Lilegere 2:3 - ZE'ELEGO PAALEGA

³ N me kelum mina ti ya ŋmiberi mɛ la sugeri, gee uhera mam yu'urɛ la zuo, gee me mina ti ya ka taregeri.

Farefare Ninkaré

³ Yãma mõrgɛ sẽnna nẽŋa mɛ, ya nãmsrɩ mam yʋ'ʋrɛ la ĩyã mɛ, dee ka basɛ tɩ ya bʋraanɛ bo'oge.

Lilegere 2:3 ပူးပေါင်းရင်းမြစ်များ

Amarkɩ 15:21

Ban boi sore zuo yɛ' la, ba tu'uhɛ la buraa kayima n kinɛ ka kinɛ ti ka yu'urɛ yi'ira Simɔn, yehe Saarin timpaberɛ na, dɛna Alɛgezanda la Arufuse duma sɔ, ti ba pɛregɛ en ti a zi Yezu pumpuuredɔɔ la.

Aluki 14:27

Se'em woo n ka zi a pumpuuredɔɔ dɔla mam, kan ta'am dɛna mam zahera.

Aluki 18:1

Ti Yezu makɛ makerɛ bo' ba, ti ba pu'uha, saŋa woo gee ti ba giila da kɔ'ɔha.

Aluki 21:19

Ya ŋmibega puan ti ya sɛɛhi wan nyɛ faarɛ.

Aluki 5:5

Ti Simɔn yele en yeti, “Naa, tumam zaam tum la bala yu'uŋɔ na, gee ka nyɔkɛ la biileŋa me, gee fum han yele bala, n wan lobe yuka la.”

Aluki 8:15

Gee han dɛna sɛba n lu pu'uhegɔ zi'an la, bamam dela, sɛba n ni wum yelehum la, gurɛ bu kankaŋi la yelemɛŋerɛ, la susunɛ, tara sugeri la ŋmibega ta wam wala.

Azã 15:21

Gee ba wan iŋɛ ya yele ana woo mam yu'urɛ wa zuo. Se'ere n sɔi la, ba ka mi' se'em n tum mam na la.

Aromduma 12:12

Nyɛɛni ya mɛ la beere puti'irɛ, tara ya sugeri ya namehegɔ puan, gee me ŋmibera ya pu'uhegɔ puan.

Aromduma 16:12

Pu'uhɛ ya sɛba en de Daana la tuntuneba dɛna, Tirefaina la Tirefosa. Pu'uhɛ ya n sunɔŋerɛ, Pɛsisi en tum paaɛ paaɛ Daana la puan la.

Aromduma 2:7

Sɛba en ŋmibe tuna sum la, se'ere en sɔi la, ba nini mu'ɛ mɛ ɛɛra suŋa, na'ahegɔ, la sɛla en ka pu'uri. Yinɛ wan bo' ba vom kamba'ahɛ.

Aromduma 8:25

Gee tu beere puti'irɛ han dɛna la sɛla ti tu nan ka nyɛ, tu wan gura dɛ suŋa suŋa la sugeri.

1 Korẽntɩ 13:7

Nɔŋerɛ uheri mɛ sɛla woo, nana sɛla woo, tara beere puti'irɛ sɛla woo puan, ŋmibera sɛla woo puan.

1 Korẽntɩ 16:16

Mam ka'ani ya mɛ ninmu'urɛ ti ya dikɛ ya mɛhi tuna tuun aŋa taaba bɔ'ɔra nɛrebamam taaba, la sɛba woo en tuni gee wɔbegera muregere la ba.

2 Korẽntɩ 10:15

Tumam ka ŋmɛ'ɛri tu nyu'ɔ zɔ'ɔra tu tɛka beene, de vuurɛ dela, tu ka ŋmɛ'ɛri tu nyu'ɔ la basɛba tuuma, gee tumam puti'irɛ dela, wuu ya sakerɛ la n zo'ore la, tumam n tuni zi'an la ya la, wan yalegɛ pa'ahɛ,

2 Korẽntɩ 11:23

Ba dela Kiresta tuntuneba? N nyaa kɔ'ɔm tɔgera mɛ wuu zɔlegɔ la, han dɛna bala mam yi gani ba. Namehɛ gana ba, kɛ̃ paka deto puan gana ba, to'ohe ŋmɛ'ɛrɛ en ka tari kãlɛ gana ba, saŋa zo'e zo'e, pɔ̃hɛ n nyuurɔ gana ba.

2 Korẽntɩ 4:1

Bala, lan diŋɛ dɛna Yinɛ nimbɔ'zɔrɛ zuo ti tu bɔna tuun-ana wa puan la, tu yɛm ka yɔ'ɔri.

2 Korẽntɩ 4:16

Bala la, ti ka kɔ'ɛ suure, la tu inganɛ wa n namehɛ ta ana wuu ka pu'uri me wa, tu puan naanɛ la lebegere la paalega beere yilegeri woo.

2 Korẽntɩ 5:9

Bala, tu bɔna inganɛ wa puan, la tu ka boi inganɛ wa puan, tumam lu' tu suya ti tu tigɛ la a nini.

2 Korẽntɩ 6:5

ŋmɛ'a, paka, gbiregeri, tuunkãra, gɔgara, kom,

Galatɩ 6:2

Ziiri ya taaba zeero, ŋwana ti Kiresta ze'elego la wan wa'am asira na.

Galatɩ 6:9

Bala, da bahɛ ya ti tu taregɛ la tu ita sɛla en de ma'a. Se'ere sɔi la, tu wan ta kɛ̃', kɛ̃'a saŋa la han paaɛ, ti tu ka bahɛ tu ita sɛla en de ma'a la.

Filipi 2:16

La dela yamam en tari vom yelehum wa kankaŋi la zuo, ti n wan ta ta'am ŋmɛ' nyu'ɔ Kiresta lɛbega daarɛ na, ti n daa ka zɔ bahɛ yoo bii n tum bahɛ yoo.

Filipi 4:3

Gee yɛta fum se'em ti mam la fum bɔna yɔgehega kayima puan wa yeti, fum suŋɛ pɔgehi wa. Se'ere en sɔi la, si lagum zabɛ mɛ suŋɛ mam faarɛ yelehum wa tuuma puan. Bamam la Kilɛmɛnti la basɛba la en de mam tuntuneba taaba la, sɛba yu'ura en boi vom gɔŋɔ la puan la.

Kolɔsɩ 1:11

Ya kpe'em la paŋa sɛka woo en ze'ele Yinɛ paŋa puan na, ya dɛna sɛba en maahum ti ya ŋmibera sɛla woo puan la sugeri, gee nyɛɛna

1 Tesaloniki 1:3

Tu tɛɛra tu Yinɛ en de tu Sɔ la nɛŋan ya sakerɛ tuuma, la ya nɔŋerɛ tuuma, la yan ze' se'em kankaŋi ya beere puti'irɛ la puan se'em tu Daana Yezu Kiresta puan la.

1 Tesaloniki 2:9

Ya tɛri tumam n daa tuni gee nameha se'em, n suurɔ, tu daa tuni la bala yu'uŋɔ la wuntɛɛŋa za'a, ti tu da dɛna zeero bo' ya, tumam n muulɛ Yinɛ faarɛ yelehum la bɔ'ɔra ya la.

1 Tesaloniki 5:12

Gee tu beleni ya mɛ tu suurɔ, na'aheri ya sɛba en tuni ya puan la, sɔna ya biha Daana la puan, gee ka'ana ya la.

2 Tesaloniki 3:13

N suurɔ, da taregɛ ya la itesuŋɔ.

2 Tesaloniki 3:5

Daana la bahɛ ti ya suya kiŋɛ Yinɛ nɔŋerɛ, la ŋmibega Kiresta puan.

2 Tesaloniki 3:8

tu daa ka di se'em dia gee ka yɔ. Gee tu daa tuni mɛ gee wɔbegera muregere yu'uŋɔ la wuntɛɛŋa, ti tu da dɛna zeero bo' ya se'em.

1 Timoti 4:10

Tara tara la zina, tu nameheri mɛ gee zigera, beni zuo, tu dikɛ tu beere puti'irɛ delum la Yinɛ vua wa en de asaala woo Faara wa, yele yele wuu sɛba en nam la.

1 Timoti 5:17

Kiinduma sɛba en tuni lageŋɔ tuuma suŋa la nari la na'ahegɔ en ka tari makerɛ, yele yele wuu sɛba en mu'ɛ nini muula gee pa'ala Yinɛ yelehum la.

Hiburuduma 10:36

Bala zuo, ya boti la ŋmibega, ti ya han ta tum Yinɛ sumboolum la ba'ahɛ, ya wan to'e nɔbiŋere la.

Hiburuduma 12:1

Bala, aze'nyɛ wa en zo'e se'em wuu sagbanɛ wa kaaɛ tu mum wa zuo, bahɛ ya ti tu dikɛ tibehegɔ seko woo, la be'em sebo woo en ba' tabera, gee ana la tɔ kankaŋi la biŋe kinkɛleŋa, gee bahɛ ya ti tu zɔta la ŋmibega, zɔ sɛka en gã' tu nɛŋan wa.

Hiburuduma 13:13

Bahɛ ya ti tu kiŋɛ ya a zi'an tiiheŋɔ la yiŋa la ha, la tu ta lagum di nyanɛ se'ere ti a ŋmibe de puan la.

Hiburuduma 6:10

Yinɛ dagi se'em n ka bo'ori buurɔ. A kan mum a nini la ya tuuma la, la ya nɔŋerɛ la ti ya pa'alɛ a yu'urɛ zuo la, doohe la yan bihɛ nɛresunduma la se'em, wuu yan kelum ita se'em wa la.

Hiburuduma 6:12

Bala ti se'em kan bukɛ, gee ya wan tɔgehɛ sɛba woo en doohe sakerɛ, la ŋmibega puan ta to'e Yinɛ en biŋe nuurɛ ti a iŋɛ se'ere la.

Hiburuduma 6:15

Bala ti Aberaham me yuum tari sugeri ŋmibera la, a yuum sirum ta to'e nɔbiŋere la mɛ.

2 Pita 1:6

ti mi'ilum la puan, zulaam bɔŋa pa'ahɛ bini, ti zulaam bɔŋa la puan, ŋmibega pa'ahɛ bini, ti ŋmibega la puan, vom sumɔ pa'ahɛ bini,

Lilegere 1:9

Mam Yɔn, ya suuɔ, se'em la yamam en lagum bɔna Yezu puan, lagum nyɛ namehegɔ, a sɔ'ɔlum la, la a sugeri ŋmibega la, n wa bɔna la tiŋa en boi ko'om tiŋasuka ti ba yi'ira ka Patimose, mam muuli Yinɛ yelehum la, la mam en de Yezu aze'nyɛ daana la zuo.

Lilegere 3:10

Yamam en tari mam yelehum la en de sugeri, la ŋmibega la zuo, n wan gu' ya makerɛ se'ere en ye'ehe timpaberɛ wa zuo na ti de makɛ tiŋa wa zuo nɛreba za'a la puan.