Hiburuduma 9:26 - ZE'ELEGO PAALEGA

²⁶ la ha deni bala, a ye wan nameheri mɛ tulena, pɔhera tiŋa wa pi'ileŋo puan na la. Gee lan de se'em la, a wa'am la buyina za'a za'a ba'ahegɔ saŋa buuri wa puan, ti a fooe be'em bahɛ, doohe a dikɛ a mɛŋa kaabɛ.

Farefare Ninkaré

²⁶ La sãn dagɩ nɩ bɛla, a daan wʋn nãmsɛ nɩ mɛ nõorɛ faa, halɩ lan pɔsɛ dũnia pĩ'iluŋo wa paam zĩna. La sɛla n de sɩra, a wa'am na nõorɛ ayɩla mã'a dũnia ba'asgɔ wakatɛ wã, tɩ a yese tõon-be'ero, ẽn dɩkɛ a mẽŋa kãabɛ la ĩyã.

Hiburuduma 9:26 ပူးပေါင်းရင်းမြစ်များ

Amatie 13:39

dima la en burɛ mɔyileŋo la dela Sagena la, ti buŋa la me dɛna timpaberɛ wa ba'ahegɔ saŋa, ti buneba la dɛna Yinɛ suŋereba.

Amatie 13:40

Wuu mɔyileŋo la ti ba lagehɛ nyɔ' se'em la bugum la, la wan ta ana la bala tiŋa wa ba'ahegɔ saŋa.

Amatie 25:34

Ti naba la nyaa wan yele sɛba n boi a zuɔ nu'o bɔba la yeti, ‘Wa'am ya na, yamam sɛba ti mam Sɔ iŋɛ sum bo' ya wa, la ya sooe sɔ'ɔlum la ti ba maahum biŋe ya tiŋa wa pi'ileŋo puan ha sɔna.

Azã 1:29

Yiimbeere ti Yɔn nyɛ ti Yezu kini tɔɔra en na, ti a muulɛ yeti, “Bihɛ ya,Yinɛ Pebila la n ŋwana, se'em n to'e timpaberɛ wa zuo be'em la!

Azã 17:24

N Sɔ, mam le bɔta ti, nɛresɛba ti fum dikɛ bo' mam wa ta lagum bɔna la mam n bɔŋa zi'an la puan, la ba nyɛ na'ahegɔ seko ti fum mɛŋa dikɛ bo' mam, doohe la fum nɔŋɛ mam se'em gee ti timpaberɛ wa baŋɛ naam la zuo.

1 Korẽntɩ 10:11

Yele ana wa iŋɛ ba ti la dɛna la makerɛ, gee ti ba gulehɛ a biŋe ti a pa'alɛ tumam sɛba en boi ba'ahegɔ buuri saŋa wa puan la.

Galatɩ 4:1

Mam n yeti se'ere n ŋwana, asooe sɔna duma la han nan dɛna kɔma, ba ka nyanɛ yamehi, la bamam pun sɔna lɔgerɔ la za'a la.

Efɛɛzɩ 1:10

ti la dɛna sɛla en maahum gura saŋa la ta paaɛ, ti a kã'ahɛ sɛla woo bo' a mɛŋa. Sɛla en boi saazuo, la sɛla en boi timpaberɛ wa zuo, ti iŋɛ Yezu dɛna nɛŋa daana.

Efɛɛzɩ 5:2

gee vɔni ya la nɔŋerɛ wuu Kiresta n nɔŋɛ tɔ se'em, dikɛ a mɛŋa bo' tu se'em, lebege nyuuŋo suŋɔ kaabegɔ bo'olum ti ba kaabɛ bo' Yinɛ la.

Taitusi 2:14

Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.

Hiburuduma 1:2

gee ba'ahegɔ dabeha wa puan, a tɔgɛ bo' tu doohe la a dayua puan, sɛka ti a looe ti ka sooe sɔna sɛla woo, se'em puan ti Yinɛ doohe naam sɛla woo en boi wa.

Hiburuduma 10:10

Ti la dɛna la Yinɛ mɛŋa sumboolum zuo, ti ba pee tumam doohe Yezu Kiresta inganɛ la en dikɛ kaabɛ buyina za'a za'a bo' nɛra woo la.

Hiburuduma 10:12

Gee Kiresta kaabɛ la buyina bo' saŋa woo, kaabegɔ kuyina ma'a la bo' be'em ba'ahɛ la, a nyaa zi'ire la Yinɛ zuɔ nu'o,

Hiburuduma 10:26

Gee tu han kɔ'ɔm mina gee bɔna be'em puan tumam en to'e yelemɛŋerɛ mi'ilum la ba'ahɛ la, kaabegɔ ka le yee wan kaabɛ bo' tu be'em,

Hiburuduma 10:4

Se'ere en sɔi la, la kan ta'am iŋɛ ti lɔlehi la buuhi ziim ta'am saalum be'em.

Hiburuduma 4:3

Se'ere en sɔi la, tumam sɛba en sakɛ la, kɛ̃ vo'ohego la puan mɛ wuu Yinɛ en yele se'em yeti, “Wuu mam sunsunyiim puan ti n pɔ yeti, Ba kan makɛ kɛ̃ mam vo'ohego la puan” la, la eŋa en pun tum sɛla woo ba'ahɛ tiŋa wa pi'ileŋo puan ha la.

Hiburuduma 7:27

Eŋa ka ani wuu malema duma bana la, a ka de a ni kaabera daare woo, ni kaabɛ a mɛŋa be'em zuo yia, gee nyaa kaabɛ bo' nɛreba la be'em. A kaabɛ la kaabegɔ buyina za'a, en daa dikɛ a mɛŋa kaabɛ la.

Hiburuduma 9:12

a kɛ̃ la buyina za'a za'a Fa'a Saraa wa puan, ka tari buuhi la nagebibehi ziim, gee a mɛŋa ziim, n ze'ele bo' faarɛ en ka tari ba'ahegɔ.

Hiburuduma 9:14

Ŋwani ti Kiresta ziim la kan tum gaŋɛ bala zo'e zo'e se'em en doohe Sia sɛka en ka tari ba'ahegɔ la puan, kaabɛ a mɛŋa fa'a kaabegɔ bo' Yinɛ la. Ziim buna wan sirum pee tu puti'ira yehe kum tuuma puan, tari tu lebe ti tu na'aha Yinɛ Vɔa wa!

1 Pita 1:20

Yinɛ yuum pun maahum en mɛ gee ti timpaberɛ wa baŋɛ pi'ilum, gee ta niiɛ en ba'ahegɔ saŋa wa puan, yamam zuo.

1 Pita 2:24

Eŋa mɛŋa en zi' tu be'em a iŋa puan pumpuuredɔɔ la zuo. Be'em la en ki tumam puan la, tu nyaa wan vɔna tuuntɔɔ vom. A pɔgeleŋɔ la puan, ti ya nyɛ tibegɔ.

1 Pita 3:18

Kiresta me wa namehɛ mɛ buyina, tumam za'a be'em zuo. Tuntɔɔ daana en namehɛ bo' sɛba en dagi tuuntɔɔ duma, ti a tari ya na bo' Yinɛ. Ba ku en mɛ ingɔŋɔ wa puan, gee ba vo'e en mɛ Sia puan,

1 Pita 4:7

Sɛla woo ba'ahegɔ pɔri mɛ. Bala, mu'ɛ ya nini, gee ta'na ya mɛhi tara suŋa, ya pu'uhegɔ zuo.

1 Zã 3:5

Ya mi' ti Kiresta niiɛ na ti a dikɛ la tuure, ti eŋa puan ti tuure ka bɔna.

1 Zã 3:8

Se'em woo en tari tuure dela Sagena la bia, se'ere en sɔi la, Sagena la pun tuura mɛ la bala pi'ileŋen na. Yinɛ Dayua la niiɛ na la yele dina zuo, ti a lorege Sagena la tuuma za'a za'a.

Lilegere 13:8

Ti nɛreba woo en boi timpaberɛ wa zuo wan na'aha en. Se'em woo yu'urɛ en ka gulehɛ iŋɛ vom gɔŋɔ la gee ti ba baŋɛ naam timpaberɛ wa la, gɔŋɔ wa dela pebila wa gɔŋɔ, pebila sɛka ti ba kɔregɛ la.

Lilegere 17:8

Bunsilemasio la ti fum nyɛ ni la, daa vɔi mɛ, gee ki, gee nyaa bɔna bini ti ku ze'ele boko kãtɛ la en boi tiŋa tiŋa ha la dooe na, ti ba sagum en. Ti sɛba woo en boi timpaberɛ wa zuo ti ba yu'ura ka gulehɛ bɔna vom gɔŋɔ la puan tiŋa wa pi'ileŋo puan na la, la wan ta iŋɛ ba pakerɛ ba han le ta nyɛ bunsilemasio la, beni zuo, ku daa boi mɛ, gee ki, gee le yeti ku vo'e na.