinɛ en de Sɔ la tum la a Dayua ti a dɛna Faara bo' tiŋa wa zuo.

Azudi 1:21

Dikɛ ya mɛhi iŋɛ Yinɛ nɔŋerɛ la puan, gee la ya biha tu Daana Yezu Kiresta nimbɔ'zɔrɛ la en dole yɛ'a vom kamba'ahɛ puan la.

Lilegere 1:7

Bihɛ ya! Eŋa en bala bɔna sagbama puan kina na la. Niho woo wan nyɛ en pun ta ta' sɛba en daa lu' en la. Eŋa en kinɛ na la zuo, buuri woo en boi timpaberɛ wa zuo wan kele. Lan yeti la ana se'em en bala. Taari.