Taitusi 2:11 - ZE'ELEGO PAALEGA

¹¹ Se'ere en sɔi la, Yinɛ zu'uhegɔ la wa'am na tari la faarɛ na bo' nɛra woo,

Farefare Ninkaré

¹¹ Bẽm ĩyã, Nawẽnnɛ botɩ tɩ bãŋɛ a yel-sõnnɛ la n de fãarɛ bɔ nẽrsaalba wuu la mɛ.

Taitusi 2:11 ပူးပေါင်းရင်းမြစ်များ

Amatie 28:19

Bala, kiŋɛ ya timpaberɛ wa zuo za'a, la ya maahum zahereba bo' mam. Sɔ ya ba ko'om doohe, Sɔ la, la Dayua la, la Fa'a Sia yu'urɛ puan,

Amarkɩ 16:15

Ti a yele ba yeti, “Kiŋɛ ya timpaberɛ wa zi'an woo ta muulɛ yelesuma wa bo' nɛra woo.

Aluki 24:47

ti a yu'urɛ puan ti ba wan muula teere en bo'ori , la be'em sugeri dia, pɔhera Yerusalɛm, la tihi za'a puan.

Aluki 3:6

gee ti saala woo nyɛ Yinɛ Faarɛ la.”

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Azã 1:9

Yelemɛŋerɛ niihum la en niiri bɔ'ɔra nɛra woo la en ye' timpaberɛ wa zuo na.

Tõoma 11:23

Banabase n wa'am na paaɛ nyɛ Yinɛ zu'uhegɔ la n sige nɛreba la zuo se'em la, a puurɛ n pee, ti a kpemehe ba za'a yeti, ba bɔna ba sakerɛ la puan la Daana la, la ba kaabɛ ba mɛhi bo' en saŋa woo;

Tõoma 13:43

Ban ta ba'ahɛ lageŋɔ la zamehegɔ yire la puan la, Ti Yuda buuri la zo'e zo'e la sɛba n kaabɛ ba mɛhi bo' Yuda pu'uhegɔ la dɔla Pɔɔl la Banabase poore, ti ba tɔgera bɔ'ɔra ba gee kpɛmeha ti ba kelum bɔna Yinɛ zu'uhegɔ la puan.

Tõoma 13:47

Ŋwana wa la zuo, Daana pun bo' tumam a nuurɛ mɛ yeti, ‘Mam iŋɛ ya ti ya dɛna la niihum bo' sɛba n dagi Yuda buuri la, Ti ya bahɛ ti faarɛ paaɛ timpaberɛ wa zi'an woo.’ ”

Tõoma 17:30

Saŋa daa boi ti Yinɛ daa ka dikɛ saaleba yɛmka'alum ti la dɛna daaŋɔ. Gee nananawa, a bo' nɛrawoo n boi ze'sɛka woo la nuurɛ ti ba tee,

Tõoma 20:24

Gee mam ka biheri n vom la ti bu tara vuurɛ bo' mam, n han wa nyaŋɛ ni ba'ahɛ n tuunɛ wa, la tuunse'ere ti n to'e tu Daana Yezu ze'a ti n muulɛ faarɛ yelehum wa, n de Yinɛ zu'uhegɔ yɛla wa.

Aromduma 10:18

Gee mam sokere dela, Ba ka wum? Yelemɛŋerɛ, ba wum ya. Se'ere en sɔi la, la gulehɛ gɔŋɔ la puan yeti, “Ba kua yehe paaɛ timpaberɛ wa zi'an woo mɛ, ti ba yelehum la paaɛ timpaberɛ wa luga za'a.”

Aromduma 5:15

Gee se'em ti Yinɛ dikɛ bo' tu zaŋa la ka ani wuu se'em en tari tuure la. Se'ere en sɔi la, nɛreba kekeko la han ki doohe la nɛre yinɛ tuure la zuo, yelemɛŋerɛ, Yinɛ zu'uhegɔ la, la a bo'olum ti a bo' zaŋa la, doohe la zu'uhegɔ seko ti a zu'uhɛ buraa kayima Yezu Kiresta wa la, zu'uhegɔ kuna wan bɔna zo'e zo'e bo' nɛreba zo'e zo'e.

Aromduma 5:2

Se'em puan ti tu doohe nyɛ yɔ'ɔ doohe (sakerɛ) puan ti tu tara zu'uhegɔ seko ti tu yaga ku zuo wa, gee me ŋmɛ'ɛra nyu'ɔ la tumam beere wan lagum nyɛ Yinɛ suŋa la.

2 Korẽntɩ 6:1

Wuu tumam n lagum tuna la en la, ti beleni ya mɛ ti ya da to'e Yinɛ zu'uhegɔ la yoo.

Galatɩ 2:21

Mam ka zagehɛ Yinɛ zu'uhegɔ la. Se'ere en sɔi la, nɛra han ka tara tuure doohe ze'elego la puan, Kiresta kum la yi dela yoo.

Efɛɛzɩ 2:5

la tumam n daa pun ki tu be'em la zuo la, Yinɛ bahɛ ti tu vo'e mɛ la Kiresta. Zu'uhegɔ zuo ti ya nyɛ faarɛ.

Efɛɛzɩ 2:8

La dela zu'uhegɔ zuo ti ya nyɛ faarɛ, doohe sakerɛ puan. Dina dagi ya mɛhi en iŋɛ sɛla, gee la dela Yinɛ bo'olum.

Kolɔsɩ 1:23

wuu ya han kelum gu'ura ya mɛhi suŋa, zɛ'a kankaŋi ya sakerɛ la puan, ka vuregera ya beere puti'irɛ se'ere ti faarɛ yelesuma la biŋe nuurɛ ti ya wum la, se'ere en muulɛ bo' bunvua en boi tiŋa wa zuo wa. Mam Pɔɔl dela se'em ti ba looe bo' faari yelesuma wa.

Kolɔsɩ 1:6

n wa'am ya zi'an na la. Woo bumɔ en wani wala gee zɔ'ɔra se'em tiŋa wa zuo za'a se'em la, bala mɛa ti bu wuna wala ya puan, pɔhɛ daan se'ere daarɛ ti ya wum, gee bɔkɛ Yinɛ zu'uhegɔ la.

2 Tesaloniki 2:16

Nananawa, tu Daana Yezu Kiresta mɛŋa, la Yinɛ en de tu Sɔ se'em en nɔŋɛ tɔ gee doohe a zu'uhegɔ puan, bo' tu sumbugehum la beere putɛ'sunɛ en ka tari ba'ahegɔ la,

1 Timoti 1:14

Daana zu'uhegɔ la ɔkɛ mam mɛ, la sakerɛ la nɔŋerɛ se'ere en boi Kiresta Yezu puan la.

1 Timoti 2:4

se'em en boti nɛra woo nyɛ faarɛ gee wa'am na baŋɛ mi'ilum sebo en boi yelemɛŋerɛ la puan la.

2 Timoti 1:10

gee de nyaa niiɛ mɛ na, doohe tu Faara Kiresta Yezu niirɛ na la puan, se'em en wa'am na sagum kum paŋa, gee tari vom la sɛla en ka kiiri, ti la niiɛ peelumen na, doohe faarɛ yelehum la puan.

2 Timoti 4:17

Gee Daana la en ze'ele la mam, gee bo' mam paŋa, ti doohe mam puan, yelehum la wan muulɛ suŋa, ti sɛba en dagi Yuuduma la wan wam dɛ. Bala ti a faaɛ mam gbigenɛ nuuren la.

Hiburuduma 12:15

Bihɛ ya suŋa, ti ya se'em da koŋe Yinɛ zu'uhegɔ la. Da bahɛ ya ti too nyɛgerɛ yehe ya puan na, tari daaŋɔ wa'am na, ti ya doohe de puan galum nɛreba zo'e zo'e.

Hiburuduma 2:9

gee tu nyɛ Yezu, se'em ti saŋa fii wa, Yinɛ iŋɛ en ti a bɔna suŋereba la tiŋa, gee nananawa nyaa vuge suŋa la na'ahegɔ muŋa doohe a namehegɔ kum la zuo, ti Yinɛ zu'uhegɔ la zuo,Yezu wan lem kum bo' nɛra woo.